საზოგადოება - ვერსია - ვერსია http://versia.ge Sun, 07 Jun 2020 06:31:32 +0400 Joomla! - Open Source Content Management en-gb სპორტის ვარსკვლავები რასიზმის წინააღმდეგ და ფოტო, რომელმაც სოცქსელი „ააფეთქა“ http://versia.ge/2013-07-31-11-23-15/item/6789-სპორტის-ვარსკვლავები-რასიზმის-წინააღმდეგ-და-ფოტო,-რომელმაც-სოცქსელი-„ააფეთქა“.html http://versia.ge/2013-07-31-11-23-15/item/6789-სპორტის-ვარსკვლავები-რასიზმის-წინააღმდეგ-და-ფოტო,-რომელმაც-სოცქსელი-„ააფეთქა“.html

რა სარგებელს მოუტანს ქართულ ფეხბურთს ნოდარ ახალკაცი _ უმცროსის დანიშვნა FIFA-ს წევრი ევროპის ასოციაციების ხელმძღვანელად

ესპანეთის საკალათბურთო ლიგა 17 ივნისს განახლდება და გუნდები აქტიურად ემზადებიან. გამალებულ მზადებაშია „ბასკონია“ და მისი კაპიტანი, თორნიკე შენგელიაც. საუბარი იმის შესახებ, რომ სეზონის ბოლოს, შენგელია გუნდს დატოვებს და მადრიდის „რეალის“ მაისურს მოირგებს, კვლავ აქტიურად მიმდინარეობს. ყველაფერთან ერთად, ჩვენებური ევროპულმა გამოცემებმაც დააფასეს და ევრობასკეტმა შენგელია ევროლიგის საუკეთესო ხუთეულში შეიყვანა. საინტერესოა, რომ ძირითად ხუთეულში სამი ამერიკელი, ერთი ესპანელი და ერთი ქართველი _ შენგელია მოხვდნენ, რაც უადავოდ, დიდი აღიარებაა.

ესპანეთში მოთამაშე კიდევ ერთმა ქართველმა, გიორგი შერმადინმა კლუბთან მოქმედი კონტრაქტი 2023 წლამდე გაახანგრძლივა. გიო „იბეროსტარ ტენერიფეს“ ლიდერად ჩამოყალიბდა და არავის გაკვირვებია, რომ მას კლუბმა ახალი ხელშეკრულება შესთავაზა. როგორც გაირკვა, ჩვენებურიც სიხარულით დასთანხმდა წინადადებას და აღნიშნა, როგორც გუნდში, ისე ქალაქში ყოფნით, მე და ჩემი ოჯახი ბედნიერები ვართო. 

 

* * * 

საქართველოს ფეხბურთს ფედერაციის ყოფილი პრეზიდენტი, ნოდარ ახალკაცი-უმცროსი, მსოფლიო ფეხბურთის მმართველ ორგანოში 2017 წლიდან მუშაობს. ამჯერად, FIFA-ში ახალკაცი დააწინაურეს და მეტად საპასუხისმგებლო პოსტი ჩააბარეს. ამიერიდან, ის FIFA-ს წევრი ევროპის ასოციაციების ხელმძღვანელის პოზიციაზე იმუშავებს. რაღა თქმა უნდა, ეს ქართული ფეხბურთისთვისაც ძალიან მნიშვნელოვანია, რადგან ელემენტარულად, დახმარებების საკითხი და ფეხბურთის განვითარებისთვის თანხების გმოყოფა, სწორედ ხელმძღვანელობის დონეზე წყდება და იქ უკვე „ჩვენი კაცი“ გვყავს. 

* * * 

პანდემიის დროს, გუნდები არ ვარჯიშობდნენ, თუმცა ეს იმას არ ნიშნავს, რომ კლუბები ტრანსფერებით არ იყვნენ დაკავებულნი. სამწუხაროდ, ბექა მიქელთაძემ და ნიკოლაი ყიფიანმა ყაზანის „რუბინის“ რიგები დატოვეს და კარიერას „როტორში“ გააგრძელებენ. არადა, „რუბინი“, როგორც ფინანსებით, ისე ამბიციებით, „როტორს“ ბევრად აღემატება, თუმცა ყაზანურ გუნდში ჩვენებურებს სათამაშო დრო არ ეძლეოდათ და „როტორში“ საკუთარი შესაძლებლობების წარმოჩენის შანსი აშკარად ექნებათ. 

* * * 

არანაკლებ ცუდ დღეშია თბილისის „დინამოსა“ და საქართველოს ნაკრების ყოფილი ფორვარდი, ლევან კუტალია. ის იანვარში ყაზახეთის ხუთგზის ჩემპიონ „ირტიშში“ გადავიდა, მაგრამ კლუბი ოფიციალურად დაიშალა და იანვრის შემდეგ, კუტალიას ხელფასი არ მიუღია. ფეხბურთელი ფიფაში ჩივილს აპირებს, თუმცა პრობლემა მხოლოდ ეს არ არის _ კლუბის მფლობელებმა გააუქმეს ლიცენზია, გაყიდეს უძრავ-მოძრავი ქონება და ქვეყნის ხუთგზის ჩემპიონი გუნდი თითქოს არც არსებობდა. ხელფასების პრობლემა ყაზახეთში მოთამაშე სხვა ფეხბურთელებსაც აქვთ, მათ შორის, ნაკრების კაპიტან ჯაბა კანკავასაც. პანდემიის პირობებში, ყველა ყაზახურმა კლუბმა ფეხბურთელების ხელფასების გადახდაზე უარი თქვა, აქაოდა, ფორსმაჟორული სიტუაციაა და ხელშეკრულების მიხედვით, მოთამაშეებს არაფერი ეკუთვნითო. 

* * * 

უკრაინულმა საინფორმაციო საშუალებებმა გაავრცელეს ინფორმაცია, რომ ლვოვის „კარპატის“ ერთ-ერთ ფეხბურთელს კორონავირუსი დაუდგინდა და ის ერთი, გუნდის ქართველი ლეგიონერი, ანდრო გიორგაძე იყო. გავრცელებული ინფორმაციის შემდეგ, განცხადება თავად გიორგაძემ გააკეთა და აღნიშნა, რომ მას ვირუსი არ აქვს და ინფორმაცია ტყუილია. უფრო მეტიც, ამის დასადასტურებლად, ანდრომ სოციალურ ქსელში ჯნმრთელობის დამადასტურებელი ცნობაც გამოფინა და ყველა კითხვას წერტილი დაუსვა. 

* * * 

ევროპაში პირველი მეგა-ტრანსფერი განხორციელდა: მილანის „ინტერიდან“ ფრანგულ პსჟ-ში იჯარით გადასული მაურო იკარდი, პარიზულმა კლუბმა საბოლოოდ გამოისყიდა და მის სანაცვლოდ, „ნერაძურის“ 60 მილიონი ევროც ჩაუთვალა. ამ ტრანსფერმა კიდევ უფრო გაამყარა ეჭვი, რომ შესაძლოა, ზაგხულში, ფრანგული გუნდი ნეიმარმა დატოვოს. ბრაზილიელის გადაბირებით მადრიდის „რეალია“ დაინტერესებული და 180 მილიონი ევროც აქვს გამზადებული, თუმცა პსჟ-ს მთავარ ვარსკვლავში 200 მილიონი სურს. 

* * * 

დიდი მუზარადის 20-გზის გამარჯვებული, ჩოგბურთის ცოცხალი ლეგენდა როჯერ ფედერერი, „ფორბსის“ რეიტინგში მუდმივად ხვდებოდა, თუმცა ახლა ის სპორტსმენთა შორის პირველ ადგილზე, პირველად დასახელდა. ბოლო 12 თვის განმვლობაში, როჯერმა 106.3 მილიონი დოლარი გამოიმუშავა, საიდანაც 100 მილიონი სარეკლამო კონტრაქტებზე მოდის, დანარჩენი კი ჩოგნის ქნევით მიღებული შემოსავალია. მან კრიშტიანუ რონალდუს (105 მილიონი), ლიონელ მესის (104 მილიონი) და ნეიმარს (95.5 მილიონი) გაუსწრო. 

საგულისხმოა, რომ სარეკლამო 100 მილიონიდან, 30 მილიონი _ კომპანია Uნიქლო-ზე მოდის, რომელთანაც როჯერმა 2018 წელს, 10-წლიანი კონტრაქტი გააფორმა და წლიურად, სწორედ ამდენ მილიონს იღებს. 

* * * 

25 მაისს, მინეაპოლისში, პოლიციელების მიერ დაკავებული 46 წლის აფროამერიკელი ჯორჯ ფლოიდის დაღუპვამ, ამერიკის შეერთებულ შტატებსა და მსოფლიოში სერიოზული რეზონანსი, სხვასთან ერთად, სპორტის სხვადასხვა სახეობის წარმომადგენლებშიც გამოიწვია. NBA-ს ვარსკვლავები საპროტესტო აქციაზეც კი გავიდნენ და განაცხადეს, რომ ქუჩაში იდგებიან მანამ, სანამ თანასწორობა საბოლოოდ არ აღდგება. კალათბურთელებს შორის, ლებრონ ჯეიმსი და სტივ კარიც არიან ანუ საკალათბურთო ასოციაციის ორი ყველაზე კაშკაშა და მაღალანაზღაურებადი კალათბურთელები. 

უფრო მეტიც, ჯეიმსმა ისიც გაიხსენა, 2016 წელს, ამერიკული ფეხბურთის მოთამაშე კოლინ კაპერნიკი, ერთ-ერთი მატჩის წინ შესრულებული აშშ-ის ჰიმნის დროს, ქვეყანაში არსებული რასობრივი უთანასწორობისადმი პროტესტის ნიშნად, ფეხზე არ წამოდგა. აღნიშნული ფაქტის ამსახველი ფოტო 25 მაისის ფოტოსთან ერთად, ჯეიმსმა საკუთარ გვერდზე დადო და... ერთ საათში ფოტოს 10 მილიონზე მეტი ნახვა ჰქონდა. 

* * * 

სლავკო ვინჩიჩი სლოვენიელი არბიტრია და საკმაოდ წარმატებულიც. ის ჩემპიონთა თუ ევროპალიგის მატჩებს რეგულარულად სჯის, თუმცა გასულ უქმეებზე, სერიოზულ უსიამოვნებაში გაეხვა _ პოლიციამ სპეცოპერაცია ჩაატარა და ერთ-ერთ ბინაში დანაშაულებრივი ჯგუფის წევრები აიყვანა. ბინის ჩხრეკისას, სამართალდამცავებმა 10 ცალი ცეცხლსასროლი იარაღი, 14 შეკვრა კოკაინი და 3 ჯავშანჟილეტი ამოიღეს. დაკავებულთა შორის აღმოჩნდა ვინჩიჩიც, რომელიც ამბობს, მე არაფერ შუაში ვარ, სტუმრად დამპატიჟეს და მერე პოლიცია მოვიდაო. როგორც სლოვენიური მედია წერს, მსაჯი ამ საქმიდან იოლად ვერ გამოძვრება და საკუთარი უდანაშაულობის დამტკიცება გაუჭირდება. არადა, მისი საშუალო შემოსავალი, თვეში 12 ათას ევროს აღემატებოდა და, წესით, ეს ცოტა თანხა არ არის. 

