Recent Podcasts

მოლდოვის დედაქალაქ კიშინიოვში ძიუდოს 23-წლამდელთა ევროპის ჩემპიონატი გაიმართა, სადაც საქართველოს შერეული ნაკრები კონტინენტის ჩემპიონი გახდა.

ფინალურ შეხვედრაში საქართველოს ძიუდოისტთა შერეულმა ნაკრებმა საფრანგეთის ნაკრებს ანგარიშით 4:3 სძლია და კონტინენტის ჩემპიონის ტიტული მოიპოვა.

ფინალურ შეხვედრამდე, ქართველმა ძიუდოისტებმა მეოთხედფინალში რუმინეთის გუნდი ანგარიშით 4:2 დაამარცხეს, ნახევარფინალში კი თურქეთის ნაკრებს ანგარიშით 4:1 სძლიეს.

ქართველი ძიუდოისტები ევროპის ჩემპიონატზე სპორტის სამინისტროს მხარდაჭერით იმყოფებიან.

მოლდოვის დედაქალაქ კიშინიოვში 23-წლამდელთა შორის ევროპის ჩემპიონატი მიმდინარეობს. ქართველი ძიუდოისტი გიორგი ჯაბნიაშვილი (-90 კგ) ტურნირის ჩემპიონი გახდა. მიმდინარე ტურნირზე საქართველოს ნაკრებისთვის ეს პირველი ოქროს მედალია.

ქართველმა სპორტსმენმა მერვედფინალში ესპანელ აარონ სანტამარიას, მეოთხედფინალურ შეხვედრაში პორტუგალიელ პედრუ ლიმას, ხოლო ნახევარფინალში აზერბაიჯანელ ასლან კოცოევს სძლია. ფინალურ შეხვედრაში კი გიორგი ჯაბნიაშვილმა მოლდოველი მიხაილ ლატისევი დაამარცხა.

საქართველოს ნაკრებისთვის 2025 წლის ძიუდოს 23-წლამდელთა შორის ევროპის ჩემპიონატზე ეს მეორე მედალია. მანამდე, კოტე კაპანაძე (-81 კგ) ჩემპიონატის ბრინჯაოს პრიზიორი გახდა.

ქართველი ძიუდოისტები ევროპის ჩემპიონატზე სპორტის სამინისტროს მხარდაჭერით იმყოფებიან.

ინფორმაციას სპორტის სამინისტრო ავრცელებს.

მონტენეგროს ქალაქ ბუდვაში კრივის 15-წლამდელთა ევროპის ჩემპიონატი გრძელდება. მოკრივე ლიზა ლობჟანიძემ (66 კგ) ფინალი ინგლისელ რუბი-ჯო დოს სანტოსთან დათმო და ვერცხლის მედალი მოიპოვა.

ქართველმა მოკრივემ მეოთხედფინალში ისრაელის წარმომადგენელ ალექსანდრა კერდოლს აჯობა, ნახევარფინალში კი პოლონელ ნადია მუჩას სძლია.

ამ ეტაპზე საქართველოს ნაკრების ანგარიშზე ხუთი მედალია. ევროპის ჩემპიონობა იზეიმა ელენე ქარჩავამ (48კგ), ბრინჯაოს პრიზიორები კი თორნიკე სიმონიშვილი (40 კგ), საბა კერძევაძე (44 კგ) და ჯონი ხაბურზანია (46 კგ) გახდნენ.

ახალგაზრდა მოკრივეები ევროპის ჩემპიონატზე საქართველოს სპორტის სამინისტროს მხარდაჭერით იმყოფებიან.

ინფორმაციას სპორტის სამინისტრო ავრცელებს.