„პუტინი მკვლელია“ - ბაიდენის ექსკლუზიური ინტერვიუ ABC News-თან

ბაიდენი საუბრობს კუმოზე, პუტინზე, მიგრანტებზე და ვაქცინებზე ABC News- ის ექსკლუზიურ ინტერვიუში

პრეზიდენტი ჯო ბაიდენი სამშაბათს შეხვდა ABC News-ის კორესპოდენტს ჯორჯ სტეფანოპულოზს ფართო ინტერვიუსთვის, სადაც მან თქვა, რომ მისი გზავნილი მიგრანტებისთვის იყო საზღვარზე არ მისულიყვნენ და რომ ნიუ იორკის გუბერნატორმა ენდრიუ კუომო უნდა გადადგეს, თუ ბრალდებები დადასტურდა სექსუალური შევიწროების შესახებ.

ბაიდენმა სტეფანოპულოზს ასევე უთხრა, რომ რუსეთის პრეზიდენტი ვლადიმერ პუტინი „მკვლელია“ და იგი „გადაიხდის ფასს“ აშშ-ს არჩევნებში ჩარევისათვის.

მან თქვა, რომ რთული იქნება ყველა ამერიკული ჯარისკაცის ავღანეთიდან 1 მაისისთვის გაყვანა, ეს ვადაა განსაზღვრული ყოფილი პრეზიდენტის დონალდ ტრამპის ადმინისტრაციის მიერ თალიბებთან გაფორმებული გარიგების საფუძველზე.
გულწრფელად ვფიქრობდი, რომ ვაქცინების შესახებ დისკუსია პოლიტიკა გარეშე უნდა წარმართულიყო.
ბაიდენმა სტეფანოპულოზს განუცხადა, რომ გაკვირვებული იყო იმით, რომ COVID-19 ვაქცინაცია კვლავ ამდენად პოლიტიზირებულია.

„როგორ მოვაცილოთ პოლიტიკა საუბარს ვაქცინების შესახებ?" ჰკითხა სტეფანოპულოზმა.

„გუწრფელად ვფიქრობდი,რომ ჩვენ გავუმკლავდით“.- განაცხადა ბაიდენმა. მე მართლაც გულწრფელად ვფიქრობდი, რომ მას შემდეგ, რაც ყველას გარანტირებული გვაქვს, რომ საკმარისი ვაქცინა გვაქვს, ყველაფერი დაწყნარდებოდა. ისინი დაწყნარდნენ. მაგრამ მე კარგად არ მესმის - საუბარი, რომ ამგვარი მაჩოა: „ვაქცინას არ გავიკეთებ. მე მაქვს უფლება, როგორც ამერიკელს, გავაკეთო ეს.“ კარგი, რატომ არ ხარ პატრიოტი? რატომ არ იცავ სხვებს?“.

ბაიდენმა თქვა, რომ ვაქცინაციამ თავად მისცა საშუალება აჩვენოს, რომ ამერიკელები ასე იქცევიან, ის უსაფრთხოა და შეცვალა მისი ცხოვრება, „რადგან ახლა შემიძლია ჩემს შვილიშვილებს ჩვეხუტო".

„ისინი სახლში მოდიან,“ - თქვა პრეზიდენტმა, „მე მათ ვხედავ. მათთან ყოფნა შემიძლია“.

პუტინი „გადაიხდის“

შეერთებული შტატების მთავარმა სადაზვერვო სამსახურმა სამშაბათს გამოაქვეყნა არაკლასიფიცირებული ანგარიში უცხო ქვეყნის ჩარევის შესახებ 2020 წლის არჩევნებში, რომლის თანახმად, რუსეთის პრეზიდენტი ვლადიმერ პუტინი ზედამხედველობას უწევდა პრეზიდენტ ჯო ბაიდენის კანდიდატურის „დაკნინებას“.

„ის გადაიხდის ფასს“, - თქვა ბაიდენმა. „ჩვენ დიდხანს ვისაუბრეთ, მე და მან, როდესაც ჩვენ - მე მას კარგად ვიცნობ. საუბარი დავიწყეთ, მე ვუთხარი, „მე შენ გიცნობ და შენ მიცნობ. თუ დავამტკიცებ, რომ ეს მოხდა, მაშინ მზად იყავი“.

სტეფანოპულოზმა იკითხა: „მაშ, თქვენ იცნობთ ვლადიმერ პუტინს. თქვენ ფიქრობთ, რომ ის მკვლელია?“

„მმმმმმმმ, დიახ“, - უპასუხა ბაიდენმა.

