Category Blog

დონალდ ტრამპმა, რომელმაც ნოემბერში ჩატარებულ საპრეზიდენტო არჩევნებში გაიმარჯვა, საპრეზიდენტო ფიცი დადო და ოფიციალურად აშშ-ის 47-ე პრეზიდენტის მოვალეობის შესრულებას შეუდგა. დონალდ ტრამპმა ფიცი დადო ორ ბიბლიაზე: ერთი, რომელიც მას დედამ აჩუქა და ლინკოლნის ბიბლიაზე, რომელიც გამოიყენა რამდენიმე სხვა წინა პრეზიდენტმა - აბრაამ ლინკოლნმა 1861 წელს.

აშშ-ის პრეზიდენტმა, დონალდ ტრამპმა უამინდობის გამო ფიცი კაპიტოლიუმის შენობაში, აშშ-ის უზენაესი სასამართლოს მთავარი მოსამართლის, ჯონ რობერტსის წინაშე დადო.

ინა­უ­გუ­რა­ცი­ის ცე­რე­მო­ნი­ა­ზე სა­ზო­გა­დო­ე­ბის ყუ­რა­დღე­ბა ამე­რი­კის შე­ერ­თე­ბუ­ლი შტა­ტე­ბის პირ­ვე­ლი ლე­დის, მე­ლა­ნია ტრამ­პის­კენ და მისი ჩაც­მის სტი­ლის­კენ იყო მი­მარ­თუ­ლი.

მე­ლა­ნი­ამ ამე­რი­კე­ლი დი­ზა­ი­ნე­რე­ბის სა­მოს­ზე შე­ა­ჩე­რა არ­ჩე­ვა­ნი მას ამე­რი­კე­ლი დი­ზა­ი­ნე­რის ადამ ლიპ­სის მუქი ლურ­ჯი კლა­სი­კუ­რი სა­მო­სი ეცვა, რო­მელ­საც Eric Javits-ის ქუდი შე­უ­სა­ბა­მა.
აღ­სა­ნიშ­ნა­ვია, რომ მე­ლა­ნია ყო­ველ­თვის ევ­რო­პე­ლი დი­ზა­ი­ნე­რე­ბის სა­მოსს ატა­რებს. ამი­ტომ მისი ეს ჩაც­მუ­ლო­ბა ერ­თგვარ გა­ნა­ცხა­დად და ტრამ­პის პო­ლი­ტი­კის მხარ­და­ჭე­რად მი­იჩ­ნი­ეს.

დო­ნალდ ტრამ­პის მიერ ფი­ცის და­დე­ბის შემ­დეგ გა­ი­მარ­თა ე.წ. თა­ვი­სუფ­ლე­ბის ბალი, რო­მე­ლიც ინა­უ­გუ­რა­ცი­ის შე­მად­გე­ნე­ლი ნა­წი­ლია. რო­გორც ამე­რი­კუ­ლი მე­დია წერს ახალ პრე­ზი­დენტს ამ­ჯე­რად სა­ცეკ­ვაო ფეხ­საც­მლის მორ­გე­ბა მო­უ­წია. ღო­ნის­ძი­ე­ბა­ზე კვლა­ვინ­დე­ბუ­რად თვა­ლის­მომჭრე­ლი იყო პირ­ვე­ლი ლედი მე­ლა­ნია, რო­მე­ლიც ამ­ჯე­რად შავ-თეთრ სა­ღა­მოს კა­ბა­ში იყო გა­მო­წყო­ბი­ლი. ასე­ვე ბრწყი­ნავ­და "ოდ­რის კა­ბა­ში" გა­მო­წყო­ბი­ლი პრე­ზი­დენ­ტის ქა­ლიშ­ვი­ლი ივან­კა ტრამ­პი. ელე­გან­ტუ­რად და ტრა­დი­ცი­უ­ლი უბ­რა­ლო­ე­ბით გა­მო­ი­ყუ­რე­ბო­და ვიცე-პრე­ზი­დენტ ჯეი დი ვენ­სის მე­უღ­ლე უშა. აღ­სა­ნიშ­ნა­ვია, რომ ბალს არ და­ეს­წრო ტრამ­პის უმ­ცრო­სი ვაჟი ბა­რო­ნი.