 

* * * 

პროფესიული კომპანიების გლობალური აუდიტის სამსახურმა, მსოფლიოს ყველაზე ძვირადღირებული საფეხბურთო კლუბების სია გამოაქვეყნა. როგორც მოსალოდნელი იყო, პირველ ადგილზე, კვლავ მდრიდის „რეალია“, რომელიც 3.478 მილიარდ დოლარადაა შეფასებული. მეორე ადგილზე „მანჩესტერ იუნაიტედი“ მოდის, მესამეზე კი „ბარსელონაა“. ორივე კლუბის ღირებულება სამ მილიარდს აჭარბებს. 

* * * 

20 ივნისს, იტალის საფეხურთო ჩემპიონატი განახლდება და უკვე გადაწყვეტილია, რომ მატჩები ყოველდღე გაიმართება. ეს იმიტომ, რომ მიმდინარე ჩემპიონატი, როგორმე, 2 აგვისტომდე დასრულდეს, რადგან შემდეგ უკვე ევროთასების შესარჩევი მატჩები იწყება და შესაბამისად, გუნდებმა მისთვის მზადება უნდა დაიწყონ. იგივეს აპირებენ ინგლისშიც, თუმცა ინგლისში ყოველდღიურად მატჩებს არ გამართავენ, რადგან ეს ტელევიზიებს არ აწყობთ. უმაყურებლოდ ჩატარებული შეხვედრების ერთადერთი ნათელი წერტილი, სწორედ ტელევიზიებიდან შემოსული ფულია და საფეხბურთო ასოციაცია ტელევიზიების სურვილს აუცილებლად გაითვალისწინებს.

ბათო ჯაფარიძე

]]>
versiaprinti@yahoo.com (super admin) საზოგადოება Wed, 03 Jun 2020 12:35:19 +0400
ამოცანა, რომელსაც ამოხსნა არ აქვს _ რატომ აჭიანურებს ხელისუფლება საზოგადოებრივი ტრანსპორტის ამუშავებას http://versia.ge/2013-07-31-11-23-15/item/6785-ამოცანა,-რომელსაც-ამოხსნა-არ-აქვს-_-რატომ-აჭიანურებს-ხელისუფლება-საზოგადოებრივი-ტრანსპორტის-ამუშავებას.html http://versia.ge/2013-07-31-11-23-15/item/6785-ამოცანა,-რომელსაც-ამოხსნა-არ-აქვს-_-რატომ-აჭიანურებს-ხელისუფლება-საზოგადოებრივი-ტრანსპორტის-ამუშავებას.html

დავით მესხიშვილი: „ეს საბჭოთა მიდგომაა!“

 

მართალია, 22 მაისიდან საგანგებო მდგომარეობა და კომენდანტის საათი გაუქმდა, მაგრამ მუნიციპალური ტრანსპორტი _ ავტობუსები და მეტრო ისევ გაჩერებულია. ფაქტია, რომ კორონავირუსის პანდემიის გამო დაპაუზებული ცხოვრება ნელ-ნელა, თანდათანობით სტარტს იღებს, თუმცა ვიდრე ჩვეულ რიტმს დაუბრუნდება, ჯერ კიდევ დიდი გზის გავლა მოგვიწევს. ისიც აშკარაა, რომ მოსახლეობის არცთუ სახარბიელო სოციალურ-ეკონომიკური მდგომარეობა კიდევ უფრო დამძიმდება, პანდემიის შემდეგ კი, საკმაოდ მძიმე ეკონომიკური კრიზისი, თანაც მსოფლიოს მასშტაბით, გარდაუვალია. სლოგანმა _ ,,დარჩი სახლში’‘ თავისი ფუნქცია ამოწურა, ამიტომ ამ ეტაპზე აქტუალურია სლოგანი _ ,,ვისწავლოთ თანაცხოვრება კორონავირუსთან ერთად’‘. 

მართალია, კაფე-ბარები და რესტორნები არ გახსნილა, მაგრამ ვინაიდან პანდემიის რისკმა მეტ-ნაკლებად ჩაიარა, გაუგებარია, რატომ არ აღდგა მუნიციპალური ტრანსპორტი, მით უმეტეს, ახლა, როცა მსოფლიო ჯანდაცვის რეკომენდაციების გათვალისწინებით, სწორედ ავტობუსებითა და მეტროთი უსაფრთხო მგზავრობის მცირე გამოცდილება კორონავირუსის პირობებშივე გამოგვიმუშავდა _ ვიდრე ქვეყანაში საგანგებო რეჟიმი და კომენდანტის საათი გამოცხადდებოდა, საქართველოს მთავრობის გადაწყვეტილებით, საჰაერო და საქალაქთაშორისო მიმოსვლა შეწყდა, მიკროავტობუსებით მგზავრობა აიკრძალა, მოქალაქეები კი მხოლოდ მუნიციპალური ტრანსპორტით გადაადგილდებოდნენ. ამ თემაზე ,,ვერსიას’‘ საქართველოს ტრანსპორტისა და გზების ასოციაციის ხელმძღვანელი დავით მესხიშვილი ესაუბრება.

_ ბატონო დათო, რა ზიანი მიადგა მუნიციპალურ ტრანსპორტს _ მეტროს, ავტობუსებს კორონავირუსისგან გამოწვეული პანდემიის დროს? 

_ საზოგადოებრივი ტრანსპორტი კი არ არის გაჩერებული, არამედ, ტრანსპორტის არარსებობამ ქვეყანა გააჩერა! ამიტომ, ზიანი გაცილებით მეტია, ვიდრე ავტობუსიდან, ან მეტროდან ბიუჯეტში შესული თანხა. ზიანია გაჩერებული ეკონომიკა, რადგან თუ საზოგადოებრივი ტრანსპორტი არ მუშაობს, მცირე და საშუალო ბიზნესის სხვადასხვა ობიექტი ვერ იმუშავებს. ზიანი, დაახლოებით, რამდენიმე ათეული მილიონი ლარია, შესაძლოა, უფრო მეტიც. თუ საზოგადოებრივი ტრანსპორტი არ მუშაობს, მაგალითად, მარკეტის პერსონალი, პატარა მაღაზიის გამყიდველი, თუ თონეში დასაქმებული მცხობელი, რომლის ხელფასი 500-600 ლარია, სამუშაო ადგილზე ტაქსით ვერ წავა, შესაბამისად, ასეთი ობიექტები ვერ გაიხსნება. 

სხვათა შორის, ამ ვირუსის პირობებში, საზოგადოებრივი ტრანსპორტი მსოფლიოს არცერთ ქვეყანაში არ გაჩერებულა. ეს იმიტომ, რომ მსოფლიოს მასშტაბით, ყველა მნიშვნელოვანი ქალაქებისთვის ეს სოციალურ პროექტად ითვლება. უფრო ზუსტად, უამრავი ადამიანია, ვისაც არც ავტომობილი აქვს და არც _ ტაქსის ფული. გარდა ამისა, ისეთი ადამიანებიც კი, რომლებსაც ფინანსურად არ უჭირთ, ხშირად საზოგადოებრივი ტრანსპორტით მგზავრობენ. 

საქართველოში ასეულობით ათასი ადამიანია, რომელიც სოციალურად დაუცველია და სიღარიბის ზღვარს მიღმა იმყოფება. მათი გადაადგილების ერთადერთი საშუალება კი საზოგადოებრივი ტრანსპორტია, რათა საავადმყოფოში, აფთიაქში, ან მარკეტში წავიდნენ. იმის გამო, რომ საზოგადოებრივი ტრანსპორტი არ მუშაობს, ამ ხალხს რამდენიმე კილომეტრის ფეხით გავლა და ტვირთის ზიდვა უწევთ. ესაა არაადამიანური და არაჰუმანური აქტი! ესაა მიზეზი, რის გამოც მსოფლიოს არცერთ ქვეყანაში საზოგადოებრივი ტრანსპორტის მოძრაობა არ აუკრძალავთ. 

დაუშვებელია ის, რასაც დღეს, ჩვენს ქალაქში ვხედავთ: ადამიანები, რომლებიც ფინანსურად მეტ-ნაკლებად შეძლებულები არიან, საწვავის ფულიც აქვთ და ავტომობილიც, რეალურად მხოლოდ ისინი გადაადგილდებიან, შეჭირვებულ მოსახლეობას კი გადაადგილება აკრძალული აქვს. უხერხული და დისკრიმინაციულია, როდესაც თანამდებობის პირები, მათ შორის, ჯანდაცვის სფეროდან ამბობენ, ჩვენ რომ საზოგადოებრივი ტრანსპორტის მოძრაობა დავუშვათ, მობილობა გაიზრდებაო, მაგრამ თვითონ რომ ავტომობილებით გადადგილდებიან, ეს მობილობა არ არის და არ იზრდება?! 

ხშირად ვაწყდები სოციალურ ქსელში კამათს თემაზე _ არ იცით, ქართველების ამბავი, საზოგადოებრივი ტრანსპორტი რომ ამუშავდეს, გაჭედავენ ავტობუსებსა და მეტროს ვაგონებსო. არადა, ევროკავშირის სხვადასხვა ქვეყანაში მიმდინარე პროცესს ვაკვირდები, ისეთ ქვეყნებს ვგულისხმობ, რომლებიც წესრიგის დაცვის ნაწილში, სანიმუშოებად ითვლებიან და თამამად შემიძლია გითხრათ, რომ ქართველები ერთ-ერთი ყველაზე კანონმორჩილი ხალხია! ქართველ ხალხს, პრაქტიკულად, ყველამ უნდა გადაუხადოს მადლობა, რადგან კომენდანტის საათიც კი, რაც რაციონალურადაც არ აუხსნიათ, რატომ შემოიღეს, ან რატომ უნდა შევსულიყავით სახლში, მაინც და მაინც 9:00 საათზე, უპრობლემოდ დაიცვა. 

