Menu
RSS

გვენეტაძის „ტყვეობისა“ და გაუჩინარების საიდუმლო

„ფრთხილად იყავი, ეს ხალხი ყველაფერზეა წამსვლელი“, _ რა უთხრა გადადგომამდე იუსტიციის საბჭოს წევრს უზენაესი სასამართლოს ყოფილმა თავმჯდომარემ და რას ჰყვებიან სასამართლოს კულუარებში

90-იანი წლებიდან მოყოლებული, ჩვენი საზოგადოების განუკურნებელი შაკიკია ანუ აქამდეც ყველამ ვიცოდით, რომ ქართულ სასამართლოში ადამიანს საკუთარი სიმართლის დადგენის არცთუ დიდი შანსი აქვს, თუმცა ის, რაც ბოლო დროს ამ სისტემაში, უფრო სწორად, ამ სისტემის გარშემო ხდება, ნამდვილი კოშმარია. დიახ, უკეთეს სასამართლოზე ზრუნვამ მთელი ქართული პოლიტიკა ატომური ბომბივით ააფეთქა და საქმე იქამდეც კი მივიდა, რომ მმართველი გუნდის ერთიანობაც ჩამოამხო. დიახ, ქალბატონებო და ბატონებო, დღეს „ოცნების“ მთავარი მტერი და ავისმოსურნე ყოფილი ხელისუფლება ანუ ნაციონალური მოძრაობა კი არა, უკვე ექსოცნებელები არიან, ის ადამიანები, რომლებიც არცთუ დიდი ხნის წინ, ვენებს იხსნიდნენ და გვიმტკიცებდნენ, ჩვენი გუნდი ისეთი მონოლითური და კარგია, გული ჩვენვე გვიჩუყდებაო. დღევანდელი მოცემულობა კი ასეთია: „ოცნების“ მოქმედი და ყოფილი წევრები ერთმანეთს საჯაროდ ისეთ რაღაცებს ეძახიან, რომ მათ შემხედვარეს გული აწ უკვე ჩვენ, ამ ქვეყნის რიგით მოქალაქეებს გვიჩუყდება.

მოკლედ, ვის ხელებს ასდის ფულის სუნი და ვის რა ოჯახური ბიზნესი აქვს სასამართლოში? _ ამაში, ალბათ, მსოფლიოს უძლეველი საგამოძიებო სამსახურების წარმომადგენლებიც ვერ გ