ივან­კა ტრამპმა ამე­რი­კის პრე­ზი­დენ­ტის, დო­ნალდ ტრამ­პის სა­ი­ნა­უ­გუ­რა­ციო ბალ­ზე სპე­ცი­ა­ლუ­რად მის­თვის შექ­მნი­ლი 1954 წლის ოდრი ჰე­პ­ბერ­ნის ცნო­ბი­ლი კა­ბის რეპ­ლი­კა მო­ირ­გო.

პრე­ზი­დენ­ტის 43 წლის ქა­ლიშ­ვი­ლი თა­ვის მე­უღ­ლეს­თან, ჯა­რედ კუშ­ნერ­თან ერ­თად ვა­შინგტონ­ში, ბალ­ზე რო­მან­ტი­კუ­ლი ცეკ­ვის დროს გა­მოჩ­ნდა. 

ივან­კამ თეთ­რი, ელე­გან­ტუ­რი, სა­მო­სი მო­ირ­გო - გრძე­ლი, თა­ვი­სუ­ფა­ლი კაბა შავი ყვა­ვი­ლო­ვა­ნი დე­ტა­ლე­ბით იყო გა­ფორ­მე­ბუ­ლი. ეს კაბა ჰუ­ბერტ დე ჟი­ვან­შის 1954 წლის ოტ კუ­ტი­უ­რის შავ-თეთ­რი კა­ბის რეპ­რო­დუქ­ცია იყო, რო­მე­ლიც თავ­და­პირ­ვე­ლად ოდრი ჰე­პ­ბერ­ნის­თვის ფილმ „საბ­რი­ნა­ში“ შე­იქ­მნა.

თეთ­რი სახ­ლის წარ­მო­მად­გე­ნელ­მა აღ­ნიშ­ნა, რომ ივან­კას­თვის "დიდი პა­ტი­ვი იყო ამ კა­ბის ტა­რე­ბა" და მად­ლი­ე­რე­ბა გა­მო­ხა­ტა ჟი­ვან­შის გუნდსა და არ­ნოს ოჯა­ხის მი­მართ „ორი­გი­ნა­ლუ­რი ხე­ლოვ­ნე­ბის სი­ლა­მა­ზის ზუს­ტი აღ­დგე­ნი­სა და ოს­ტა­ტო­ბის­თვის.“
"ოდრი ჰე­პ­ბერ­ნი ივან­კას დიდი ხა­ნია შთა­ა­გო­ნებს" - გა­ნა­ცხა­დეს მათ "მის­თვის გან­სა­კუთ­რე­ბუ­ლი პა­ტი­ვია მისი მემ­კვიდ­რე­ო­ბის ამ გზით და­ფა­სე­ბა, ხოლო ჟი­ვან­შის გუნდს მად­ლო­ბას უხ­დის ამ და­უ­ვი­წყა­რი მო­მენ­ტის შექ­მნის­თვის".

ივან­კას გრძე­ლი ქერა თმა მჭიდ­როდ შეკ­რუ­ლი ჰქონ­და და სა­მო­სი შავი ხელ­თათ­მა­ნე­ბი­თა და ბრწყინ­ვა­ლე ბრი­ლი­ან­ტის ყელ­სა­ბა­მით და­ამ­შვე­ნა.

რაც შე­ე­ხე­ბა ჯა­რედს, იგი კლა­სი­კურ შავ სმო­კინ­გში იყო ჩაც­მუ­ლი.

წყვი­ლი გან­სა­კუთ­რე­ბუ­ლად ბედ­ნი­ე­რი ჩან­და ცეკ­ვის დროს. ერთ-ერთ ფო­ტო­ში ისი­ნი თვა­ლებ­ში შეს­ცი­ცი­ნებ­დნენ ერ­თმა­ნეთს, ხოლო ივან­კას ღი­მი­ლი არ შორ­დე­ბო­და სა­ხი­დან.

