Category Blog

ირანის ეროვნული უსაფრთხოების უმაღლესი საბჭოს ხელმძღვანელის, ალი ლარიჯანის მტკიცებით, ბოლო რამდენიმე დღის განმავლობაში 500-ზე მეტი ამერიკელი სამხედრო მოსამსახურე დაიღუპა.

“ტრამპმა ნეთანიაჰუს ბოროტი იმპულსებით ამერიკელი ხალხი ირანის წინააღმდეგ უსამართლო ომში ჩაითრია. ახლა დაფიქრდეს, ბოლო რამდენიმე დღის განმავლობაში 500-ზე მეტი ამერიკელი სამხედრო მოსამსახურის დაღუპვის შემდეგ, სლოგანი კვლავ „ამერიკა პირველ რიგშია“ თუ „ისრაელი პირველ რიგში“?“, - წერს ლარიჯანი X-ზე.

მისი თქმით, „ეს ამბავი ჯერ არ დასრულებულა“.

„იმამ ხამენეის მოწამეობრივი სიკვდილი ძვირად დაგიჯდებათ“, - აცხადებს ალი ლარიჯანი.

ირანის უზენაესი ლიდერობის მთავარი კანდიდატი, მოჯთაბა ხამენეი, აშშ-ის დაზვერვის საიდუმლო დოკუმენტის თანახმად, გაერთიანებული სამეფოს საავადმყოფოებში იმპოტენციის გამო არაერთხელ მკურნალობდა. ამის შესახებ Daily Mail წერს. 

სამშაბათს გავრცელდა ინფორმაცია, რომ 56 წლის მოჯთაბა მამის, ალი ხამენეის მემკვიდრედ დასახელებისთვის ემზადებოდა და ის ახალ სულიერ ლიდერად აირჩიეს. ალი ხამენეი რეჟიმის სხვა 48 მაღალჩინოსანთან ერთად ამერიკისა და ისრაელის მიმდინარე ერთობლივი ოპერაციის, „Epic Fury“-ს (ეპიკური რისხვა) შედეგად დაიღუპა.

აშშ-ის სახელმწიფო დეპარტამენტის მიერ 2008 წელს ლონდონში ამერიკის საელჩოსთვის გაგზავნილი საიდუმლო ბრიფინგის მიხედვით, რომელიც მოგვიანებით WikiLeaks-მა გაასაჯაროვა, ოჯახი მოჯთაბაზე მემკვიდრის გაჩენის შესახებ ზეწოლას ახდენდა. 

ამერიკული დაზვერვის მონაცემებით, მოჯთაბა შედარებით გვიან, 2004 წელს დაქორწინდა. ეს, გავრცელებული ინფორმაციით, განპირობებული იყო „იმპოტენციის პრობლემით, რომელზეც მან დიდ ბრიტანეთში სამი ხანგრძლივი ვიზიტისას იმკურნალა და საბოლოოდ მოაგვარა“. აღნიშნული ვიზიტები ლონდონის „უელინგტონისა“ (Wellington) და „კრომველის“ (Cromwell) კლინიკებში განხორციელდა.

დოკუმენტში აღნიშნულია, რომ ოჯახი მოჯთაბასგან შვილების სწრაფად გაჩენას ელოდა, თუმცა სამედიცინო მკურნალობისთვის ბრიტანეთში მეოთხე ვიზიტი გახდა საჭირო. ორთვიანი ყოფნის შემდეგ მისი მეუღლე დაორსულდა და ირანში დაბრუნებისას ჯანმრთელი ბიჭი შეეძინათ.

დაზვერვის მასალები ასევე დეტალურად აღწერს, თუ როგორ მუშაობდა მოჯთაბა მამის ჩრდილში უზენაესი ლიდერის ოფისში. ის მამასთან ერთად მგზავრობდა ირანში და მნიშვნელოვნად აკონტროლებდა მასთან წვდომას. რეჟიმის შიგნით მას განიხილავდნენ, როგორც ქმედით და ძლიერ ლიდერს, რომელიც ოდესმე მემკვიდრე გახდებოდა. იგი მჭიდრო კავშირშია „ისლამური რევოლუციის გუშაგთა კორპუსის“ (IRGC) ხელმძღვანელობასთან.

თუმცა, სასულიერო თვალსაზრისით მოჯთაბა სუსტად ითვლება. დოკუმენტის მიხედვით, არ ელოდნენ, რომ ის თავისი განათლებით ოდესმე „მუჯთაჰიდის“ სტატუსს მიაღწევდა, მით უმეტეს — აიათოლას წოდებას. ანგარიშში ნათქვამია, რომ მოჯთაბამ კარგად იცოდა საკუთარი შეზღუდვების შესახებ და არ ჰქონდა მოლოდინი, რომ ერთპიროვნული უზენაესი ლიდერი გახდებოდა.

