პაემნისთვის წყვილებს ფულს გადაუხდიან

სამხრეთ კორეაში, ქალაქ პუსანის ერთ-ერთ მუნიციპალურ რაიონში, ოჯახის შექმნის გზაზე სხვადასხვა ეტაპისთვის: პაემანზე წასვლა, მშობლების გაცნობა და სხვა, გარკვეულ თანხას გადაუხდიან. საპილოტე პროექტი პოტენციური წყვილებისთვის სტარტს „შეხვედრების დღიდან“ იღებს. ქალი და მამაკაცი, რომლებიც თანახმა იქნებიან, შეხვედრაზე 500 ათას ვონს (დაახლოებით, 360 დოლარი) მიიღებს.

წყვილები, რომლებიც დაქორწინებას გადაწყვეტენ, დამატებით 20 მილიონ ვონს, „ქორწილის საჩუქრის“ სახით მიიღებენ. ახალდაქორწინებულებს, ხუთი წლის განმავლობაში, ბინის ქირის გადახდაშიც დაეხმარებიან. პროექტის მონაწილეთა ასაკი 24-დან 43 წლამდეა განსაზღვრული და ისინი პუსანის აღნიშნულ რაიონში უნდა ცხოვრობდნენ. საპილოტე პროგრამის მონაწილეთა რაოდენობა დიდი არ იქნება და მხოლოდ კორეის მოქალაქეებით შემოიფარგლება. თუმცა, მომავალში, პროგრამაში უცხოელების ჩართვასაც გეგმავენ. აღსანიშნავია, რომ სამხრეთ კორეაში, 2020 წელს, მსოფლიოში ყველაზე დაბალი შობადობის დონე დაფიქსირდა. ხელისუფლება კი ამ პრობლემის მოგვარებას სხვადასხვა მეთოდებით ცდილობს.