ორმა-სამმა ადამიანმა თუ წესები დაარღვია, ბოდიშს გიხდით, მაგრამ ორი-სამი კაცი წესებს ყველგან არღვევს. ყველა წესი, რომელიც გამოქვეყნდა, ხალხმა დაიცვა, რეკომენდაციებიც შეასრულა, მაგრამ ისევ თანამდებობის პირებმა დაარღვიეს ,,ნარუშილოვკებით’‘. ვინ დადიოდა ქალაქში, ან რა უფლებით, ვინ ვის ურიგებდა საშვებს, ამ მხრივ, სრული განუკითხაობა იყო, თუმცა მასშტაბურად თუ შევხედავთ, კანონმორჩილი ადამიანი გაცილებით მეტია ამ ქვეყანაში და წესებიც პატიოსნად დაიცვეს. ამიტომ ნებისმიერი მესიჯი, რაც სამთავრობო სტრუქტურებიდან მოდის, ასე, მაგალითად, საზოგადოებრივ ტრანსპორტს არ დავუშვებთ, რადგან ხალხი ცუდად მოიქცევაო, პირდაპირ გეუბნებით, საბჭოთა მიდგომაა! საზოგადოებრივი ტრანსპორტის აღდგენას მართვა სჭირდება, ახალი წესების დაცვას _ კონტროლი და კარგი მენეჯმენტი, ეს არ შეუძლიათ და ყველაფერს ხალხს აბრალებენ, ცუდად მოიქცევითო. 

_ თუ სლოგანი ,,დარჩი სახლში’‘ ,,ვისწავლოთ თანაცხოვრება კორონავირუსთან ერთად’‘ უნდა შეიცვალოს და კიდევ კარგად ხანს მოგვიწევს პირბადეებით გადაადგილება, რატომ არ შეიძლება მეტროსა და ავტობუსებშიც ამ რეკომენდაციების დაცვით ვიმოძრაოთ? 

_ ანუ, გაინტერესებთ, როგორ შეიძლება აღდგეს მუნიციპალური ტრანსპორტი, ხომ? პირველ რიგში, შესაძლოა, ამ ეტაპზე, საქალაქთაშორისო მიმოსვლა ავტობუსებით კი არა, მიკროავტობუსებით აღვადგინოთ. ზოგადად, საქალაქთაშორისო ხაზებზე, მგზავრების მიკროავტობუსებით გადაადგილებას არ მივესალმები, მაგრამ ახლა ასე მოვიქცეთ, რადგან ავტობუსები გამოვათავისუფლოთ და მუნიციპალიტეტებს დავუმატოთ. თუ დღეს დედაქალაქში 550 ავტობუსი გვყავს, თბილისის მერიას თავისუფლად შეუძლია, რომ კერძო კომპანიებს დაელაპარაკოს და 550 ავტობუსი, პირობითად, 1 500-მდე გაზარდოს. ეს იმიტომ გვჭირდება, რომ ავტობუსებში მგზავრთა სიმჭიდროვე არ იყოს და ხალხმა თავისუფლად მგზავრობა შეძლოს. 

საერთაშორისო რეკომენდაციის მიხედვით, საზოგადოებრივი ტრანსპორტი 50%-ით უნდა დაიტვირთოს, ამის მიღწევას მხოლოდ იმ შემთხვევაში შევძლებთ, თუ ავტობუსების რაოდენობას გავზრდით. ამ მიზნით, შეგვიძლია საქალაქთაშორისო და ტურისტულ ორგანიზაციებზე რეგისტრირებული ავტობუსები გამოვიყენოთ. ეს იდეა მათაც მოეწონებათ, რადგან ახლა გაჩერებულები არიან და შესაბამისად, არც შემოსავალი აქვთ. ცხადია, ამას გარკვეული თანხა დასჭირდება, რაც მუნიციპალიტეტებმა უნდა გამოყონ. მერწმუნეთ, მათ ეს თანხა ნამდვილად აქვთ, უბრალოდ, ატრაქციონებსა და არასაჭირო მიზნებში ხარჯავენ. არადა, ახლა მთავარია, მუნიციპალური ტრანსპორტის მოძრაობა აღდგეს, გაჩერებული ობიექტები გაიხსნას და დასაქმებულები სამსახურებში მივიდნენ. 

სხვათა შორის, ავტობუსების რაოდენობაც საკმარისია, რადგან 23 000 ავტობუსია რეგისტრირებული, აქედან დედაქალაქმა 2 000-იც რომ დაიმატოს, პრობლემა გადაიჭრება. ავტობუსებისა და მიკროავტობუსების ოდენობა, ჯამში, 53 000-ია. ახლა გამოვთვალოთ, რა ზიანს იწვევს მუნიციპალური ტრანსპორტის გაჩერება: თითო ტრანსპორტზე, მინიმუმ, ერთი მძღოლი უნდა ვიგულისხმოთ, თუმცა ისიც უნდა გავითვალისწინოთ, რომ მძღოლები ცვლებში მუშაობენ. ამიტომ მხოლოდ მძღოლთა რაოდენობა კი არ უნდა დავთვალოთ, მათ ტრანსპორტის სფეროში დასაქმებული უამრავი ადამიანიც უნდა მივათვალოთ, მათ შორის, დამლაგებლები, ექიმები, ბუღალტრები. ამ აკრძალვის გამო, გარდა იმისა, რომ ეკონომიკური ობიექტები მასშტაბურად ვერ იხსნება, რაც უმუშევრობას იწვევს, მხოლოდ ტრანსპორტის სექტორში, 100 000-ზე მეტი უმუშევარი ადამიანი გვყავს, თავისი საბანკო სესხებითა და კრედიტებით. 

ასევე, მნიშვნელოვანია უკვე შემუშავებული რეკომენდაციების მკაცრად დაცვა. კერძოდ, ავტოსადგურებსა და მეტროსადგურებშიც ისეთივე მონიშვნები უნდა გაკეთდეს, როგორც მაღაზიებში, მარკეტებსა და აფთიაქებშია; სატრანსპორტო საშუალებებში კონდიცირების სისტემის ჩართვა არ შეიძლება, ამიტომ მგზავრობის დროს, ფანჯრები აუცილებლად ღია უნდა იყოს; მძღოლი სპეციალური მოწყობილობით უნდა იყოს იზოლირებული ანუ მძღოლის კაბინა უნდა გაკეთდეს და არა მარტო ავტობუსებში, ტაქსებსა და მიკროავტობუსებშიც; მგზავრები აუცილებლად პირბადეებით უნდა იყვნენ აღჭურვილნი; ხელების დამუშავების საშუალება უნდა იყოს სპირტის შემცველი სითხით. 

რაც მთავარია, მსოფლიოში გაჩნდა ახალი პროფესია _ მგზავრის დამხმარე პერსონალი. ესენი არიან ადამიანები, რომლებიც ავტოსადგურებსა და მეტროსადგურებში, ავტობუსებსა და მეტროს ვაგონებში მოძრაობენ, რათა მონიტორინგი განახორციელონ. ისინი მგზავრებს კონსულტაციას უწევენ, თუ როგორ იმგზავრონ უსაფრთხოდ, როგორ შეასრულონ რეკომენდაციები, რათა არ დაჯარიმდნენ. ეს ადამიანები ამოწმებენ, დგანან თუ არა გაჩერებებზე ადამიანები სპეციალურად მონიშნულ ადგილებზე. გარდა ამისა, თუ ვინმეს დაავიწყდა პირბადის გაკეთება, ახსენებენ, რომ გაიკეთოს. თუ ვინმე დაბნეულია და არ იცის, როგორ მოიქცეს, უხსნიან და შესაბამის ინსტრუქციას აძლევენ. 

ეს ახალი პროფესია კორონავირუსმა შექმნა, რომელიც საბერძნეთსა და ევროპის სხვა ქალაქებში უკვე დამკვიდრდა. ვინ უნდა დავასაქმოთ ამ ახალ პოზიციაზე? ისინი თავისუფლად შეიძლება იყვნენ უკვე მოქმედი კონტროლიორები, რომლებსაც გადავამზადებთ, რადგან აქამდე, მხოლოდ დაჯარიმებაზე იყვნენ ორიენტირებულნი. 

_ ჩვენი საუბრიდან გამომდინარე, მრჩება შთაბეჭდილება, რომ ეკონომიკური ობიექტების ნაწილობრივ აღდგენა ბლეფია... 

_ ეკონომიკის ის ნაწილი ,,აღდგა’‘, რომელიც ისედაც მუშაობდა და არ გაჩერებულა. ვგულისხმობ მსხვილ მარკეტებსა და ქსელურ კომპანიებს. როდესაც ვამბობ, რომ ტრანსპორტის გაჩერებით ეკონომიკაა გაჩერებული, ვგულისხმობ პატარა, მცირე ობიექტებს. დავუშვათ, ადამიანი ცხოვრობს საბურთალოზე, მაგრამ სანზონაში მუშაობს საცხობში, ან მარკეტში. ეს ადამიანი სამსახურში ტაქსით ვერ ივლის, იმ ობიექტის ხელმძღვანელი კი ორი-სამი თანამშრომლის გამო, მიკროავტობუსს, ან ავტობუსს ვერ დაიქირავებს. შესაბამისად, გამოდის, რომ ეს ობიექტი ვერ გაიხსნება! რეალურად, ამ ქვეყანაში თუ ვინმე ლუკმა-პურს შოულობს, ძირითადად, მცირე ბიზნესსა და ინდსაწარმოებში დასაქმებულები არიან _ ვგულისხმობ თონეს, პატარა მარკეტს, სახელოსნოს. საზოგადოებრივი ტრანსპორტის აღდგენის გარეშე, ეს ობიექტები ვერ და არ იარსებებენ. დარჩება მსხვილი ობიექტები, რომელთა ხელმძღვანელებსაც თავისუფლად შეუძლიათ, რომ მათი თანამშრომლებისთვის მიკროავტობუსი, ან ავტობუსი იქირაონ. 

_ გამოდის, ღამის ეკონომიკის მენეჯერ სერგი გვარჯალაძეს, თბილისის ბიუჯეტიდან არაფრის გამო, ტყუილად ვუხდით ხელფასს? 

_ ძალიან სასაცილო თემაა, რაც თავიდანვე სასაცილო იყო, მაგრამ ახლა განსაკუთრებით. ღამის ეკონომიკის მენეჯერს პიროვნულად არ ვეხები, მაგრამ მისი დანიშნულება მაშინაც ვერ გავიგე, როდესაც კორონავირუსის პანდემიამდე, ღამ-ღამობით კაფე-ბარებსა და რესტორნებში დავდიოდი, რადგან მის გარეშეც კარგად ვატარებდი დროს. მეორე მხრივ, თბილისის მერიაში ბევრი ისეთი ადამიანია დასაქმებული, რომელიც იქ საერთოდ არ უნდა მუშაობდეს. 

თბილისის მერიამ ბევრი ფუნქცია ,,აუთსორსზე’‘ (ნებისმიერ სექტორში, მათ შორის, კერძოსა და საჯაროში არსებული ნებისმიერი სამუშაოს, ან ფუნქციის გადაცემა სხვა კომპანიაზე მთლიანად, ან ნაწილობრივ, _ ავტ.) უნდა გაიტანოს, მაგრამ პირიქით იქცევა. მაგალითად, საგზაო მონიშვნებსაც თვითონ აკეთებს, ცნობებსა და ნებართვებსაც თვითონ გასცემს; ერთი ხელით დასკვნას აკეთებს, რომ ამა და ამ ადგილზე მშენებლობა შეიძლება და შემდეგ, თავისივე დასკვნაზე, მშენებლობის ნებართვასაც გასცემს, რაც ეს სისტემური პრობლემაა.