მიუხედავად ამისა, მამის გარდაცვალების შემდეგ, Iran International TV-ის ცნობით, ირანის ექსპერტთა ასამბლეამ, რომელიც 88 სასულიერო პირისგან შედგება, ის უზენაეს ლიდერად აირჩია. New York Times-ის ინფორმაციით, გადაწყვეტილება მას შემდეგ იქნა მიღებული, რაც „რევოლუციის გუშაგთა კორპუსმა“ ასამბლეაზე ძლიერი ზეწოლა მოახდინა. თავად შეხვედრა ონლაინ რეჟიმში ჩატარდა, რადგან ქალაქ ყუმში მდებარე შენობა, სადაც კრება უნდა გამართულიყო, დაიბომბა.

აღსანიშნავია, რომ თავად ალი ხამენეი დინასტიური მმართველობის წინააღმდეგი იყო. სიკვდილამდე მან საიდუმლოდ დაასახელა სამი პოტენციური მემკვიდრე, რომელთა შორის მისი ვაჟი არ ფიგურირებდა. ესენი იყვნენ: სასამართლო ხელისუფლების ხელმძღვანელი ღოლამ-ჰოსეინ მოჰსენი-ეჟეი, ადმინისტრაციის უფროსი ალი ასღარ ჰეჯაზი და ირანის პირველი უზენაესი ლიდერის, აიათოლა ხომეინის შვილიშვილი — ჰასან ხომეინი.

ბოლო წლებში მოჯთაბა ირანის ერთ-ერთი უმდიდრესი ადამიანი გახდა. მისი ქონება, სავარაუდოდ, მილიარდებს აღწევს და ინახება არაბთა გაერთიანებული საამიროების, სირიის, ვენესუელასა და აფრიკის ბანკებში. მას ასევე აქვს დაახლოებით 300 მილიონი დოლარის ოქრო და ალმასები, ასევე ანგარიშები შვეიცარიის ბანკებში. იანვარში გავრცელდა ინფორმაცია, რომ მან კრიპტოვალუტის გამოყენებით დუბაიში 328 მილიონი დოლარი გადარიცხა. მისი სიმდიდრის დიდი ნაწილი ჩინეთსა და ინდოეთში გაყიდული ნავთობის გადასახადებიდან მოდის.

მოჯთაბას ინვესტიციები მთელ მსოფლიოშია გაფანტული, მათ შორის ლონდონში, „მილიარდერთა უბანში“ მდებარე 40 მილიონ დოლარიან სასახლეში. ირანში ის ფლობს მიწებს თეირანის პრესტიჟულ უბნებსა და ქალაქ მაშჰადის მახლობლად. მის განკარგულებაშია კერძო თვითმფრინავი, ვერტმფრენი, მერსედესების ავტოპარკი და ცხენები.

მოჯთაბა ხამენეი 1969 წელს მაშჰადში დაიბადა და ირან-ერაყის ომში მსახურობდა. თეოლოგიას ქალაქ ყუმში სწავლობდა, სადაც მისი მასწავლებელი რადიკალი სასულიერო პირი, აიათოლა მუჰამედ თაყი მისბაჰ იაზდი იყო (ცნობილი როგორც „ნიანგი აიათოლა“), რომელიც ბირთვული იარაღის შექმნას უჭერდა მხარს.

მოჯთაბამ გავლენა 2009 წელს მოიპოვა, როდესაც ხელი შეუწყო არჩევნების გაყალბებას მაჰმუდ აჰმადინეჟადის სასარგებლოდ და მონაწილეობდა საპროტესტო „მწვანე მოძრაობის“ დარბევაში. Atlantic Council-ის შეფასებით, მას ადამიანის უფლებების დარღვევის მძიმე ისტორია აქვს.

2019 წელს აშშ-მა მას სანქციები დაუწესა მამის ოფისში მუშაობისა და უზენაესი ლიდერის ოფიციალური წარმომადგენლობის გამო, მიუხედავად იმისა, რომ მას არასდროს ეჭირა არჩევითი სახელმწიფო თანამდებობა.

ირანის უზენაესი ლიდერი ალი ხამენეი ​28 თებერვლის დილას, აშშ-სა და ისრაელის მიერ მიტანილი დარტყმების შედეგად თავის რეზიდენციაში დაიღუპა, - იტყობინება ირანული სააგენტო Fars, რომელსაც ისლამური რევოლუციის გუშაგთა კორპუსი მართავს.

