"კურიერის" ექსკლუზიური ინფორმაციით, "ქართული ოცნების" თბილისის მერობის კანდიდატი კახა კალაძე იქნება. დედაქალაქის მოქმედ მერს მმართველი პარტია ამ თანამდებობაზე ზედიზედ მესამედ წარადგეს. ინფორმაცია "კურიერს" ოფიციალურად დაუდასტურეს პარტიის პრესსამსახურში.

ადასტურებენ იმასაც, რომ კახა კალაძის წარდგენის ოფიციალური ღონისძიება ხვალ გაიმართება. პრესსამსახურში აცხადებენ, რომ ღონისძიების შესახებ დეტალურ ინფორმაციას მოგვიანებით გაავრცელებენ.

შეგახსენებთ, კახა კალაძე ორი ვადით არის ქალაქ თბილისის მერი. ის, ასევე, იკავებს "ქართული ოცნების" გენერალური მდივნის თანამდებობას. 

"რუსთავი 2"