მენიუ სისხლის ჯგუფის მიხედვით

დიეტა სისხლის ჯგუფის მიხედვით, საკმაოდ პოპულარულია მათ შორის, რომლებსაც წონაში მოკლება სურთ. თუმცა, აქამდე, მათ თავად უხდებოდათ შესაფერისი პროდუქტების შერჩევა და საკვების მომზადება. ტაილანდის დედაქლაქ ბანგკოკში, პირველი რესტორანი გაიხსნა, რომელიც კლიენტებს მდიდარ მენიუს სთავაზობს, სისხლის ჯგუფების მიხედვით. დაწესებულებას The Third Floor ჰქვია და მას ოთხი სახის მენიუ აქვს - ცალ-ცალკე, სისხლის ყოველი ჯგუფისთვის. კერძის საფუძველი, შესაძლოა, ერთი და იგივე იყოს, მაგალითად, პელმენი, მაკარონი, შემწვარი ბრინჯი, მაგრამ მეორე ჯგუფის სისხლის მქონეთათვის, ის ბერძნულ სალათთან ერთად მიაქვთ, მეოთხესთვის - კრევეტებთან ერთად, ხოლო პირველი და მესამე ჯგუფისთვის - ქათმის ხორცის თანხლებით. კლიენტს შეუძლია, სისხლის ჯგუფი არ დაასახელოს და რესტორნში კერძი სხვა ჯგუფიდან შეუკვეთოს, თუმცა ოფიციანტებსა და მზარეულებსაც არ უყვართ ასეთი გაუაზრებელი სტუმრები და ისინი შეფისგან კომპლიმენტსაც ვერ დაიმსახურებენ.