წყვილს დო­ნალდ ტრამ­პი და მისი მე­უღ­ლე მე­ლა­ნია, ასე­ვე ვიცე-პრე­ზი­დენ­ტი ჯეი დი ვენ­სი და მისი მე­უღ­ლე უშა ვენ­სი, ივან­კას და ტი­ფა­ნი ტრამ­პი თა­ვის მე­უღ­ლეს­თან, მა­იკლ ბუ­ლოს­თან ერ­თად და ერიკ ტრამ­პი თა­ვის ცოლ­თან, ლარა ტრამ­პთან ერ­თად შე­უ­ერ­თდნენ. 

ტი­ფა­ნი, რო­მე­ლიც პირ­ველ შვილს ელო­დე­ბა, ნაც­რის­ფე­რი კა­ბით წარ­დგა, ხოლო ლა­რამ წი­თე­ლი კაბა მო­ირ­გო. 

ივან­კა დღის სხვა ღო­ნის­ძი­ე­ბა­ზეც ელე­გან­ტუ­რად გა­მო­ი­ყუ­რე­ბო­და.

ინა­უ­გუ­რა­ცი­ის ცე­რე­მო­ნი­ა­ზე იგი მწვა­ნე კოს­ტი­უ­მით წარ­დგა, რო­მელ­ზეც შავი ფეხ­საც­მე­ლი, გამჭვირ­ვა­ლე შავი წინ­დე­ბი, ტყა­ვის ხელ­თათ­მა­ნე­ბი და ბე­რე­ტის სტი­ლის ქუდი მო­ირ­გო. თმა კი მო­დუ­რი ფრან­გუ­ლი კვან­ძის სა­ხით ჰქონ­და შეკ­რუ­ლი.

მხარ­ზე "ლედი დი­ო­რის" ჩან­თა ეკი­და, რომ­ლის ფასი 5900 დო­ლა­რია.

მი­უ­ხე­და­ვად იმი­სა, რომ დო­ნალდ ტრამ­პის­თვის ეს მნიშ­ვნე­ლო­ვა­ნი დღე იყო, ივან­კას ვა­ჟებ­მა, 10 წლის ჯო­ზეფ­მა და 8 წლის თე­ო­დორ­მა, ყუ­რა­დღე­ბა მი­იქ­ცი­ეს.

სო­ცი­ა­ლურ ქსელ­ში ვირუ­სუ­ლად გავ­რცელ­და ფო­ტო­ე­ბი, სა­დაც ბი­ჭე­ბი წმინ­და იო­ა­ნეს ტა­ძარ­ში ინა­უ­გუ­რა­ცი­ამ­დე გა­მარ­თულ მსა­ხუ­რე­ბა­ზე იძი­ნე­ბენ. ერთ-ერთ ფო­ტო­ში უფ­რო­სი ვაჟი დე­დას ეყ­რდნო­ბა და სძი­ნავს, ხოლო მისი ძმა და­ძი­ნე­ბას აპი­რებს.

სამთო-სათხილამურო კურორტზე დატრიალებული ტრაგედიის გამო, 22 იანვარი თურქეთში გლოვის დღედ გამოცხადდა. ამის შესახებ თურქეთის პრეზიდენტმა რეჯეფ თაიფ ერდოღანმა მინისტრთა კაბინეტის სხდომის შემდეგ მედიას განუცხადა.

პრეზიდენტის თქმით, ყველა, ვინც პასუხისმგებელია ტრაგიკულ ინციდენტზე, დაისჯება.

ერდოღანმა ყველას დაზარალებული მოქალაქეებისადმი სოლიდარობისკენ მოუწოდა, მათ შორის პოლიტიკოსებს, მედიას და ადგილობრივი ხელისუფლების წარმომადგენლებს.