სააგენტოს ცნობით, დარტყმის შედეგად დაიღუპნენ ალი ხამენეის ქალიშვილი, სიძე, შვილიშვილი და ერთ-ერთი რძალი.

ალი ხამენეის რეზიდენცია თეირანში განადგურებულია აშშ-სა და ისრაელის დარტყმების შედეგად, რაც გამოქვეყნებული სატელიტური სურათებიდან ჩანს.

როგორც სააგენტო IRNA იტყობინება, უზენაესი ლიდერის დაღუპვის შემდეგ ირანს დროებით უხელმძღვანელებენ პრეზიდენტი, სასამართლო ხელისუფლების ხელმძღვანელი და კონსტიტუციის მცველთა საბჭოს ერთი წევრი.

მანამდე, ალი ხამენეის სიკვდილის შესახებ აშშ-ის პრეზიდენტმა დონალდ ტრამპმა განაცხადა.

ირანში 40-დღიანი გლოვა გამოცხადდა.

აიათოლა ალი ხამენეის ლიკვიდაცია დადასტურდა - ამის შესახებ ინფორმაციას აშშ-ის პრეზიდენტი, დონალდ ტრამპი სოციალურ ქსელში ავრცელებს:

 "ხამენეი, ერთ-ერთი ყველაზე ბოროტი ადამიანი ისტორიაში, მკვდარია. ეს არის არის სამართალი მხოლოდ ირანელი ხალხისთვის, არამედ ყველა დიდებული ამერიკელისთვის და იმ ბევრი ქვეყნის ერებისთვის მსოფლიოს გარშემო, რომელიც ხამენეიმ და მისმა სისხლს მოწყურებულმა ბანდიტებმა მოკლეს ან აწამეს. მან ვერ მოახერხა თავი დაეღწია ჩვენი დაზვერვისთვისა და უაღრესად დახვეწილი თვალთვალის სისტემებისთვის და ისრაელთან მჭიდრო თანამშრომლობის წყალობით, მასა და მის სხვა ლიდერებს, რომლებიც მასთან ერთად მოკლეს - არაფრის გაკეთება არ შეეძლოთ. ეს არის უდიდესი შანსი ირანელი ხალხისთვის, რომ დაიბრუნონ საკუთარი ქვეყანა. ჩვენ გვაქვს ინფორმაცია, რომ „ისლამური რევოლუციის გუშაგთა კორპუსის“ (IRGC), სამხედრო ძალების, უსაფრთხოებისა და პოლიციის ბევრი წარმომადგენელი აღარ აპირებს ბრძოლას და ჩვენგან იმუნიტეტს ითხოვს. როგორც გუშინ ღამით ვთქვი: „ახლა მათ შეუძლიათ მიიღონ იმუნიტეტი, მოგვიანებით კი მხოლოდ სიკვდილს მიიღებენ!“ იმედია, IRGC და პოლიცია მშვიდობიანად შეუერთდებიან ირანელ პატრიოტებს და ერთიანად იმუშავებენ, რათა დაუბრუნონ ქვეყანას ის დიდება, რომელსაც ის იმსახურებს. ეს პროცესი მალე უნდა დაიწყოს, რადგან არა მხოლოდ ხამენეი მოკვდა, არამედ თავად ქვეყანაც, სულ რაღაც ერთ დღეში, მნიშვნელოვნად განადგურდა და აღიგავა კიდეც პირისაგან მიწისა. თუმცა, მძიმე და წერტილოვანი დაბომბვები შეუფერხებლად გაგრძელდება მთელი კვირის განმავლობაში ან იმდენ ხანს, რამდენიც საჭირო იქნება ჩვენი მიზნის მისაღწევად, მშვიდობისთვის ახლო აღმოსავლეთსა და მთელ მსოფლიოში!" 

ირა­ნის სა­რა­კე­ტო იე­რი­შის შე­დე­გად აბუ-და­ბი­ში ერთი ადა­მი­ა­ნი და­ი­ღუ­პა. არაბ­თა გა­ერ­თი­ა­ნე­ბუ­ლი სა­ა­მი­რო­ე­ბის თავ­დაც­ვის სა­მი­ნის­ტროს ცნო­ბით, სა­ჰა­ე­რო თავ­დაც­ვის სის­ტე­მის მოქ­მე­დე­ბის შემ­დეგ ირა­ნის მიერ გაშ­ვე­ბუ­ლი რა­კე­ტის ნამ­სხვრე­ვე­ბი აბუ-და­ბი­ში სა­ცხოვ­რე­ბელ ზო­ნა­ში ჩა­მო­ვარ­და:

