სიბერეს ახალგაზრდობაში უნდა შეებრძოლოთ

გერმანელმა სწავლულებმა აღმოაჩინეს, რომ დღეისთვის სიცოცხლის გახანგრძლივების ყველაზე უფრო ეფექტური მეთოდი ცნობილი სამედიცინო პრეპარატის ახალგაზრდობაში მიღებაა. ასეთი დასკვნები მაქს პლანკის ინსტიტუტის მკვლევარებმა „რაპამიცინთან“ დაკავშირებით გააკეთეს, რომელიც 50 წელზე მეტია, მედიცინაში გამოიყენება. „რაპამიცინი“ აღმოაჩინეს, როგორც ანტიბიოტიკი, მოგვიანებით გამოიყენებოდა, როგორც იმუნოსუპრესორი სიმსივნის საწინააღმდეგო თერაპიისას. ამჟამად მას სწავლობენ, როგორც „სიბერის საწინააღმდეგო“ პოტენციურ წამალს.

ეს პრეპარატი უჯრედებში ბლოკავს TOR-ის კომპლექსს, რომელიც უჯრედს ზრდის, გამრავლების, ენერგიის წარმოებისა და დაგროვებისკენ უბიძგებს. ყველა ეს პროცესი უჯრედშიდა „ნაგვის“ დაგროვებას იწვევს, მისი დაბლოკვა კი დაბერების პროცესს გადაწევს. ლაბორატორიულმა კვლევებმა პოზიტიური შედეგები აჩვენა. მკვლევარები ახლო მომავალში კლინიკური ცდების ჩატარებას გეგმავენ. „რაპამიცინი“ ტოქსიკური პრეპარატია, რომელსაც უამრავი გვერდითი მოვლენა აქვს, როგორც სიმსივნის საწინააღმდეგო ყველა წამალს. ეს უშლის ხელს არა მხოლოდ მის გამოყენებას, არამედ, ადამიანებზე ცდების ჩატარებასაც კი.