თურქეთში, კარტალკაიას სათხილამურო კურორტზე, ერთ-ერთ სასტუმროში ხანძარი დღეს  მოხდა. ამ დროისთვის არსებული ინფორმაციით, სამთო-სათხილამურო კურორტზე ხანძარს ემსხვერპლა 66 ადამიანი, დაშავდა – 51.

კარტალკაიას სათხილამურო კურორტი სტამბოლიდან 270 კილომეტრში მდებარეობს. სასტუმრო მთის ფერდობთან არის განლაგებული, რამაც საგანგებო სამსახურებს ცეცხლის ჩაქრობა და სამაშველო ოპერაცია გაურთულა. სტუმრები ცეცხლმოკიდებული სასტუმროდან თავის დაღწევას ფანჯრებიდან ცდილობდნენ.

აშშ-ს კონსტიტუციის თანახმად, ქვეყნის ყოველი ახალი პრეზიდენტის უფლებამოსილების ვადა 20 იანვრის შუადღიდან იწყება. ასევე 20 იანვარს, იმართება პრეზიდენტის ფიცის დადების ცერემონია. ბოლო წლებში პრეზიდენტებმა ფიცი დადეს უზარმაზარი დროებით პლატფორმაზე, რომელიც კაპიტოლიუმის თვალწარმტაც მდელოზე განთავსდა და ეროვნულ სავაჭრო ცენტრს გაჰყურებს. ყველაზე ხშირად, ფიცს უზენაესი სასამართლოს თავმჯდომარე იბარებს. ორშაბათსაც ჯონ რობერტსი მეორედ მიიღებს არჩეული პრეზიდენტის დონალდ ტრამპისგან ფიცს. ტრადიციის მიხედვით ახალი პრეზიდენტი ასევე გამოდის საინაუგურაციო სიტყვით, რომელშიც ის მომდევნო ოთხი წლის განმავლობაში თავის გეგმებზე საუბრობს. 2017 წელს ტრამპმა თავისი პირველი საპრეზიდენტო ვადა მეტად მძიმე გამოსვლით დაიწყო, რომელშიც „ამერიკულ ხოცვა-ჟლეტაზე“ გამახვილდა ყურადღება. 20 იანვარს ფიცს ახალი ვიცე-პრეზიდენტი, ჯეი დი ვენსიც დადებს.

წელს ტრამპის ინაუგურაცია უამინდობის გამო კონგრესის შენობაში გაიმართება. ხვალ ვაშინგტონში ძლიერი ყინვაა მოსალოდნელი.

სწორედ ამიტომ პრეზიდენტის მიმართვას ინაუგურაციის ცერემონიაზე მისული სტუმრები კონგრესის შენობაში მოისმენენ. საინაუგურაციო აღლუმი და საზეიმო მიღებაც ასევე კაპიტოლიუმის დახურულ სივრცეში გაიმართება.

ამერიკული მედიის ცნობით, ღონისძიებაში მონაწილეობას მიიღებენ მილიარდერები ელონ მასკი, ჯეფ ბეზოსი და მარკ ცუკერბერგი, ასევე ჩინური სოციალური ქსელების გიგანტის, „ტიკტოკის“ ხელმძღვანელი, შოუ ზი ჩუ. 

ასევე ცერემონიაში მონაწილეობას მიიღებს აშშ-ს ყველა ცოცხალი ყოფილი პრეზიდენტი და წარმავალი პრეზიდენტი ჯო ბაიდენიც. პრეზიდენტის ინაუგურაციაზე უცხო სახელმწიფოს მეთაურებს, როგორც წესი, არ იწვევენ, მაგრამ ტრამპმა ეს ტრადიცია დაარღვია და იტალიისა და უნგრეთის ულტრამემარჯვენე პრემიერ-მინისტრები, ჯორჯია მელონი და ვიქტორ ორბანი მიიპატიჟა. ჩამოთვლითაგან ამჟამად მხოლოდ მელონიმ დაადასტურა, რომ ინაუგურაციას დაესწრება. 

