გრძელი ენის პატრონებს უძილობა აწუხებთ

აშშ-ს ატლანტის კვლევითი უნივერსიტეტის - Emory მეცნიერებმა ახალი ნაშრომი წარადგინეს. ამერიკელი სწავლულების თქმით, ნებისმიერი ორგანოს ზომა ადამიანის ჯანმრთელობის მდგომარეობას განსაზღვრავს. მაგალითად, გრძელი ენა იმაზე მიუთითებს, რომ ეს ადამიანი მიდრეკილია უძილობისკენ და ხშირად, სუნქთვის უკმარისობითაც იტანჯება. ამასთან, დიდი ენის პატრონები ყოველთვის ხვრინავენ. თუ დიდი ზომის ენა ან ნუშისებრი ჯირკვლები გაქვთ, ეს სერიოზული პრობლემაა. ის იჭედება პირის ღრუს უკანა მონაკვეთში და ძილის დროს, საჰაერო გზას ბლოკავს. შედეგად, მოდუნებული და მძინარე ადამიანი ხვრინვას იწყებს, - აცხადებენ მკვლევარები.

სწავლულების თქმით, დიდთეძოებიან ქალებს ტვინის ფუნქციონირება დარღვეული აქვთ. ეს განსაკუთრებით მძაფრდება მენოპაუზის დროს. ჩიკაგოელმა მეცნიერებმა ექსპერიმენტი 65-დან 79 წლამდე ასაკის, 9 ათასამდე ქალზე ჩაატარეს. მეხსიერების ტესტისას, ჭარბწონიანმა ქალბატონებმა ძალიან დაბალი ქულები დააგროვეს. თეორიის თანახმად, ზედმეტი წონა ტვინში სისხლის მიწოდებას ხელს უშლის. ვიწრო თეძო კი, აღმოჩნდა, რომ მხოლოდ გარეგნულადაა ლამაზი. სწავლულთა თქმით, ის გულის დაავადებებისა და ნაადრევი სიკვდილის მიზეზია. დანიელი მეცნიერები თვლიან, რომ ამ ყველაფრის მიზეზი, სხეულის ამ არეში, კუნთის სუსტი მასაა, რომელიც ინსულინის მგრძნობელობაზე ახდენს გავლენას.

აღმოჩნდა, რომ თითების სიგრძე მამაკაცებში, პროსტატის არსებობის ნიშანია. ბრიტანეთის კიბოს კვლევითი ინსტიტუტის მეცნიერებმა, პროსტატით დაავადებული 1 500 მამაკაცის ხელი, 3 000 ჯანმრთელი მამაკაცის ხელის აგებულებას შეადარეს და აღმოაჩინეს, რომ მათ, რომლებსაც საჩვენებელი თითი არათითზე უფრო გრძელი აქვთ, ეს დაავადება ხშირად აწუხებთ. ამასთან, ყოველთვის დეპრესიულებიც არიან. ამერიკელი ქირურგის, დევიდ ჰოული ჰან-ბურნის თქმით, თუ ადამიანს ფეხის მეორე თითი უფრო გრძელი აქვს, ვიდრე დიდი თითი, მას ხშირად აწუხებს ოსტეოქონდროზი.

ადამიანები, რომლებსაც დიდი თვალები აქვთ, ძირითადად, ახლომხედველები არიან. ოფთალმოლოგების თქმით, თუ თვალის ზომა არსებულ სტანდარტზე ერთი მილიმეტრითაც კი გრძელია, ბავშვი ახლომხედველი იბადება. რაც შეეხება გრძელ ფეხებს, სწავლულები გვარწმუნებენ, რომ ასეთ ადამიანებს დიაბეტი არასდროს აწუხებთ.