მაია მიშელაძე

 

]]>
versiaprinti@yahoo.com (super admin) საზოგადოება Wed, 27 May 2020 10:22:24 +0400
ბასილაშვილის სკანდალმა ვაისას კონტრაქტი დაჩრდილა http://versia.ge/2013-07-31-11-23-15/item/6779-ბასილაშვილის-სკანდალმა-ვაისას-კონტრაქტი-დაჩრდილა.html http://versia.ge/2013-07-31-11-23-15/item/6779-ბასილაშვილის-სკანდალმა-ვაისას-კონტრაქტი-დაჩრდილა.html

როდის განახლდება საქართველოს საფეხბურთო ჩემპიონატი

წესითა და რიგით, გასულ კვირას, ქართულ სპორტში მთავარი მოვლენა ვლადიმერ ვაისსა და საქართველოს ფეხბურთის ფედერაციას შორის გაფორმებული ახალი კონტრაქტი უნდა ყოფილიყო, რომლითაც დადასტურდა, რომ სლოვაკი სპეციალისტი, საქართველოს ეროვნულ ნაკრებს ევროპის ერთა ლიგის პლეი-ოფში ათამაშებს და მნიშვნელობა არ აქვს, ეს მატჩი, რომელიც 26 მარტს უნდა გამართულიყო, მიმდინარე წლის სექტემბერში შედგება, თუ ოქტომბერში _ გუნდს მაინც ვაისი უხელმძღვანელებს. ეს ცუდი არ არის, რადგან სწორედ ვაისამ გაიყვანა ნაკრები პლეი-ოფში და დაწყებული საქმეც ბოლომდე, სწორედ მან უნდა მიიყვანოს. კონატრაქტი მიმდინარე წლის ბოლომდეა და თუ კოვიდვირუსის გამო, მატჩი მომავალი წლის გაზაფხულისთვის გადაიწევს, ხელშეკრულება გაგრძელდება.

ეს ამბავი მთავარი თემად, ყველაზე წარმატებული ქართველი ჩოგბურთელის, ნიკა ბასილაშვილის გამო ვერ იქცა. მსოფლიო რეიტინგის 27-ე ნომერი, სამართალდამცავებმა, ყოფილ მეუღლეზე ძალადობის ბრალდებით დააკავეს და სასამართლომ 100-ათასიანი გირაოს გადახდის შემდეგ გაუშვა. რა თქმა უნდა, არ ვაპირებთ მტყუან-მართლის გარჩევას, მით უმეტეს, რომ თავად ჩოგბურთელმაც აღნიშნა, ჩემს სიმართლეს სასამართლოში დავამტკიცებო და ეს საქმე, სწორედ თემიდას მივანდოთ. 

მეორე მხრივ, ბასილაშვილის კარიერაზე აღნიშნული ინციდენტი კარგად რომ არ აისახება, ფაქტია. მომხდარზე, თავად ჩოგბურთელიც წუხს, მან ოფიციალური განცხადებაც გაავრცელა და მედიასთან ტაიმ-აუტი აიღო. 

„ვწუხვარ და ბოდიშს ვუხდი საზოგადოებას, ჩემი ოჯახის ირგვლივ განვითარებული მოვლენების გამო. ვგრძნობ თქვენს ყოველწამიერ მხარდაჭერას და სიყვარულს, რისთვისაც უსაზღვროდ მადლიერი ვარ. რაც შეეხება, 22 მაისს განვითარებულ მოვლენებს, ვიმედოვნებ, ყველა დეტალი გაირკვევა, ახლა უკვე სასამართლოში და დადგება სამართლიანი განაჩენი, მანამდე კი, არ მსურს ვისაუბრო ჩემს პირად სივრცეზე. არ ვაპირებ საჯარო დისკუსიაში შევიდე ჩემს ყოფილ მეუღლესთან და ვამტკიცო ის, რაც ნამდვილად არ ყოფილა. ის ჩემი ერთადერთი ვაჟიშვილის, ლუკასის დედაა და ასე დარჩება ცხოვრების ბოლომდე. ჩემი მიზანია, ცხოვრების ამ რთულ ეტაპზე დავიცვა ჩემი სიმართლე ისე, რომ არ დაზიანდეს ლუკასის ინტერესები. სწორედ ჩემ შვილთან განსაკუთრებული დამოკიდებულება ვალდებულს მხდის, არ ვუპასუხო უსაფუძვლო ბრალდებებს, თუმცა მჯერა, რომ სიმართლეს სასამართლოში, ჩემი იურისტების დახმარებით, აუცილებლად დავამტკიცებ“, _ ნათქვამია განცხადებაში. 

* * * 

გერმანიის ბუნდესლიგაში ორი ტური გათამაშდა და ბელორუსის შემდეგ, სწორედ გერმანიაა ის ქვეყანა, რომელმაც საფეხბურთო ჩემპიონატი განაახლა. რიგში ინგლისი და ესპანეთი დგას, თუმცა ჩვენ, ქართული კლუბების ბედი უფრო გვაინტერესებს. როგორც ამბობენ, ფეხბურთის ფედერაცია კლუბებს ვარჯიშის უფლებას ივნისიდან მისცემს, ჩემპიონატი კი, დიდი ალბათობით, ივნისის ბოლოს, ან ივლისის პირველ რიცხვებში განახლდება. 

ქართული კლუბებისთვის სათამაშო პრაქტიკა აუცილებელია, რადგან კარს ევროთასების საკვალიფიკაციო ეტაპი მოგვადგა და იმის გათვალისწინებით, რომ ამ ტურნირებზე ისედაც არ ვბრწყინავთ, უთამაშებელი გუნდები საერთოდ თავს შეირცხვენენ. 

* * * 

რადგან საქართველოს ჩემპიონატი ვახსენეთ, ისიც ვთქ¬ვათ, რომ ბათუმის „დინამო“ მოლაპარაკებებს ჯანო ანანიძესთან აწარმოებს. ჯანო ის ფეხბურთელია, რომელსაც სტადიონზე გულშემატკივრის მიყვანა შეუძლია და ასეთი დონის მოთამაშე, ჩვენი პირველობისთვის, უდავოდ კარგი შენაძენი იქნება. 

ჯანოს „ანორთოსისთან“ მოქმედი კონტრაქტი უმთავრდება და თავისუფალი აგენტი ხდება, რაც იმას ნიშნავს, რომ აჭარლებს მისი აყვანა უფასოდ შეეძლებათ. მით უმეტეს, ჯანოც აჭარელია და მშობლიურ მხარეში თამაში, მისთვის ერთი-ორად საპასუხისმგებლო და სასურველი უნდა იყოს, თანაც „დინამო“ ევროთასების საკვალიფიკაციო ეტაპისთვის ემზადება და ანანიძისდარი ფეხბურთელი, სწორედ ახლა სჭირდება. 

* * * 

შესაძლოა, ვინმემ სპორტთან ვერ დააკავშიროს, მაგრამ ჩეჩნეთის ლიდერი, რამზან კადიროვი ის კაცია, ვინც ჩეჩნეთში, ყველა სპორტულ სახობას აკონტროლებს. უფრო მეტიც, ის რამდენიმე სპორტსმენის არაოფიციალური პრომოუტერიცაა და გვარიან თანხებსაც იჯიბავს. საჭიდაო, საფეხბურთო, თუ წესების გარეშე მებრძოლთა კლუბებს ჩეჩნეთში, ძირითადად, „ახმატი“ ჰქვიათ და ყველამ იცის, რომ ეს ბრენდი, კადიროვის საკუთრებაა. ჰოდა, ჩეჩნეთის ლიდერი კორონავირუსით დაინფიცირდა, თან იმდენად მძიმედ, რომ ჩარტერული რეისით, მოსკოვში გადააფრინეს და იქ მკურნალობენ. 

როგორც გაირკვა, ერთი კვირის განმავლობაში, კადიროვი შინაური წამლებით მკურნალობდა და ექიმებს მხოლოდ მას შემდეგ მიმართეს, რაც გონება დაკარგა. კადიროვის მდგომარეობას კრიტიკულად აფასებენ და ვინ იცის... 

* * * 

უცნაური კვლევა ჩაატარა ბრიტანულმა კომპანია Eდგე Hეალტჰ-მა. კვლევით დადგინდა, თუ რამდენი სასიკვდილო შემთხვევა დაფიქსირდა „ენფილდზე“, „ლივეპრულისა“ და „ატლეტიკოს“ შორის გამართულ ჩემპიონთა ლიგის მერვედფინალურ შეხვედრაში. საქმე ეხება „ჩOVID-19“-ით ინფიცირებულთა რაოდენობას და შემდეგ, მათ გარდაცვალებას. კომპანიის ცნობით, დიდი ბრიტანეთის ჯანმრთელობის დაცვის ეროვნული სამსახურის ოფიციალური მონაცემებით ხელმძღვანელობდნენ, რომლის თანახმადაც, აღნიშნულმა მატჩმა 41 სასიკვდილო შემთხვევა გამოიწვია. 

მერვედფინალურ შეხვედრას „ენფილდზე“, 52 ათასი გულშემატკივარი დაესწრო, რომელთაგან 3 ათასი ესპანელი იყო. 

* * * 

გასულ კვირას, ონლაინ-აუქციონი გაიმართა და სხვადასხვა ლოტებს შორის, მსოფლიოს 2018 წლის ჩემპინატის გამარჯვებული საფრანგეთის ნაკრების ერთ-ერთმა ფეხბურთელმა, გასაყიდად ოქროს მედალი გამოიტანა. იმის გათვალისწინებით, რომ თავად ფეხბურთელმა არ ისურვა ვინაობის გამხელა, აუქციონის ორგანიზატორები გამყიდველის ვინაობას არ ახმაურებენ. 

მედლის ყიდვის სურვილი ათ კაცს ჰქონდა და მათ უთხრეს, ვინ გაიმეტა ჯილდო გასასხვისებლად, რადგან პოტენციურ მყიდველს აუცილებლად უნდა სცოდნოდა, ვის მედალს ყიდულობდა. საბოლოო ჯამში, მედალი ბრიტანეთის მოქალაქემ შეიძინა და მის სანაცვლოდ, 71 875 დოლარი გადაიხადა. სპეციალისტები ვერ ხვდებიან, ვის შეიძლებოდა გაემეტებინა სანუკვარი ჯილდო მაშინ, როცა საფრანგეთის ნაკრების იმ შემადგენლობიდან, რომელმაც 2018 წლის მუნდიალი მოიგო, უკლებლივ ყველას, მინიმუმ, წლიური 2 მილიონი დოლარი აქვს ხელფასად და 70 ათასზე ოდნავ მეტ თანხას, წესით, არ უნდა დახარბებულიყო. 