მიუხედავად იმისა, რომ პრეზიდენტმა თქვა „თქვენ ნახავთ“, რომ პუტინი „გადაიხადის“, მან არ დაკონკრეტა.

თუმცა მან თქვა, რომ შესაძლებელია „ერთდროულად სიარული და საღეჭი რეზინის ღეჭვა იმ ადგილებში, სადაც ჩვენი საერთო ინტერესია ერთად ვიმუშაოთ". მან მიუთითა იანვარში რუსეთთან იარაღის შესახებ ხელშეკრულების გაგრძელების გადაწყვეტილების შესახებ.

რთულია „ჯარის გაყვანა ავღანეთიდან მაისისთვის“

ბაიდენმა ასევე მიმართა თავის ადმინისტრაციას, განიხილონ ყოფილ პრეზიდენტის დონალდ ტრამპის მიერ დადებული გარიგება თალიბებთან, რომლის თანახმადაც აშშ 1 მაისამდე გაიყვანს მთელ ჯარს ავღანეთიდან, თუ თალიბანი გარკვეულ მოთხოვნებს დაკმაყოფილებს.

„ახლა გადაწყვეტილების მიღების პროცესში ვარ, თუ როდის დატოვებენ ისინი ავღანეთს“, - თქვა ბაიდენმა. „ფაქტია, რომ ეს არ იყო ძალიან სოლიდურად მოლაპარაკებული გარიგება, რომელიც ყოფილმა პრეზიდენტმა შეიმუშავა. ასე რომ, ჩვენ ვთანამშრომლობთ ჩვენს მოკავშირეებთან, ასევე მთავრობასთან და ეს გადაწყვეტილება იქნება - ახლა მუშავდება.“

აცხადებს, რომ კუომო უნდა გადადგეს, თუ ბრალდებები დაადასტურა

ბაიდენმა სტეფანოპულოზს განუცხადა, რომ ნიუ იორკის გუბერნატორმა ენდრიუ კუომო უნდა გადადგეს, თუ გამოძიებამ დაადასტურა, რომ მან სექსუალური შევიწროება ჩაიდინა.

„მე ვიცი, რომ თქვენ თქვით, რომ გსურთ გამოძიება გაგრძელდეს“, - უთხრა სტეფანოპულოზმა ბაიდენს, იგი გულისხმობდა ნიუ-იორკის გენერალური პროკურორის გამოძიებას ბრალდებების გამო, რომ კუომომ რამდენიმე ქალი შეავიწროვა. „თუ გამოძიებამ დაადასტურა ქალთა პრეტენზიები, იგი უნდა გადადგეს?”

„დიახ“, - უპასუხა პრეზიდენტმა. "მე ვფიქრობ, რომ მას, სავარაუდოდ, სისხლისსამართლებრივი დევნაც მოჰყვება."

„უნდა ჩატარდეს გამოძიება, რათა დადგინდეს სიმართლე”, - უთხრა ბაიდენმა სტეფანოპულოზს

შეტყობინება მიგრანტებისთვის: „არ წამოხვიდეთ“

სტეფანოპულოზმა ჰკითხა პრეზიდენტს: "თქვენ საკმაოდ მკაფიოდ უნდა თქვათ: „არ წამოხვიდეთ“

„დიახ, მე შემიძლია გარკვევით ვთქვა: ნუ მოხვალ“, - თქვა ბაიდენმა.

„არ დატოვოთ თქვენი ქალაქი ან საზოგადოება“, - დასძინა მან.

ბოლო კვირების განმავლობაში გაიზარდა უპატრონო თინეიჯერებისა და ბავშვების რიცხვი, რომლებიც აშშ-მექსიკის საზღვარზე დააპატიმრეს, რადგან ქვეყანაში მიგრანტთა რიცხვი იზრდება.

ათასობით არასრულწლოვანი ამჟამად იმყოფება აშშ-ს საბაჟოსა და საზღვრის დაცვის დაწესებულებებში, ბევრი მათგანი იმაზე მეტხანს, ვიდრე კანონითაა დაშვებული, ბაიდენმა თქვა, რომ მისი ადმინისტრაცია ცდილობდა "ამ ბავშვების საწოლებით უზრუნველყოფას".

”მე მჯერა, რომ შემდეგ თვეში საკმარისი საწოლები გვექნება ამ ბავშვების მოსავლელად, რომლებსაც წასასვლელი არ აქვთ”, - თქვა ბაიდენმა.

ბაიდენმა თქვა, რომ მნიშვნელოვანია ცენტრალური ამერიკიდან მიგრაციის ძირითადი მიზეზების გადაწყვეტა

 

შემოკლებული ვერსია