Recent Podcasts

„ტრაბზონსპორი“ ნახევარდაცვის გაძლიერებას ცდილობს. თურქულ კლუბს „ლევანტედან“ – გიორგი ქოჩორაშვილის, ხოლო „ლიონიდან“ ტოლისოს დამატება სურს, – ინფორმაციას Takagazete ავრცელებს.

„შუალედურ სატრანსფერო პერიოდში „ტრაბზონსპორი“ ნახევარმცველებს ეძებს. გუნდი ცდილობს „ლიონიდან“ ფრანგი ვარსკვლავის, კორენტინ ტოლისოს დამატებას. თუმცა სიაში ახალი სახელიც გამოჩნდა – „ტრაბზონსპორში“ გადმოსვლის კანდიდატი ქართველი ფეხბურთელი გიორგი ქოჩორაშვილია, რომელიც ლა ლიგა 2-ის „ლევანტეში“ თამაშობს.

კლუბი კორენტინ ტოლისოსა და „ლიონთან“ კონტაქტს აგრძელებს. ამავე დროს, არის მცდელობა, რომ ესპანურ „ლევანტესთან“ ქართველი ცენტრალური ნახევარმცველის თაობაზე მოლაპარაკებები დაიწყოს.

„ლევანტესთან“ ქოჩორაშვილის კონტრაქტი 2027 წლამდეა გათვლილი, ხოლო ქართველი ფეხბურთელის სატრანსფერო ღირებულება 4 მილიონ ევროს შეადგენს. „ტრაბზონსპორი“ ესპანური კლუბის ფინანსური მოთხოვნებით უკვე დაინტერესდა“, – ამტკიცებს გამოცემა Takagazete.

ქართველმა ფეხბურთელმა „ლევენტეს“ რიგებში მიმდინარე სეზონში 16 მატჩი ჩაატარა, 4 გოლი გაიტანა და 3 საგოლე გადაცემა შეასრულა.

2024 წელი ქართული ფეხბურთისთვის ისტორიული აღმოჩნდა. მიუხედავად საკლუბო დონეზე გარკვეული ჩავარდნებისა, მრავალი მნიშვნელოვანი მოვლენა მოხდა, რომელმაც ჩვენი ქვეყნის სპორტული ცხოვრება გაალამაზა.

პირველად ევროპის ჩემპიონატზე:

საქართველოს ეროვნულმა ნაკრებმა 26 მარტს ევრო 2024-ის პლეი ოფში საბერძნეთის ნაკრები დაამარცხა (0:0 – პენალტების სერიით 4:2) და პირველად ისტორიაში ევროპის ჩემპიონატზე გავიდა. ვილი სანიოლი გახდა პირველი მწვრთნელი, რომლის ხელმძღვანელობითაც „ჯვაროსნებმა“ ასეთი წარმატება მოიპოვეს.

ისტორიული გამარჯვება და ქულები:

ევროპის ჩემპიონატის დებიუტანტმა საქართველომ ჯგუფურ ეტაპზე პირველი ქულა ჩეხეთთან (1:1) მოიპოვა, ხოლო მესამე ტურში პორტუგალიის ნაკრები დაამარცხა (2:0) და ტურნირის 1/8 ფინალში გავიდა.

გულშემატკივრები გერმანიაში:

გერმანიაში ჩატარებულ ევროპის ჩემპიონატზე „ჯვაროსნებს“ ქართველი გულშემატკივრების უზარმაზარი არმია ამხნევებდა. ოთხივე შეხვედრას, დაახლოებით, 60 ათასი ქართველი დაესწრო.

ისტორიული ჯილდო – „ოქროს ბუცი“:

გიორგი მიქაუტაძემ ევრო 2024-ის ჯგუფურ ეტაპზე 3 გოლი გაიტანა და ტურნირის თანაბომბარდირი გახდა. მან „ოქროს ბუცი“ მოიპოვა, რაც ასევე ისტორიული მოვლენაა.

ევრო 2024-ზე ჩეხეთთან მატჩის შემდეგ საქართველოს ნაკრების მეკარეს, გიორგი მამარდაშვილს მატჩის საუკეთესო მოთამაშის (MVP) ჯილდო გადაეცა. ტურნირზე შესანიშნავი თამაშის შემდეგ, ზოგიერთი გამოცემის მიერ ის სიმბოლურ გუნდში დასახელდა და პირველად ქართული ფეხბურთის ისტორიაში „ოქროს ბურთის“ საუკეთესო მეკარეთა სამეულში მოხვდა.