* * * 

და ერთიც: შოთა არველაძემ რუსულ გამოცემას ვრცელი ინტერვიუ მისცა და დეტალურად ახსნა, რატომ არ ისურვა თავის დროზე, რუსეთის ეროვნულ ნაკრებში მუშაობა. 

„რუსეთის ნაკრებში მუშაობის შემოთავაზება 2010 წელს მქონდა და არ დავთანხმდი. არც ახლა დავთანხმდებოდი და რუსეთის ნაკრებში მანამ არ ვიმუშავებ, სანამ ჩვენს ტერიტორიებს არ დაგვიბრუნებენ. 2008 წელს, ჩემი ოჯახი თბილისში იყო, შვილები _ ბათუმში. მახსოვს, როგორ გვეშინოდა ყველას, ამის დავიწყება რთულია. ერთია კლუბში მუშაობა, ეროვნულ ნაკრებში მწვრთნელად ყოფნა კი სხვაა. არ მინდა, პოლიტიკა გავრიო იმ გრძნობებში, რაც თქვენი კულტურისა და ქვეყნის მიმართ მაქვს, თუმცა ეს ყოველთვის გვიშლის ხელს სწორი გადაწყვეტილების მიღებაში“, _ აღნიშნა შოთამ.

ბათო ჯაფარიძე

]]>
versiaprinti@yahoo.com (super admin) საზოგადოება Wed, 27 May 2020 10:21:47 +0400
თემურ ქეცბაია: „გაგვძარცვეს!“ http://versia.ge/2013-07-31-11-23-15/item/6769-თემურ-ქეცბაია-„გაგვძარცვეს-“.html http://versia.ge/2013-07-31-11-23-15/item/6769-თემურ-ქეცბაია-„გაგვძარცვეს-“.html

85 ათას დოლარად შეფასებული პაემანი ჩოგბურთის ვარსკვლავთან _ როგორ ემზადება მსოფლიო სპორტი პოსტპანდემიური ეპოქისთვის

არის, ასრულდა ოცნება _ გასულ უქმეებზე, მსოფლიოს ფეხბურთი დაუბრუნდა. ჩემპიონატი გერმანიაში განახლდა და ბუნდესლიგის 26-ე ტურის მატჩებიც გათამაშდა. შეხვედრებმა, რაღა თქმა უნდა, ცარიელი ტრიბუნების თანხლებით ჩაიარა და გოლის გატანის შემდეგ, ფეხბურთელები ერთმანეთს არ ეკარებოდნენ, მხოლოდ ხელის აწევით ულოცავდნენ ანუ შეიძლება ითქვას, რომ ისინი დისტანციას იცავდნენ, მაგრამ ორთაბრძოლების დროს, ფეხბურთელები ერთმანეთს ეხებიან და რამდენად უხიფათოა ეს, წესით, ორ კვირაში გამოჩნდება. ისე, ერთი საინტერესო ფაქტიც _ „ბაიერნის“ ფეხბურთელმა, ტომას მიულერმა მოედნიდან გასვლის დროს, თავისი გუნდის მწვრთნელს, ჰანს დიტერ ფლინკს პანღური უთავაზა, აქაოდა, ხელის ჩამორთმევა არ შეიძლებაო. მწვრთნელმა და ფეხბურთელმა ამაზე ბევრი იცინეს, გერმანიის საფეხბურთო კავშირის სადისციპლინო კომიტეტმა კი მომხდარზე იმსჯელა და იმის გათვალისწინებით, რომ მწვრთნელი არ ჩიოდა, მიულერს არაფერი უთხრა, თორემ ჩივილის შემთხვევაში, დისკვალიფიკაცია არ ასცდებოდა.

 

ორ კვირაში, ჩემპიონატების განახლებას ინგლისი, იტალია და ესპანეთიც აპირებენ. აი, კვიპროსის ჩემპიონატი კი დასრულებულად გამოცხადდა და პირველი ადგილიც „ომონიას“ მიაკუთვნეს. ეს მაშინ, როცა „ომონია“, მეორეადგილოსან „ანორთოსის“ მხოლოდ ბურთებით სჯობნიდა, ქულების მარაგში კი ორივეს 46 ეწერა. „ანორთოსისი“ ჩივილს აპირებს და სასამართლოს მოგების იმედიც აქვს. 

„ისეთი შეგრძნება მაქვს, რომ თითქოს გაგვძარცვეს. ჩვენ ჩემპიონობისთვის ბრძოლას ვაპირებდით, მაგრამ სხვაგვარად გადაწყვიტეს“, _ განაცხადა „ანორთოსისის“ ქართველმა თავკაცმა, თემურ ქეცბაიამ, რომლის გუნდი ოქროს მედლების მოპოვების რეალური კანდიდატი იყო, თუმცა... 

„ანორთოსისში“ მთავარი მწვრთნელისა და მისი თანაშემწის (სოსო ჭედია) გარდა, ხუთი ქართველი თამაშობს. დიდი ალბათობით, გიორგი ლორია, ბუბა დაუშვილი და ნიკა კაჭარავა კარიერას კვლავ ფამაგუსტელთა რიგებში გააგრძელებენ, ჯანო ანანიძესა და თორნიკე ოქრიაშვილს კი წასვლა და უკეთეს კლუბებში თამაში სურთ. 

* * * 

მოსკოვის „ლოკომოტივიდან“ ლეგენდარული კაცი, იური სიომინი გაუშვეს. სიომინი ის მწვრთნელია, ვინც სხვადასხვა დროს, საერთო ჯამში, 20 წელზე მეტხანს, რკინიგზელთა კლუბს თავკაცობდა, ქვეყნის ჩემპიონატი და თასი მოაგებინა და რაც მთავარია, მუდმივად იმეორებდა, წარმატების მიღწევა თუ გინდა, კლუბში მინიმუმ, ერთი ქართველი უნდა გყავდესო. სხვადასხვა დროს, ასე იყვნენ „ლოკოს“ ლიდერები ზაზა ჯანაშია, მიხეილ აშვეთია, მალხაზ ასათიანი და ბოლოს, საბა კვირკველია. ყველაზე მეტად, ახლა, სწორედ კვირკველიას ბედი გვადარდებს და ყველა თანხმდება, რომ სიომინის წასვლასთან ერთად, გუნდს ისიც დატოვებს. კარგი იქნება, თუ საბა კარიერის გასაგრძელებლად ევროპას აირჩევს, მით უმეტეს, რომ თავის დროზე, მისით არაერთი წამყვანი კლუბი იყო დაინტერესებული. მოსკოველებმა უკვე დაადასტურეს, რომ მზად არიან, საბას 4 მილიონი ევროს სანაცვლოდ შეელიონ. მის მსურველ გუნდს აუცილებლად მოუწევს იმის გათვალისწინებაც, რომ ქართველი ფეხბურთელის წლიური ხელფასი 1.8 მილიონი ევროა. 

* * * 

მოგეხსენებათ, 2020 წლის ოლიმპიადამ 2021 წლისთვის გადაიწია და ასევე, გადაიწია სალიცენზიო ტურნირებმაც. ისინი სტარტს, დიდი ალბათობით, სექტემბერში აიღებენ, თუმცა მაყურებლების გარეშე და თუ ოლიმპიელებმა მზადება ახლა არ დაიწყეს, სალიცენზიო ქულების მოპოვება ძალიან გაუჭირდებათ. შესაბამისად, საქართველოს ოლიმპიური კომიტეტის ხელმძღვანელმა, ლერი ხაბელოვმა სპეციალური განცხადება გაავრცელა: 

„პირველ რიგში, ჩვენ მივმართეთ საოლიმპიადო პროცესში ჩართულ სპორტულ ფედერაციებს და როგორც მოსალოდნელი იყო, ერთმნიშვნელოვანი დასტური მივიღეთ: თითოეული ფედერაცია მიიჩნევს, რომ აუცილებელია საწვრთნელი პროცესის ორგანიზება, რაც შეიძლება მოკლე დროში. გარდა ამისა, მათ მოგვაწოდეს დეტალური ინფორმაცია, ჩვენს მიერ დასმული კითხვების პასუხად. მაგალითად, საწვრთნელი შეკრების სასურველი ადგილმდებარეობისა და ხანგრძლივობის, შეკრებაში მონაწილეთა რიცხოვნობისა და შემადგენლობის, სამედიცინო უზრუნველყოფის, აუცილებელი-ინვენტარ-აღჭურვილობის შესახებ და სხვა საკითხებზე. 

მოკლედ, ჩვენ ზუსტად ვიცით, რა გვჭირდება და რისთვის, რამდენი ადამიანი მოიყრის თავს შეკრებებზე, რა ბიუჯეტი დასჭირდება ამ საქმის ორგანიზებას, ვინ იქნებიან პასუხისმგებელი პირები და ა.შ. 

ჩვენი მომდევნო ნაბიჯი ის იყო, რომ ოფიციალური წერილით მივმართეთ საქართველოს მთავრობას, აგრეთვე, განათლების, მეცნიერების, კულტურისა და სპორტის სამინისტროს. ჩვენ ვითხოვთ, უწყებათაშორისი საკოორდინაციო საბჭოს სხდომაზე დაისვას და დადებითად გადაწყდეს საკითხი ქართველი ოლიმპიელებისთვის საწვრთნელი პროცესის განახლების შესახებ. ფაქტობრივად, ეს არის ოლიმპიური კომიტეტის, სპორტული ფედერაციების, მწვრთნელებისა და თავად სპორტსმენების ერთობლივი თხოვნა. 

როგორც მოგეხსენებათ, ობიექტური მიზეზების გამო, სპორტულმა ორგანიზაციებმა, მათ შორის, საქართველოს ეროვნულმა ოლიმპიურმა კომიტეტმა, შეაჩერეს აქტიური საქმიანობა და დღემდე მკაცრად იცავენ საგანგებო მდგომარეობის წესებს. ორ თვეზე მეტია, შეჩერებულია ოლიმპიური პროგრამები და სასწავლო-საწვრთნელი პროცესი, რამაც დიდად დააზიანა საოლიმპიადო სამზადისი, რადგანაც სპორტული ფორმისა და ბრძოლისუნარიანობის შესანარჩუნებლად, მნიშვნელოვანია თითოეული დღე. ამ დანაკლისის ანაზღაურება შეუძლებელი იქნება, თუ უახლოეს პერიოდში, არ მივიღებთ შესაბამის ზომებს. საუბარია შეზღუდულ კონტიგენტზე – დაახლოებით, 200 სპორტსმენზე, რომლებიც ტესტირების გავლის შემდეგ, განაწილდებიან რამდენიმე სპორტულ ბაზაზე და ქვეყანაში მოქმედი ყველა საგანგებო წესის ზედმიწევნით დაცვით, სპეციალურ სივრცეში განაახლებენ ვარჯიშს. განათლების, მეცნიერების, კულტურისა და სპორტის სამინისტროს მონაწილეობითა და ჩვენი ეპიდემიოლოგების აქტიური ჩართულობით, საგანგებოდ სპორტისთვის უკვე შემუშავებულია პროტოკოლის პროექტი, სადაც დეტალურად არის გაწერილი სპორტული აქტივობის რეგულაციები ეპიდემიის პირობებში. 

