მიირთვით ბანანი კანიანად

ბრიტანეთის დიეტოლოგების ასოციაცია გვირჩევს, ბანანი კანიანად მივირთვათ, რადგან მასში უფრო მეტი სასარგებლო ნივთიერებებია, ვიდრე რბილობში. როგორც ბევრ სხვა ხილში, ბანანის შემთხვევაშიც, ქერქი მდიდარია უჯრედისით, კაროტენოიდებით, ლუტეინით, კალიუმით, მაგნიუმით. გარდა ამისა, მასში დიდი რაოდენობით არის ტრიპტოფანი - ნივთოერება, რომელიც აუცილებელია სეროტონინის („ბედნიერების ჰორმონის“) გამოსამუშავებლად. მოუსვლელი ბანანების კანი მაგარი და მიმწარო გემოსია, მაგრამ როცა ის ბოლომდე მომწიფდება, ქერქიც ნაზი და გემრიელი ხდება. ბევრი ადამიანისთვის ბანანის კანიანად ჭამა, ალბათ, წარმოუდგენელია, მაგრამ დიეტოლოგების რწმუნებით, ეს უბრალოდ ჩვევაა. დასაწყისისთვის, მსურველებს შეუძლიათ, მთლიანი ბანანის სმუზი მომზადონ, შეწვან კანიანად ან 10 წუთით მოხარშონ და მერე გახეხონ და ისე მიირთვან.