თბილისის მერიის გადაწყვეტილებით, დღეს, 13 აპრილს, მოქალაქეებს სასაფლაოების მიმართულებით სპეციალურად დანიშნული ავტობუსები უფასოდ მოემსახურება. დროებითი მარშრუტები სადღესასწაულო დღეებში მგზავრთნაკადის მართვის მიზნით დაწესდა.
თბილისის სატრანსპორტო კომპანიის ინფორმაციით, ავტობუსები მუშაობას დილის 08:00 საათიდან დაიწყებენ და 20:00 საათამდე იმოძრავებენ.
უფასო ავტობუსები მგზავრებს შემდეგი სასაფლაოებისკენ გადაიყვანენ:
- მუხათგვერდი და ვაშლიჯვარი;
- კუკია და ახალი კუკია;
- მახათა და საბურთალო;
- ღრმაღელე, ველი და ვარკეთილი.
სად გაჩერდებიან ავტობუსები? სპეციალური რეისები შესრულდება შემდეგი წერტილებიდან:
- მეტროსადგურები: „მარჯანიშვილი“, „დელისი“, „სარაჯიშვილი“ და „ვარკეთილი“;
- დიდუბე: მეტროს ზედა გასასვლელი;
- სადგურის მოედანი: ე.წ. „თბილისი ცენტრალის“ მოპირდაპირე მხარე;
- ვარკეთილი: III მასივი, შუამთისა და აბაშვილის ქუჩების გადაკვეთა;
- აფრიკის დასახლება: ბესარიონ ჭიჭინაძის ქუჩა (N25 კორპუსის მიმდებარედ).