გარდა ამისა, საერთაშორისო ოლიმპიურმა კომიტეტმა, ასევე, მოგვაწოდა ჯანდაცვის მსოფლიო ორგანიზაციასთან ერთად შედგენილი რეკომენდაციები, რაც ერთგვარი სახელმძღვანელო დოკუმენტია ჩვენთვის. საგულისხმოა, რომ სწორედ საერთაშორისო ოლიმპიური კომიტეტის რჩევითა და ადგილობრივ ხელისუფალთა დასტურით, მსგავსი პრაქტიკა უკვე ფართოდ არის გავრცელებული მთელ მსოფლიოში, მათ შორის, ევროპის ქვეყნებში: საწვრთნელ პროცესში სხვადასხვა ფორმით უკვე ჩართულნი არიან ოლიმპიური ლიცენზიანტები და ის სპორტსმენები, რომლებსაც შემოდგომაზე, ან 2021 წლის დასაწყისში, მოუწევთ ტოკიოს ოლიმპიადის საგზურებისთვის ბრძოლა. ამ ბრძოლისთვის ჩვენც მზად უნდა ვიყოთ. დიდი იმედი გვაქვს, რომ ხელისუფლება გულისყურით შეისწავლის ამ პრობლემას და მიიღებს შესაბამის გადაწყვეტილებას“. 

ვერ გეტყვით, რა გადაწყვეტილებას მიიღებს ხელისუფლება, მაგრამ ეს პრობლემა ყველა ქვეყანაში დგას და ოლიმპიადის სტატუსის გათვალისწინებით, ყველგან ცდილობენ, რომ რაც შეიძლება მალე, სპორტსმენებს სავარჯიშო პირობები შეუქმნან. 

* * * 

16 მაისს, გამთენიისას, ფლორიდაში, UFC-ის ქართველმა მებრძოლმა, გიგა ჭიკაიძემ, რიგით მესამე ბრძოლა გამართა და მესამე გამარჯვება იზეიმა. პროფესიონალთა შორის შვიდი თვის გადასული გიგასთვის, ეს საუცხოო სტარტია და მისი გამარჯვება მსაჯებს ეჭვქვეშ არ დაუყენებიათ. სამრაუნდიან ბრძოლაში, მსაჯების ერთსულოვანი გადაწყვეტილებით _ 30:27, 30:27, 30:26, გამარჯვებულად ჭიკაიძე გამოცხადდა. 

შეხვედრის შემდეგ, გიგამ UFC-ს პრეზიდენტს, დანა უაითს მიმართა: 

„დანა, შენთან ერთი თხოვნა მაქვს: ვიმუშაოთ UFC-ის საქართველოში ჩატარებაზე. ჩემი მთავრობა ამისთვის მზადაა და UFC-ის პოპულარობა ჩემს ქვეყანაში, კიდევ უფრო გაიზრდება...“ 

 

* * * 

ხომ გახსოვთ, 53 წლის მაიკ ტაისონი რინგზე დაბრუნებას რომ აპირებს და ახლა პრომოუტერები, მისი მეტოქის შერჩევაში არიან, რათა რეკლამებიდან, რაც შეიძლება მეტი ფული მოხსნან. ჰოდა, ისე ჩანს, 53 წლის ასაკშიც კი, ტაისონმა, შესაძლოა, ბრძოლის სანაცვლოდ, რამდენიმე ათეული მილიონი მიიღოს. მის წინააღმდეგ საბრძოლველად მზაობა, 57 წლის ევანდერ ჰოლიფილდმა გამოთქვა. ჰოლიფილდი ის კაცია, ვინც ტაისონს საჩემპიონო ქამარი მოუგო, სანაცვლოდ კი მაიკმა, პირდაპირ რინგზე, მას ყური მოაჭამა. 

„თქვენ შოუ გინდათ და ეს იქნება ყველაზე მაგარი შოუ, რაც აქამდე გინახავთ“, _ განაცხადა ჰოლიფილდმა და არც ტყუის. 

* * * 

ცნობილმა ჩოგბურთელმა და მოდელმა, ეჟენი ბუშარმა საქველმოქმედო აქცია წამოიწყო. ინსტაგრამზე, ეჟენის ორ მილიონამდე გამომწერი ჰყავს და როგორც ჩოგბურთის მოყვარულებში, ისე ზოგადად, საკმაო პოპულარობით სარგებლობს. ჰოდა, აქციის ფარგლებში, ეჟენის სურს, მშიერი ბავშვები დააპუროს და ამისთვის, სადილზე გაჰყვება ნებისმიერს, ვინც 85 ათას დოლარს გადაიხდის. ეს ერთგვარი პაემანი იქნება ბუშართან, ოღონდ საღამოს, მას მეგობარი ბიჭი გამოუვლის და სახლში წაიყვანს, კავალერი კი, რომელიც 85 ათასს გადაიხდის, საუკეთესო შემთხვევაში, ხელს დაუქნევს. რამდენი ადამიანი გადაწყვეტს, ხელის ერთ დაქნევაში 85 ათასი დოლარის გასროლას, მალე გამოჩნდება.

ბათო ჯაფარიძე

]]>
versiaprinti@yahoo.com (super admin) საზოგადოება Wed, 20 May 2020 01:44:09 +0400
მასონების, ლიბერალებისა და გლობალისტების შეთქმულება მსოფლიოს წინააღმდეგ ანუ „მამალი ჭორები“ კორონაზე http://versia.ge/2013-07-31-11-23-15/item/6765-მასონების,-ლიბერალებისა-და-გლობალისტების-შეთქმულება-მსოფლიოს-წინააღმდეგ-ანუ-„მამალი-ჭორები“-კორონაზე.html http://versia.ge/2013-07-31-11-23-15/item/6765-მასონების,-ლიბერალებისა-და-გლობალისტების-შეთქმულება-მსოფლიოს-წინააღმდეგ-ანუ-„მამალი-ჭორები“-კორონაზე.html

მართლა საშიშია თუ არა 5G ინტერნეტი ჯანმრთელობისთვის, რა კავშირი აქვთ კორონაპანდემიასთან მასკსა და გეითსს და გვიპირებენ თუ არა „დაჩიპვას“

მართალია, ჯანმოს პანიკიორი კაცი და მისი სხვადასხვა ეროვნების კოლეგებიც საზოგადოებას ისევ ზაფრავენ, მაგრამ კარგად თუ დავაკვირდებით, რამდენიმე ქვეყანაში არსებული მძიმე ეპიდსიტუაციის მიუხედავად, ახალი კორონავირუსი უკან იხევს. ყოველ შემთხვევაში, მსოფლიოდან ამ მხრივ კარგი ცნობები მოდის, რაზეც ისიც მეტყველებს, რომ ქვეყნებმა მკაცრი „ლოკდაუნის“ გალაითება დაიწყეს. ყველაფერ ამასთან ერთად, საზოგადოების ნაწილს, მათ შორის, საქართველოშიც თანდათან უძლიერდება ეჭვი, რომ კორონა ჩვეულებრივი ინფექციისგან არაფრით განსხვავდება და ყველაფერი ის, რაც ბოლო ორ თვეში პლანეტამ გამოიარა, ჩვეულებრივი აფერა იყო და მეტი არაფერი. ამ თეორიას, ბუნებრივია, ბევრი ადამიანი არ იზიარებს, მაგრამ არც ისინი არიან უმცირესობაში, რომელთაც სჯერათ, რომ კორონაპანდემია იმ ჯგუფისა თუ ჯგუფების ავანტიურა იყო, რომელი ჯგუფი და ჯგუფებიც ჩვენი პლანეტის პოლიტიკურ თუ ეკონომიკურ დღის წესრიგს ადგენენ. ამ კუთხით ეჭვმიტანილები ე.წ. გლობალისტები და ულტრალიბერალები არიან, თუმცა ვიდრე ამ საკითხს უფრო მეტად ჩავშლით, სჯობს, აქვე ვთქვათ, რომ შეთქმულების თეორიები მხოლოდ პანდემიების კი არა, იგივე ომების თანმდევია ხოლმე.

აი, მაგალითად, სამხედრო ანალიტიკოსი ამირან სალუქვაძე მიიჩნევს, რომ ყველა ან თითქმის ყველა ის ინფორმაცია, რომელიც კორონას ხელოვნურობას ამტკიცებს და ამასთან, იმ აზრსაც ანვითარებს, რომ ახლანდელი პანდემია გლობალისტებისა თუ ულტრალიბერალების მოგონილია, რუსული წარმოშობისაა. თუმცა ანალიტიკოსი აქვე განმარტავს, რომ კორონაკონსპიროლოგიას მიმდევრები აშშ-შიც ჰყავს. 

„მსოფლიოს ისტორიაში ვერ იპოვით ეპიდემიას ან სხვა კრიზისს, ომებს, მნიშვნელოვან მოვლენებს, რომლებსაც თან არ ახლდა ჭორები, შიშები, დეზინფორმაციები, შეთქმულების თეორიები, კონსპიროლოგია. 

1816-დან 1975 წლამდე, მსოფლიომ ქოლერის 7 ეპიდემია გადაიტანა. მეორე ეპიდემია რუსეთ-სპარსეთის ომის _ 1828-29 წლების შემდეგ დაიწყო და მთელ რუსეთს მოედო. 

ქოლერის პირველი შემთხვევბი 1930 წელს, თბილისსა და ასტრახანში აღმოაჩინეს. ეპიდემიამ მოსკოვსა და სანკტ-პეტერბურგს 1931 წელს მიაღწია. როგორც რუსეთის მთელ იმპერიაში, ისე მის დედაქალაქში ბუნტები დაიწყო (გენიშნათ?). მოქალაქეებს, რომლებმაც იცოდნენ, რომ ინფექცია ორგანიზმში ცუდი საკვებისა და წყლის მეშვეობით ხვდებოდა, ეგონათ, რომ მათ სპეციალურად ხოცავდნენ. დაიწყეს საავადმყოფოების დაზიანება, კლავდნენ ექიმებსა და პოლიციელებს. 

მთელ ეპიდემიას არ აღვწერ. მოსახლეობაში ხელისუფლებისადმი ნდობის ამაღლება დაიწყო, როცა მოქალაქეები ხედავდნენ საავადმყოფოებიდან მასობრივად ცხედრების გამოსვენებას. მაშინაც კარანტინი და თვითიზოლაცია მთავარი მეთოდი იყო. ადამიანები, განსაკუთრებული საჭიროების გარეშე, საცხოვრებელ ადგილებს არ ტოვებდნენ. 

