ძილის ხარისხი პოლიტიკურ შეხედულებას დაუკავშირეს

მკვლევარებმა შეისწავლეს, უკავშირდება თუ არა პოლიტიკური შეხედულებები ძილის ხარისხს. საამისოდ მათ 922 ზრდასრული არიზონელი გამოკითხეს, რომელთა საშუალო ასაკი 41-65 წელს შეადგენდა. რესპონდენტები საკუთარ თავს „რესპუბლიკელებთან“ ან „დემოკრატებთან“ აიგივებდნენ, ზოგი კი თავს „დამოუკიდებლად“ თვლიდა - ისინი აშშ-ს არცერთ წამყვან პარტიას არ უჭედნენ მხარს. ცალკე გამოკითხეს პანდემიის თემაზეც, რამდენად ძლიერად შეიცვალა მათი ცხოვრება კორონავირუსის შემდეგ.

მიღებული მონაცემების გაანალიზებისას სწავლულებმა გაითვალისწინეს რეპონდენტთა ასაკი, სქესი, რასა და ჯანმრთელობის მდგომარეობა. აღმოჩნდა, რომ ის ადამიანები, რომლებიც საკუთარ თავს „დემოკრატებად“ ან „დამოუკიდებლებად“ მიიჩნევდნენ, ძილის უფრო ცუდი ხარისხი ჰქონდათ, ვიდრე „რესპუბლიკელებს“. პანდემიის დაწყების შემდეგ, ისინი უფრო ძლიერ ცვვლილებებს შეეჯახნენ. შედეგების მიხედვით, მემარცხენე პოლიტიკური შეხედულებების მქონე ადამიანები უფრო მწვავედ აღიქვამდნენ კორონავირუსთან, ჯანმრთელობის პრობლემებთან დაკავშირებულ  სტრესებს და სოციალურ რყევებს. „რესპუბლიკელები“ უფრო ნაკლებად შფოთავდნენ პანდემიის შედეგებზე, ნაკლებ სტრესში იყვნენ და უკეთესადაც ეძინათ. თუმცა, სწავლულები აღნიშნავენ, რომ ექსპერიმენტის მონაწილეები, შესაძლოა, გამოკითხვისას გულწრფელნი არ იყვნენ.