ვაშინგტონში იმყოფება და ცერემონიას კონგრესმენი ჯო უილსონის მოწვევით დაესწრება საქართველოს მეხუთე პრეზიდენტი სალომე ზურაბიშვილი. 

ფიცის დადების ცერემონიაზე ცნობილი მომღერალი, ქერი ანდერვუდი შეასრულებს "America the Beautiful“-ს.

დონალ ტრამპი, სავარაუდოდ, ორშაბათს საღამოსთვის დაგეგმილ სამივე ოფიციალურ საინაუგურაციო გალა-კონცერტს დაესწრება. ასევე დაგეგმილია ათზე მეტი სხვა ღონისძიება. გალა-კონცერტების გარდა, ინაუგურაციის წინა ღამეს, ვაშინგტონის Capital One Arena-ზე, ტრამპი გამართავს აქციას სახელწოდებით, „კვლავ დიდებული გავხადოთ ამერიკა“. 

აშშ-ში TikTok მომხმარებლებისთვის ხელმისაწვდომი აღარ არის. 2025 წლის 19 იანვარს, ოფიციალურად ამოქმედდა კანონი, რომელიც კრძალავს პოპულარული სოციალური მედიის პლატფორმა TikTok-ის გამოყენებას. პლატფორმა აკრძალვის ძალაში შესვლამდე რამდენიმე საათით ადრე გაითიშა. აპლიკაციას აშშ-ში 170 მილიონი მომხმარებელი ჰყავს.

მომხმარებლებს, რომლებიც აპლიკაციას ხსნიან, შემდეგი შეტყობინება ხვდებათ:

"ბოდიში, TikTok ამჟამად არ არის ხელმისაწვდომი. აშშ-ში ამოქმედდა კანონი, რომელიც კრძალავს TikTok-ს. სამწუხაროდ, ეს ნიშნავს, რომ თქვენ ვერ გამოიყენებთ TikTok-ს. ჩვენ გაგვიმართლა, რომ პრეზიდენტმა ტრამპმა მიუთითა, რომ ის ჩვენთან ერთად იმუშავებს TikTok-ის აღდგენის გადაწყვეტაზე, როგორც კი ის თანამდებობას დაიკავებს. გთხოვთ დარჩით ხაზზე."

თეირანში, სასამართლოს შენობასთან სროლის შედეგად უზენაესი სასამართლოს მოსამართლეები მოჰამად მოგისე და ალი რაზინი დაიღუპნენ, ერთი მოსამართლე კი დაიჭრა. ირანული მედიის ინფორმაციით, ალი რაზინი და მოჰამად მოგისე თავდასხმის მსხვერპლნი თავიანთ ოფისში გახდნენ, სადაც ასევე იმყოფებოდა უზენაესი სასამართლოს მრჩეველი, რომელიც მაგიდის ქვეშ დაიმალა.

სააგენტო IRNA ინფორმაციით, მოსამართლეებზე თავდამსხმელმა დაკავებამდე სიცოცხლე თვითმკვლელობით დაასრულა. ასევე წინასწარი ცნობით, თავდამსხმელი არ ყოფილა უზენაესი სასამართლოს ვიზიტორი და სასამართლოში არანაირი საქმე არ ჰქონია.

ირანის ხელისუფლება თავდასხმას ტერორისტულ აქტად აფასებს.

ადგილობრივი მედია აღნიშნავს, რომ მოკლული მოსამართლე მოჰამა მოგისე პოლიტპატიმრების საქმეებს განიხილავდა. აშშ-სა და ევროკავშირს მის წინააღმდეგ სანქციები აქვს დაწესებული. მას ირანში ადამიანის უფლებების დარღვევაში ადანაშაულებენ. მეორე დაღუპული მოსამართლე ალი რაზინი 1998 წელს თავდასხმას გადაურჩა, მაშინ მის ავტომობილში ბომბი დაამონტაჟეს.

მოკლული მოსამართლეები ეროვნულ უსაფრთხოებასთან, ჯაშუშობასა და ტერორიზმთან დაკავშირებულ დანაშაულებზე მუშაობდნენ.