Recent Podcasts

საქართველოს ეროვნული ნაკრების მთავარი მწვრთნელის, ვილი სანიოლის ყოფილი ასისტენტი ზურაბ ხიზანიშვილი საქართველოს 19-წლამდელთა ნაკრების მთავარ მწვრთნელად დაინიშნა.

მისი ხელმძღვანელობით 19-წლამდელთა ნაკრები 2026 წელს შესარჩევ ციკლს დაიწყებს, რომელიც ახალი ფორმატით გაიმართება.

ზურაბ ხიზანიშვილი 2017 წლიდან 2020 წლამდე მთავარი მწვრთნელის ასისტენტი იყო, პარალელურად, 16-წლამდელთა ნაკრებს ევროპის ჩემპიონატის შესარჩევი ციკლისთვის ამზადებდა.

2021 წლიდან ხიზანიშვილი ეროვნულ ნაკრებში ვილი სანიოლის ასისტენტად მუშაობდა.

სუპერ მსუბუქ ზონაში UFC-ს ქართველი მებრძოლი მერაბ დვალიშვილი პიოტრ იანთან დამარცხდა და ჩემპიონის ქამარი დაკარგა. მსაჯებმა გადაწყვეტილება ერთსულოვნად მიიღეს - (49-46, 49-46, 48-47).

ლას-ვეგასში გამართული ბრძოლის შემდეგ დვალიშვილმა მეტოქეს გამარჯვება მიულოცა და რევანშის სურვილის შესახებ განაცხადა.

იაპონიაში ტოკიოს გრანდ-სლემი მიმდინარეობს. ქართველმა ძიუდოისტმა გიორგი ჯაბნიაშვილმა(90 კგ) ტურნირზე ბრინჯაოს მედალი მოიპოვა. მან მესამე ადგილისთვის შეხვედრაში იტალიელი ტიციანო ფალკონე დაამარცხა.

საქართველოს სპორტის სამინისტროს ინფორმაციით, ბრინჯაოს მედლისთვის შეხვედრამდე ქართველმა ძიუდოისტმა რუსი ეგრო მალკინი დაამარცხა, მეოთხედფინალი კი იაპონელ გოკი ტაჯიმასთან დათმო.

მიმდინარე ტურნირზე ბრინჯაოს მედლისთვის იბრძოლებს ეთერ ლიპარტელიანი (57 კგ), ილია სულამანიძე(- 100კგ) კი ფინალში იაპონელ დოტა არაის დაუპირისპირდება.

ქართველი ძიუდოისტები ტოკიოს გრანდსლემზე საქართველოს სპორტის სამინისტროს მხარდაჭერით იმყოფებიან.

არაბთა გაერთიანებული საამიროების დედაქალაქ აბუ-დაბიში ძიუდოს „გრანდ სლემი“ მიმდინარეობს. ძიუდოისტმა ლაშა ბექაურმა (-90 კგ) ფინალში მოლდოველი მაჰილ ლატისევი დაამარცხა.

სპორტის სამინისტროს ინფორმაციით, ფინალურ შეხვედრამდე მან ნიდერლანდელი მარკუს ვან დეიკი, რუსი ეგორ ანდონი და სერბი ისლამ სოგენოვი დაამარცხა. ნახევარფინალში კი სამხრეთ კორეელ ჯომგჰუნ კიმს სძლია.

მიმდინარე ტურნირზე ეს საქართველოსთვის მეორე მედალია. გიორგი სარდალაშვილმა (-60 კგ) ბრინჯაოს მედალი მოიპოვა.
ქართველი ძიუდოისტები აბუ-დაბის „გრანდ სლემზე“ საქართველოს სპორტის სამინისტროს მხარდაჭერით იმყოფებიან.