მატჩის საუკეთესო მოთამაშის ჯილდო ისტორიულ შეხვედრაში:

ხვიჩა კვარაცხელიამ პორტუგალიის ნაკრების წინააღმდეგ გოლი გაიტანა და მატჩის საუკეთესო მოთამაშედ დასახელდა. შეხვედრის შემდეგ მან კრიშტიანო რონალდოსგან მაისური მიიღო.

წლის საუკეთესო მოთამაშე ავსტრიაში:

ოთარ კიტეიშვილი ავსტრიის ბუნდესლიგის ჩემპიონი და ქვეყნის თასის მფლობელი გახდა. სეზონის ბოლოს ის ჩემპიონატის საუკეთესო ფეხბურთელად აღიარეს.

სარეკორდო ტრანსფერი:

გიორგი მამარდაშვილის ტრანსფერი „ვალენსიიდან“ „ლივერპულში“ 35 მილიონ ევროდ განხორციელდა, რაც ქართული ფეხბურთის ისტორიაში სარეკორდოა. მანამდე რეკორდი გიორგი მიქაუტაძეს ეკუთვნოდა, რომლის ტრანსფერიც „მეციდან“ „აიაქსში“ 16 მილიონ ევროდ განხორციელდა.

წლის სიურპრიზი:

ვახტანგ სალია „დინამო თბილისიდან“ „ნიუკასლში“ გადავიდა და 17 წლის ასაკში ინგლისის პრემიერლიგაში მოხვდა.

ახალგაზრდული ნაკრების წარმატება:

საქართველოს 21-წლამდელთა ნაკრებმა ხორვატიის ნაკრები პლეი ოფში პენალტების სერიაში დაამარცხა და ევროპის ჩემპიონატის ფინალურ ეტაპზე ზედიზედ მეორედ ითამაშებს.

ქალთა ნაკრების პროგრესი:

საქართველოს ქალთა ეროვნულმა ნაკრებმა, ირის ანტმანის ხელმძღვანელობით, პირველად მოიპოვა ევროპის ჩემპიონატის საკვალიფიკაციო ეტაპის პლეი ოფის საგზური.

ჰეთ-თრიქი საფრანგეთის ლიგა 1-ში:

ზურიკო დავითაშვილი პირველი ქართველი ფეხბურთელია, რომელმაც საფრანგეთის ლიგა 1-ში ჰეთ-თრიქი შეასრულა. მან „სენტ ეტიენის“ მაისურით ერთ შეხვედრაში 3 გოლი „ოსერს“ გაუტანა.

წლის ახალგაზრდა ფეხბურთელი:

საბა გოგლიჩიძემ სერია A-ში სადებიუტო მატჩის შემდეგ „ემპოლის“ ძირითად შემადგენლობაში ადგილი დაიმკვიდრა, მისი სატრანსფერო შეფასება კი 300 ათასიდან 8 მილიონ ევრომდე გაიზარდა.

რეკორდული შეფასება:

Transfermarkt-ის მიხედვით, საქართველოს ნაკრების ფეხბურთელთა საერთო სატრანსფერო ღირებულება 197 მილიონ ევრომდე გაიზარდა, რაც რეკორდია.

აქართველო 2025 წელს საწყლოსნო ფედერაციის კონგრესს უმასპინძლებს. მთავრობის ადმინისტრაციის ინფორმაციით, ამის შესახებ პრემიერ-მინისტრ ირაკლი კობახიძის ევროპის საწყლოსნო ფედერაციის პრეზიდენტ ანტონიო და სილვასთან შეხვედრაზე გახდა ცნობილი.

მათივე ინფორმაციით, კონგრესში მსოფლიოს 52 ქვეყნის ეროვნული ფედერაციის პრეზიდენტები და დელეგატები მიიღებენ მონაწილეობას.

"ასევე განიხილეს 2028 წელს საქართველოში წყალბურთის ევროპის ჩემპიონატის გამართვის შესაძლებლობები. მხარეებმა ამ მიმართულებით თანამშრომლობის მზადყოფნა გამოთქვეს. ყურადღება დაეთმო ჩემპიონატის შესაბამისი ინფრასტრუქტურის განვითარების აუცილებლობას. აღინიშნა, რომ საქართველოს 2028 წლისთვის ექნება თანამედროვე ტიპის საწყლოსნო კომპლექსი, რომელშიც შესაძლებელი იქნება მსოფლიო და ევროპის დონის შეჯიბრებების ჩატარება, როგორც წყალბურთში, ასევე სხვადასხვა საწყლოსნო მიმართულებით",- აღნიშნულია ინფორმაციაში.