აღდგომის ღამეს თბილისის მეტრო გახანგრძლივებული დროით იმუშავებს.
თბილისის მერიის ინფორმაციით, მოქალაქეთა შეუფერხებლად გადაადგილების მიზნით, მეტრო 20 აპრილის 04:00 საათამდე იმუშავებს.
„19 აპრილის 23:00 საათიდან 20 აპრილის 04:00 საათამდე მიწისქვეშა ავტოტრანსპორტით გადაადგილება უფასო
გვინდა, მწუხარება გამოვთქვათ გლდანის რაიონში მომხდარი ტრაგიკული შემთხვევის შედეგად, მოზარდის გარდაცვალების გამო. ვუსამძიმრებთ მის ოჯახსა და ახლობლებს, - ნათქვამია თბილისის მერიის განცხადებაში.
მათივე ცნობით, შემთხვევა მოხდა ლიბანის ქუჩა N22 არსებული ე.წ. ტიტანიკის კორპუსის სახურავზე, სადაც მოზარდი, თანატოლებთან ერთად, სკეიტბორდით იმყოფებოდა. მოზარდი სახურავიდან ლიფტის შახტში ჩავარდა.
ამასთან, მერიაში აცხადებენ, რომ ვინაიდან კორპუსი ავარიულ მდგომარეობაშია, გლდანის რაიონის გამგეობამ მოსახლეობას არაერთხელ შესთავაზა ქირით უზრუნველყოფა და მოსთხოვა გასვლა აღნიშნული შენობიდან.
„ბავშვები აღნიშნული კორპუსის მცხოვრებლები არ არიან.
ე.წ. ტიტანიკის კორპუსი გასული საუკუნის 80-იანი წლებიდან მოყოლებული ავარიულ მდგომარეობაშია და სწორედ ავარიულობის გამო, კორპუსში ლიფტი მოწყობილი არასდროს ყოფილა.
მოსახლეობის გამოყვანის პროცესი თბილისის მერიამ წლების წინ დაიწყო. მობინადრეებს შეეთავაზათ ქირით გაყვანა და “ავარიული კორპუსების ჩანაცვლების პროგრამაში” მონაწილეობა.
უსაფრთხოების მიზნით, გლდანის რაიონის გამგეობამ მოსახლეობას არაერთხელ შესთავაზა ქირით უზრუნველყოფა და მოსთხოვა გასვლა აღნიშნული შენობიდან. მოსახლეობის ნაწილი შეთავაზებას დათანხმდა, ნაწილი კი რჩება აღნიშნულ მისამართზე საცხოვრებლად და უარს აცხადებს ქირით გასვლაზე.
თბილისის განვითარების ფონდი კვლავ გამოთქვამს მზაობას, მოხდეს კორპუსის ჩანაცვლება, თუმცა, როგორც საზოგადოებისთვის არის ცნობილი, ამისთვის საჭიროა მოსახლეობის 100%-იანი თანხმობა“, - ნათქვამია განცხადებაში.
ცხოველთა მონიტორინგის სააგენტო რეგისტრაციასა და სტერილიზაციის მომსახურებაზე ხელმისაწვდომობის გაზრდის მიზნით, მოქალაქეებს გაძლევთ შესაძლებლობას, დაარეგისტრიროთ ძაღლი და გაასტერილოთ უფასოდ მობილურ ვეტკლინიკაში, თქვენთვის ხელსაყრელ, ახლომდებარე ლოკაციაზე.
აღნიშნული მომსახურებით სარგებლობისთვის მოქალაქე გადაიხდის მხოლოდ ჩიპის თვითღირებულების საფასურს - 19 ლარს.
13 აპრილს, კვირას, მობილური ვეტკლინიკა ოთხფეხა პაციენტებს ვარკეთილი 3-ის, მესამე მიკრორაიონში, N344-ე, N329-ე და N334-ე კორპუსებს შორის მდებარე სკვერში, 12:00-დან 18:00 საათამდე მოემსახურება.
