Recent Podcasts
საქართველოს მთავრობის გადაწყვეტილებით, საქართველოს ხელბურთელთა ეროვნულ ნაკრებს ევროპის ჩემპიონატზე გასვლისთვის ფულადი ჯილდო მილიონი ლარი გადაეცემა.
შესაბამის განკარგულებას ხელი პრემიერ-მინისტრმა ირაკლი კობახიძემ მოაწერა.
საქართველოს ხელბურთელთა ეროვნულმა ნაკრებმა თბილისი არენაზე გამართულ გადამწყვეტ მატჩში დღეს საბერძნეთის ნაკრები დაამარცხა და ევროპის ჩემპიონატზე ასპარეზობის უფლება ზედიზედ მეორედ მოიპოვა.
მატჩს პრემიერ-მინისტრი პრეზიდენტთან და მთავრობის წევრებთან ერთად დაესწრო. ირაკლი კობახიძემ ხელბურთელთა ეროვნული ნაკრების წევრებს მადლობა გადაუხადა, გამარჯვება მიულოცა და წარმატებები უსურვა.
ინფორმაციას მთავრობის ადმინისტრაცია ავრცელებს.
საქართველოს ხელბურთელთა ნაკრები ზედიზედ მეორედ ითამაშებს ევროპის ჩემპიონატზე. გადამწყვეტი აღმოჩნდა მეხუთე ტურის საშინაო მატჩი საბერძნეთთან, რომელიც ქართველებმა 29:26 მოიგეს.
სპორტის სამინისტერო ხელბურთელთა ნაკრებს გამარჯვებას ულოცავს.
საქართველოს მთავრობის გადაწყვეტილებით, საქართველოს ხელბურთელთა ეროვნულ ნაკრებს ევროპის ჩემპიონატზე გასვლისთვის ფულადი ჯილდო მილიონი ლარი გადაეცემა.
მთავრობის განკარგულებით, 2025 წლის ფარიკაობის მსოფლიო ჩემპიონატის ჩატარების ხელშეწყობის მიზნით სამთავრობო კომისია შეიქმნა. განკარგულებით თანახმად, კომისიას სპორტის მინისტრი შალვა გოგოლაძე უხელმძღვანელებს.
სამთავრობო კომისიის წევრები იქნებიან საქართველოს შინაგან საქმეთა, საგარეო საქმეთა, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის და ფინანსთა მინისტრის პირველი მოადგილეები, ასევე სახელმწიფო დაცვის სპეციალური სამსახურის უფროსი და ტურიზმის ეროვნული ადმინისტრაციის ხელმძღვანელი.
კომისიის მუშაობაში მონაწილეობა ეთხოვათ თბილისის ვიცე-მერს და საქართველოს ფარიკაობის ფედერაციის პრეზიდენტს.
ღონისძიების მომზადების, მასთან დაკავშირებული საორგანიზაციო საკითხების დაგეგმვისა და განხორციელების, მათ შორის, შესაბამისი დაფინანსების განაწილებისა და მიზნობრიობის განსაზღვრის მიზნით, საქართველოს სპორტის სამინისტრო უფლებამოსილია, შექმნას ღონისძიების საორგანიზაციო ჯგუფი.
კომისიის სამდივნოს ფუნქციას საქართველოს სპორტის სამინისტრო განახორციელებს.
ცნობისთვის, ფარიკაობის მსოფლიო ჩემპიონატი თბილისში 20-30 ივლისს ჩატარდება.
სამხრეთ კორეაში ხმლით მოფარიკავე სენიორებს შორის სეულის გრან-პრი მიმდინარეობს. ტურნირზე ქართველმა მოფარიკავემ, სანდრო ბაზაძემ ბრინჯაოს მედალი მოიპოვა.
სპორტის სამინისტროს ინფორმაციით, სანდრო ბაზაძემ მეოთხედფინალში სამხრეთ კორეელ სან გუკ ოჰს ანგარიშით 15:11 სძლია. ქართველმა მოფარიკავემ ნახევარფინალი უნგრელ სპორტსმენთან ანგარიშით 10:15 დათმო და მესამე ადგილს დასჯერდა.
სეული 36 ქვეყნის 200-მდე მოფარიკავეს მასპინძლობს. ქართველი სპორტსმენები ტურნირზე საქართველოს სპორტის სამინისტროს მხარდაჭერით იმყოფებიან.
ჩემპიონთა ლიგის ნახევარფინალური ეტაპის პირველი მატჩების შემდეგ განაახლეს კოეფიციენტები „ოქროს ბურთის“ მოგებაზე.
პრიზის მიღების ახალი პრეტენდენტი გახდა „ბარსელონას“ გარემარბი ლამინ იამალი. მისი თანაგუნდელი რაფინია მეორე ადგილზე ჩამოქვეითდა, ხოლო მესამე ადგილზეა „პარი სენ-ჟერმენის“ ფორვარდი უსმან დემბელე.
ახალ რეიტინგში TOP 10-დან გავარდა „რეალის“ ფორვარდი კილიან მბაპე. მისი ადგილი დაიკავა „პარი სენ-ჟერმენის“ მეკარემ, ჯანლუიჯი დონარუმამ.
„ოქროს ბურთის“ ფავორიტთა ტოპ ათეული:
- ლამინ იამალი (ბარსელონა) – 2.50
- რაფინია (ბარსელონა) – 3.25
- უსმან დემბელე (პსჟ) – 5.00
- მოჰამედ სალაჰი (ლივერპული) – 9.00
- პედრი (ბარსელონა) – 10.00
- რობერტ ლევანდოვსკი (ბარსელონა) – 15.00
- ლაუტარო მარტინესი (ინტერი) – 17.00
- დეკლან რაისი (არსენალი) – 21.00
- ჯანლუიჯი დონარუმა (პსჟ) – 34.00
- ხვიჩა კვარაცხელია (პსჟ) – 51.00
პირველი არხი