"ეს ეროვ­ნუ­ლი სუ­ვე­რე­ნი­ტე­ტი­სა და სა­ერ­თა­შო­რი­სო სა­მარ­თლის აშ­კა­რა დარ­ღვე­ვაა და არაბ­თა გა­ერ­თი­ა­ნე­ბუ­ლი სა­ა­მი­რო­ე­ბი ამ ეს­კა­ლა­ცი­ა­ზე პა­სუ­ხის უფ­ლე­ბას იტო­ვებს“, - ნათ­ქვა­მია თავ­დაც­ვის უწყე­ბის გან­ცხა­დე­ბა­ში.

ცოტა ხნის წინ, ირან­მა აშშ-ისა და ის­რა­ე­ლის დარ­ტყმე­ბის სა­პა­სუ­ხოდ ახლო აღ­მო­სავ­ლეთ­ში მდე­ბა­რე ამე­რი­კუ­ლი სამ­ხედ­რო ბა­ზე­ბის მი­მარ­თუ­ლე­ბით რა­კე­ტე­ბი გა­უშ­ვა.

აშშ-ის პრეზიდენტმა, დონალდ ტრამპმა, საგანგებო ვიდეომიმართვა გაავრცელა და ირანელ ხალხს მიმართა. ტრამპმა მათ ხელისუფლების საკუთარ ხელში აღებისკენ მოუწოდა. პრეზიდენტის განცხადებით, ამის შესაძლებლობა ირანის მოქალაქეებს ამერიკის სამხედრო ოპერაციების დასრულებისთანავე მიეცემათ.

ვიდეომიმართვაში, რომელიც სოციალურ ქსელ Truth Social-ში გავრცელდა, ტრამპმა ხაზგასმით აღნიშნა, რომ ეს ირანელი ხალხისთვის ისტორიული შანსია.

„როდესაც ჩვენ დავასრულებთ, აიღეთ კონტროლი თქვენს მთავრობაზე. ის თქვენი გახდება. ეს, სავარაუდოდ, თქვენი ერთადერთი შანსი იქნება მომდევნო თაობების განმავლობაში“, - განაცხადა პრეზიდენტმა.

საფრანგეთი 35 რუსულ ვებგვერდსა და არხზე წვდომას დაბლოკავს.

საფრანგეთის აუდიოვიზუალური და ციფრული კომუნიკაციების მარეგულირებელმა ორგანომ (ARCOM) გამოაცხადა გადაწყვეტილება, ევროკავშირის სანქციების შესაბამისად, 35 რუსულ მედია ვებგვერდზე, ტელევიზიასა და რადიოსადგურზე წვდომის დაბლოკვის შესახებ სტრიმინგ პლატფორმების მეშვეობით.

მედიის ცნობით, სანქცირებულ ვებგვერდებს შორისაა „სპუტნიკ ნიუსი“ და „ნიუს-ფრონტი“.

ARCOM-მა ასევე სთხოვა საძიებო სისტემებს, დაბლოკონ ოთხი სტრიმინგ პლატფორმის გვერდი, რომლებიც უზრუნველყოფენ წვდომას სანქცირებული რუსული ტელევიზიისა და რადიოს სერვისებზე.

აღსანიშნავია, რომ 2022 წელს რუსეთის მიერ უკრაინაში სრულმასშტაბიანი შეჭრის შემდეგ ფრანგულმა თანამგზავრულმა ოპერატორმა, Eutelsat-მა შეწყვიტა რუსული არხების, NTV-Mir-ის, Rossiya 1-ისა და Channel One-ის ტრანსლირება. 2022 წლის მარტში ARCOM-მა ასევე შეწყვიტა რუსული მედიასაშუალების, RT-ს ფრანგულენოვანი ვერსიის, RT France-ის ტრანსლირება.

ტაივანელი კაცი ცოლს ჰიგიენური ნორმების დაუცველობის გამო დაშორდა. კაცის თქმით, მისი ცოლი, ლინი წელიწადში მხოლოდ ერთხელ ბანაობდა და იხეხავდა კბილებს.

სასამართლოზე კაცმა თქვა, რომ ის დიდი ფსიქოლოგიური წნეხის ქვეშ იყო,  რადგან წყვილს სექსი წელიწადში მხოლოდ ერთხელ, მისი ყოფილი ცოლის ბანაობის შემდეგ ჰქონდა.

გასაკვირი არაა, რომ ცოლ-ქმარს, დაახლოებით 10-წლიანი თანაცხოვრების განმავლობაში, შვილიც არ ჰყოლია.