იხილეთ სკვერის მდებარეობა:
https://www.google.com/maps/place/41%C2%B042'24.8%22N+44%C2%B052'34.8%22E/@41.706899,44.8737628,811m/data=!3m2!1e3!4b1!4m4!3m3!8m2!3d41.706899!4d44.8763377?hl=en&entry=ttu&g_ep=EgoyMDI1MDQwMi4xIKXMDSoASAFQAw%3D%3D
მოქალაქეებს შესაძლებლობა ექნებათ აღნიშნული აქციის ფარგლებში მიიღონ შემდეგი სერვისები:
ძაღლის რეგისტრაცია + უფასო სტერილიზაცია
ცხოველების ანტირაბიული ვაქცინაცია
ცხოველების კომპლექსური ვაქცინაცია
ექიმი-ვეტერინარის უფასო კონსულტაცია
მომსახურებით სარგებლობისთვის აუცილებელია, წინასწარ დარეკოთ მითითებულ ნომერზე - 550 054 144 და ჩაეწეროთ.
აუცილებელია, მოქალაქეებმა თან იქონიოთ პირადობის დამადასტურებელი მოწმობა.
ცხოველების პატრონების საყურადღებოდ: გთხოვთ, გაითვალისწინოთ, რომ მოქმედი კანონმდებლობის თანახმად, ვალდებული ხართ მოახდინოთ თქვენი ცხოველების იდენტიფიკაცია და რეგისტრაცია.
არარეგისტრირებული და არაიდენტიფიცირებული ცხოველის ყოლა იწვევს ადმინისტრაციულ პასუხისმგებლობას!
ასევე, კანონმდებლობის მიხედვით, შერეული ჯიშის (მეტისი) ცხოველის ყოლის შემთხვევაში, მეპატრონე ვალდებულია, უზრუნველყოს მისი სტერილიზაცია/კასტრაცია.
ავარიული სახლების ჩანაცვლების პროექტის ფარგლებში, ვარკეთილის მე-3 მასივში, კალოუბნის ქუჩა N18-ში სამშენებლო სამუშაოები მიმდინარეობს.
აღნიშნულ მისამართზე არსებული 3-სართულიანი ავარიული შენობის სრული დემონტაჟი განხორციელდა და მის ნაცვლად, მრავალბინიანი, 10-სართულიანი საცხოვრებელი კორპუსი აშენდება. პროექტის შედეგად, ფართებით დაკმაყოფილდება 29 ოჯახი.
მიმდინარე სამუშაო პროცესს დედაქალაქის მერი კახა კალაძე მერის მოადგილე ირაკლი ბენდელიანთან ერთად გაეცნო.
„სამგორის რაიონში, კალოუბნის ქუჩა N18-ში ავარიული კორპუსის ჩანაცვლების პროექტი მიმდინარეობს. ეს საკმაოდ მნიშვნელოვანი პროგრამაა. სამწუხაროდ, დედაქალაქში ბევრი ავარიული შენობა-ნაგებობა გვაქვს. მათ ავარიულობის სხვადასხვა კატეგორია აქვთ მინიჭებული. აქ იდგა სამსართულიანი, გაუბედურებული ნაგებობა, რომელშიც 29 ოჯახი ცხოვრობდა. ეს ადამიანები დროებით ქირით გვყავს გაყვანილი, მუნიციპალიტეტი ყველა ხარჯს თავის თავზე იღებს. შენობის კარკასი უკვე აშენებულია. სამუშაოები სექტემბერ-ოქტომბერში დასრულდება და 29 ოჯახს ახალაშენებულ საცხოვრებელ კორპუსში გარემონტებული ბინები გადაეცემა. აღნიშნული პროგრამით ბევრი მოქალაქეა დაინტერესებული. დედაქალაქის მერია ყველა ადამიანს შეუწყობს ხელს, რომ რაც შეიძლება მეტი ავარიული კორპუსი ჩანაცვლდეს“, - განაცხადა კახა კალაძემ.
სამშენებლო სამუშაოები, რომელსაც შპს „ბკ ქონსთრაქშენი“ ასრულებს, 7 880 კვადრატულ მეტრზე ხორციელდება. პროექტის ღირებულება 7 336 116 ლარია.
ადგილზე, დედაქალაქის მერთან ერთად, თბილისის განვითარების ფონდის ხელმძღვანელი თამაზ ალიბეგაშვილი, სამგორის გამგებელი კახა სამხარაძე და რაიონის მაჟორიტარი დეპუტატი რევაზ სოხაძე იმყოფებოდნენ.