მოკლედ, მე-19 საუკუნეშიც იგივე ჭორები იყო. ახლაც ხომ იგივე ეჭვებს აღვივებდნენ, რომ მსოფლიო მთავრობა სპეციალურად ხოცავს მოხუცებს, თუმცა ბევრ ქვეყანაში დაავადებულთა ნახევარი 40 წლამდე ასაკისაა. ე.ი. მოხუცებს არ ხოცავენ, ხომ ასეა? 

დღეს ხელისუფლება დიდძალ რესურსებს ხარჯავს ადამიანების სიცოცხლის გასაფრთხილებლად. არადა, ჭორები, ხმა ვრცელდება... ჩვენს სივრცეში გავრცელებული ჭორების, ინფორმაციების ლომის წილი რუსულენოვანია, თუმცა შეთქმულების თეორიები სხვა ქვეყნებშიც ფართოდ ვრცელდება. 

მაგალითად, აშშ-ის მოსახლეობის 29%-ს სჯერა „კოვიდ-19“-ის ხელოვნური წარმომავლობა. „ლევადა-ცენტრის“ მიერ, მარტში ჩატარებული გამოკითხვის თანახმად, რუსეთში მოსახლეობის მხოლოდ 24%-ს არ სჯერა კორონავირუსის შესახებ მასმედიის მეშვეობით გავრცელებული ოფიციალური ინფორმაციის. 

აპრილში ამ განწყობებმა იმატა და 59% შეადგინა. თებერვალში დაინფიცირების შიში მხოლოდ 30%-ს ჰქონდა. მარტის ბოლოს კი მათი რიცხვი 44%-მდე გაიზარდა. 

თებერვალში „ფრანს პრესმა“ გამოაქვეყნა სტატია, რომელშიც სახელმწიფო დეპარტამენტის წარმომადგენლების ინფორმაციაზე დაყრდნობით წერდა, რომ სოციალურ ქსელში, რუსეთთან დაკავშირებული ათასობით ანგარიში აქვეყნებდა ინფორმაციებს „კოვიდ-19“-ის გავრცელებაში აშშ-ს სპეცსამსახურების ბრალეულობის შესახებ. რუსეთმა ეს ბრალდება, როგორც მოსალოდნელი იყო, უარყო. 

ეპიდემიებს ახასიათებთ მოსახლეობის აქტივობები სხვადასხვა ხასიათის მოძიებული ინფორმაციების გავრცელების, ერთმანეთში გაცვლის კუთხით. ზოგი აზიარებს სხვისი აზრის გაგების მიზნით, ზოგი განზრახ ავრცელებს სიცრუეს, ზოგი კეთილი ზრახვებით, რათა სხვებსაც გააგებინოს „სასარგებლო“ ინფორმაცია. მთლიანობაში, ყველაფერ ამის გამო, დიდი აჟიოტაჟი იქმნება. 

რა ხასიათის ინფორმაციებს ავრცელებენ ყველაზე მეტად: ოფიციალური ვერსიების, განცხადებების კითხვის ნიშნის ქვეშ დაყენება ან გაყალბება; სახალხო რეცეპტები, ლიცვები; ფსევდოექიმების რჩევები; ისტორიები პირველწყაროს მითითებით. მაგალითად, „ჩემი ახლობელი მუშაობდა უხანში და ყვება, რომ...“ ან, „ჩემმა ნათესავმა იტალიიდან მომიყვა, რომ იქ არაფერი ხდება“; ისტორიები ვირუსის წარმომავლობის შესახებ; პანიკური, შეუმოწმებელი ინფორმაციები. მაგალითად, „დღეს, ღამით თვითმფრინავებით მოხდება ქალაქის დეზინფექცია. შეხვდით ღია ფანჯრებით“ და ა.შ.“ _ ამბობს ამირან სალუქვაძე. 

მოკლედ, ვთანხმდებით, რომ კორონაეპიდემია ხელოვნურად არაა შექმნილი და ყველაფერი ის, რის შესახებაც ბოლო დროს ვისმენთ, რეალობაა, მაგრამ აქვე, ჩნდება კითხვა _ რატომ სჯერა ადამიანთა ნაწილს, რომ კორონა მოგონილია და მიზნად, მინიმუმ, მოსახლეობის გამოხშირვას ისახავს? 

ამ კითხვაზე ანალიტიკოს ამირან სალუქვაძის პასუხი ასეთია: 

„ადამიანს, როგორც გონივრულ არსებას, ყოველთვის აქვს მიდრეკილება, გაარკვიოს პრობლემების, საფრთხეების მიზეზები, თავად ჩასწვდეს საკითხების არსს. ვის რამდენად გამოსდის, სხვა საკითხია. ფიქრების, ტვინის ჭყლეტის შედეგად თუ მიაკვლევს მისთვის სასურველ ვერსიას, მისი გადარწმუნება შეუძლებელი ხდება. ვეღარ ჭრის ვერც მეცნიერება, ვერც _ ლოგიკა, ვერც _ საღი აზრი... 

განსაცდელის დროს, ადამიანს ყველაზე მეტად აწუხებს გაურკვევლობა. შესაბამისად, ის ცდილობს, მონახოს პასუხები ყველაფერზე, რაც მას აფიქრებს, განსაკუთრებით, პრობლემის წარმომავლობაზე, მისი გაჩენის მიზეზებსა და მომავლის პროგნოზირებაზე. სხვათა შორის, მკითხაობაც (მარჩიელობაც) ადამიანის ამ განცდებს ეფუძნება. მკითხავი უშუალო კონტაქტშია პირთან, აქვს შესაძლებლობა, დააკვირდეს რეაქციებს, მისგანაც მოიპოვოს დამატებითი ინფორმაციები, შეთქმულების თეორიების ავტორებს ამის ფუფუნება არ აქვთ. მკითხავისთვის მნიშვნელოვანია, კლიენტმა დაიჯეროს, რადგან ეს პირდაპირ აისახება ანაზღაურებაზე. კონსპიროლოგს ეს არ ადარდებს. ის მასებზე, კონკრეტულ ტიპაჟებსა და სამიზნე ჯგუფებზე მუშაობს. არ დაიჯერებს ერთი, დაიჯერებს _ სხვა. ვინც არ დაიჯერებს, თუ დაეჭვდა მაინც, ისიც შედეგია. იმისთვის, რომ ინფორმაციები, ვერსიები, თეორიები, დამაჯერებელი იყოს, ის დეტალურად უნდა იყოს აღწერილი, გაანალიზებული და „გამყარებული“ სხვადასხვა ფაქტით. 

„კოვიდ-19“-ის შესახებ გავრცელებულ რამდენიმე აბსურდულ ვერსიას გავიხსენებ: „ვირუსი მოიგონეს, რათა შეეწყვიტათ საჰაერო მოძრაობა და კოსმოსური აპარატები განეთავსებინათ“. ამ ტექსტის დამწერს, ან მის გამავრცელებელს ვინმე დააჯერებს, რა სიმაღლეზე დაფრინავენ თვითმფრინავები და რა სიმაღლეზეა ორბიტალური სადგურები? ან სკოლაში თუ არა, ინტერნეტში წაუკითხავთ, რა არის ტროპოსფერო, სტრატოსფერო, მეზასფერა და ა.შ.? ან გააგებინებთ, რომ თანამგზავრების გაყვანა კოსმოსური რაკეტებით ხდება და საჰაერო მოძრაობას ხელი არასდროს შეუშლია მათ გასაშვებად? ალბათ, არ დაიჯერებენ. 

კიდევ ასეთი პოსტი გამოქვეყნდა. ერთმა გადაიღო „ფლიგტჯრადარ24“-ის საიტზე, დროის რეალურ მომენტში, ევროპის საჰაერო სივრცეში არსებული საჰაერო ვითარების ფოტოასლი და გამოაქვეყნა ტექსტით: „ნახეთ, რამდენი თვითმფრინავი დაფრინავს. არანაირი შეზღუდვები არ არსებობს“. რეალურად, ფოტოზე ბევრი თვითმფრინავია, რამდენიმე ასეული, მაგრამ რამდენი დაფიქრდება იმაზე, რომ 1-2 თვის წინ, შეზღუდვებამდე, იყო 2-3-ჯერ მეტი? ადამიანები დაფიქრდებიან, რომ ყველა ქვეყანას არ დაუწესებია შეზღუდვები, ან ის, რომ არსებობს ჩარტერული რეისები, ან ის, რომ საჰაერო ტვირთების გადაზიდვა გრძელდება და, შესაბამისად, გარკვეული რეისები სრულდება?დაფიქრდება ვინმე, რომ ჩვენი ცა გადასერილი იყო ტრანზიტული ფრენებით და დღეს სიცარიელეა? ან ვინმე დაფიქრდება, შეამოწმოს რამდენჯერ იკლო ფრენების რიცხვმა რომელიმე ქალაქის აეროპორტში, თუნდაც თბილისში? რა თქმა უნდა, არა. ასეა, სანდო საიტიდან აღებულ ფოტოასლს, ინფორმაციას, მიაბამენ მთელ კონსპიროლოგიურ ბოდვას, რაც ამ ბოლოს ვრცელდება და არკვიე, სადაა სიცრუე და სად _ სიმართლე. 

ასეთი „ფაქტის“ ნახვის შემდეგ, 100-დან რამდენი ადამიანი დაინტერესდება ავიაკომპანიების გადაზიდვების სტატისტიკით? 

კონსპიროლოგიურ ინფორმაციებს აქვს გარკვეული მახასიათებლები, სიტყვათა წყობა, ლოგიკა. მის გამავრცელებლებს კი ახასიათებთ შემდეგი ტიპის ფრაზები: „რაღაც არ მჯერა“, „კი, მჯერა, მაგრამ“, „ნახე, რა ვიპოვე დღეს ქსელში“ და ა.შ. მთავარი ისაა, რომ კონსპიროლოგიურ თეორიებს ისეთი ლოგიკა აქვთ, რომ მათი გაბათილება რთულია, პირდაპირი მტკიცებულებებითაც კი“. 

გვინდა თუ არა, უნდა ვაღიაროთ, რომ კონსპიროლოგია სიმართლეზე ძლიერია ანუ უფრო მარტივად და გასაგებად რომ ვთქვათ, ადამიანებს ჭორის უფრო სჯერათ, ვიდრე _ რეალობის. ჰოდა, რა გასაკვირია, რომ კორონაპანდემიის დროს, ისეთი „მამალი ჭორი“ გავრცელდა, რომლის მოგონებაც თვით ყველაზე დიდ ფანტასტიკოს მწერალსაც კი გაუჭირდებოდა.

