ფუტკრებმა სახლი სკად აქციეს

ერთმა ინგლისელმა ოჯახმა აღმოაჩინა, რომ მათი სახლი გიგანტურ სკად გადაიქცა, როცა კედლებიდან თაფლმა დაიწყო ჟონვა. ქეით დემპსი ამბობს, რომ მეუღლესთან ერთად, სახლის კედლებზე რამდენიმე მუქი ლაქა შენიშნა და როცა დააკვირდნენ, აღმოაჩინეს, რომ ეს ჩვეულებრივი თაფლი იყო. გაოგნებულებმა იატაკზეც პატარა ხვრელი გააკეთეს და იქ საოცრება დახვდათ - ორმეტრიანი ფიჭები და ლიტრობით თაფლი. ცოლ-ქმარმა დახმარებისთვის სპეციალისტებს მიმართეს, მაგრამ მათ იმხელა თანხა მოითხოვეს, რასაც ვერ შესწვდებოდნენ. ქეითმა და მისმა ქმარმა პრობლემის მოგვარება მეგობრებთან ერთად გადაწყვიტეს. მათდა გასაოცრად, ფუტკრებს „მუშები“ არ შეუწუხებია. მთლიანობაში, დაახლოებით, ოთხი კვირა დასჭირდათ, რათა სახლიდან თაფლი ამოეღოთ.