მოკლედ, კორონაჟამიანობამ პიკს მიაღწია თუ არა, ინტერნეტი წალეკა ინფორმაციამ, რომ კორონა 5G-ს „შედეგია“. ამ „სევდიან“ ისტორიაში ყველაზე უცნაური ის გახლდათ, რომ 5G-ს მავნებლობაზე არსებულ ფეიკნიუსებს ისეთი ადამიანები აზიარებდნენ და ახლობლებ-მეგობრებსაც აფრთხილებდნენ, რომლებიც სხვა დროსა და ვითარებაში იმის მტკიცებით არიან ხოლმე დაკავებულნი, რომ ძალიან განათლებულნი არიან და მხოლოდ, ვთქვათ, ლიტერატურაში კი არა, მეცნიერებაშიც კარგად ერკვევიან. 

ერთი სიტყვით, „5G-ს სკანდალი“ დასრულებული არ იყო, სოციალური ქსელები ახალმა შეთქმულების თეორიამ რომ წალეკა. კერძოდ, ითქვა, რომ კორონა ილონ მასკის პროექტია და ამ „ალგორითმის“ მიმდევრები საკუთარი ნათქვამის განმტკიცებას იმით ცდილობდნენ, რომ ზუსტად მაშინ, როცა მსოფლიოს ეპიდემია მოედო, მასკმა ახალი პროექტი _ ე.წ. ინტერენტი ყველას გაუშვა. 

მასკისა და 5G-სგან მტრის ხატი რომ ვერ შეიქმნა, ახალი კონსპირაცია გაჩნდა. სახელდობრ ის, რომ კორონა თითქოს მსოფლიოს ერთ-ერთმა უდიდესმა ადამიანმა, ბილ გეითსმა „მოიგონა“. ამ თეორიის მიმდევარები იმის თქმასაც არ ერიდებოდნენ, რომ გეითსმა კორონას შექმნა, თითქოს საკუთარი პირით აღიარა. 

იმთავითვე ნათელი იყო და ყველა გონიერი ადამიანი ხვდებოდა, რომ 5G, მასკი და გეითსი კორონასთან კავშირში არ იყვნენ, მაგრამ ვითარების დრამატიზება, ყოველ შემთხვევაში, საქართველოში, ეკლესიამაც მოახდინა ანუ ცალკეულმა სასულიერო პირებმა ყველა ზემოთქმული კონსპიროლოგიის ქადაგება ამბიონიდან დაიწყეს და ზოგის ფანტაზია იქამდეც კი მივიდა, რომ მრევლი კინაღამ დაარწმუნა, მასობრივი თერმოსკრინინგი, ესე იგი, სიცხის გაზომვა იმას ემსახურება, ამ გზით ფარული ჩიპები ჩაგვიყენონო. 

ამას გარდა, ეკლესიის ზოგიერთი მსახური კორონას საწინააღმდეგო ვაქცინის წინააღმდეგაც ილაშქრებს და ხალხს მოუწოდებს, ვაქცინაციაზე უარი თქვას. არადა, კარგად თუ დავაკვირდებით, ეს ვითარება ძალიან დრამატულია. რატომ? _ ამ კითხვაზე პასუხი მარტივია: კორონას საწინააღმდეგო ვაქცინა ჯერ არ შექმნილა! მიუხედავად ამისა, ზუგდიდისა და ცაიშის მიტროპოლიტი მეუფე გერასიმე ამბობს, რომ ვაქცინაციაზე წმინდა სინოდმა უნდა იმსჯელოს. 

„საპატრიარქოში კომისია შეიკრიბება, რომელიც მედიკოსების რეკომენდაციებს გაეცნობა და ეკლესიის პოზიციაც ამის შემდეგ გახდება ცნობილი“, _ ამბობს ზუგდიდისა და ცაიშის მიტროპოლიტი და დასძენს, რომ კორონავირუსის საწინააღმდეგო აცრა ნებაყოფლობითი უნდა იყოს. 

ასე და ამგვარად, ყველაფერ ზემოთქმულიდან ჩანს, რომ კორონავირუსზე იმაზე მეტი შეთქმულების თეორია არსებობს, ვიდრე ვინმე წარმოიდგენდა, მაგრამ რატომ დაუკავშირდა ეს პანდემია გლობალისტებს, ულტრალიბერალებს და, ბოლოს და ბოლოს, 5G-ს? 

მოდით, დავიწყოთ გლობალისტებითა და ულტრალიბერალებით ანუ გავარკვიოთ, თუ რა „კლასტერზეა“ საუბარი. 

სამოქალაქო ლექსიკონის თანახმად, გლობალიზმი მსოფლიო პოლიტიკის სამეცნიერო კვლევის ერთ-ერთი პარადიგმული მიდგომაა, რომელიც განსაკუთრებულ მნიშვნელობას საერთაშორისო ურთიერთობებს ანიჭებს. 

„გლობალისტები მიიჩნევენ, რომ საერთაშორისო პოლიტიკის უკეთ გაგებისთვის, აუცილებელია მთელი მსოფლიოს მასშტაბით მიმდინარე პროცესების ერთიანი სურათის წარმოდგენა. საერთაშორისო სისტემის განმსაზღვრელ თვისებად გლობალისტები კაპიტალისტურ ურთიერთობებს ასახელებენ. მათი აზრით, მსოფლიო კაპიტალისტური სისტემა სახელმწიფოთა ქმედებების მთავარი განმსაზღვრელი ფაქტორია, ანუ სახელმწიფოების საერთაშორისო პოლიტიკაში არა დამოუკიდებელ, არამედ, დამოკიდებულ ცვლადებს წარმოადგენენ. 

ამასთან, გლობალიზმი ყურადღებას აქცევს დომინირების მექანიზმების შესწავლას და განვითარებულ „ჩრდილოეთსა“ და განვითარებად „სამხრეთს“ შორის დაქვემდებარება-დომინირების ურთიერთობების კვლევითაა დაკავებული. 

გლობალიზმი საერთაშორისო ურთიერთობებში წამყვან ადგილს ეკონომიკურ ფაქტორებს ანიჭებს. გლობალისტები სოციალური და ეკონომიკური ურთიერთობების მარქსისტულ ხედვას ანიჭებენ უპირატესობას. შეაბამისად, გლობალიზმი რეალისტური და პლურალისტური (რაციონალისტური) მიდგომებისაგან განსხვავდება“, _ ვკითხულობთ სამოქალაქო განათლების ლექსიკონში. 

რაც შეეხება ლიბერალიზმს, ამავე წყაროს მიხედვით, ლიბერალიზმი პოლიტიკური ფილოსოფიაა, რომელიც პრიორიტეტს ინდივიდთა პირადი უფლებებისა და თავისუფლებების უზრუნველყოფას, მმართველობის დემოკრატიულ ფორმებსა და პოლიტიკური, ეკონომიკური და სოციალური ინსტიტუტების თანმიმდევრულ რეფორმებს ანიჭებს. 

„ლიბერალიზმი XX საუკუნის იდეოლოგიაა,რომელიც ქადაგებს პოლიტიკური ინსტიტუტების თავისუფლებას, ადამიანის ისეთ ინდივიდუალურ უფლებებს, როგორებიცაა აზრის გამოხატვის უფლება და რელიგიური შემწყნარებლობა. იგი მხარს უჭერს იდეას, რომ მთავრობამ აქტიურად უნდა იღვაწოს კაპიტალიზმის რეგულირებაში, საერთო სიკეთისა და კეთილდღეობის სახელმწიფოს შექმნისთვის, რომელშიც ღარიბთა მოთხოვნილებები მაქსიმალურად დაკმაყოფილებული იქნება. 

ლიბერალიზმი ერთ-ერთი ყველაზე უფრო გავრცელებული იდეური და სოციალ–პოლიტიკური მოძრაობაა, რომლის ძირითად მიზანს წარმოადგენს პიროვნების თავისუფლების დაცვა, ჰუმანიზმი და დემოკრატიზმი, საბაზრო მეურნეობა, მეწარმეობის თავისუფლება, კონკურენცია სახელმწიფოს მინიმალური ჩარევით, ზომიერი რეფორმატორობა, რაციონალიზმი, შემწყნარებლობა, პარლამენტარიზმი, ინდივიდუალიზმი, კოსმოპოლიტიზმი, ტრადიციებისაგან დამოუკიდებლობა და სხვ. ლიბერალიზმის იდეები აქტიურად მუშავდებოდა ჯერ კიდევ XVII-XVIII სს–ში, მაგრამ, როგორც დამოუკიდებელი, განსაკუთრებული მიმართულება, რომელმაც ფართო გაქანება მიიღო, XIX საუკუნის 30-40-იან წლებში ჩამოყალიბდა, განსაკუთრებით კი, ლიბერალური პარტიის გაჩენასთან დაკავშირებით. დღეს ბევრი ასეთი პარტია მმართველია ან კოალიციური მთავრობის შემადგენლობაშია. 1947 წელს, ამ პარტიათა უმრავლესობა გაერთიანდა და ჩამოაყალიბა ლიბერალური ინტერნაციონალი, რომელმაც მიიღო „ლიბერალების მანიფესტი“. მათ შესამჩნევი წარმომადგენლობა აქვთ ევროპარლამენტში. ლიბერალიზმისთვის დამახასიათებელია პიროვნების თვითფასეულობების აღიარება და ყველა ადამიანის საწყისი თანასწორობა, მოქალაქეთა თავისუფლების, უფლებებისა და პასუხისმგებლობის უზრუნველყოფისთვის ბრძოლა, ხალხის მმართველობა, კონსტიტუციონალიზმი, კანონიერება და სამართლის დაცვა, ხელისუფლების დანაწილება, სახელმწიფოს აღქმა, როგორც ორგანოსი, რომელიც დაფუძნებულია საზოგადოების წევრებთან საერთო კონსენსუსზე, პიროვნების თავდაპირველი უფლებების დაცვასა და მის პირად ცხოვრებაში ჩაურევლობაზე. ლიბერალიზმი ცალსახოვანი არ არის. მან სერიოზული ევოლუცია განიცადა კლასიკური ლიბერალიზმიდან XIX-XX საუკუნეების ნეოლიბერალიზმამდე“, _ ნათქვამია სამოქალაქო განათლების ლექსიკონში. 

ნამდვილად ვერ გეტყვით, რატომ, მაგრამ ფაქტია: ლიბერალიზმი განსაკუთრებით საქართველოს მოსახლეობის გარკვეული ნაწილისთვისაა მიუღებელი. ამის ახსნა, ალბათ, კომუნისტური და, ზოგადად, რუსული ოკუპანტური წარსულით შეგვიძლია ანუ ადამიანთა მცირე ჯგუფი თვლის, რომ ლიბერალები და გლობალისტები ქართველობას გვართმევენ, ენას, მამულსა და სარწმუნოებას გვირყვნიან და ეს მაშინ, როცა იგივე რუსულ ოკუპაციაზე სიტყავსაც არ „ასველებენ“. არადა, თუ კარგად ჩავუღრმავდებით, მივხვდებით, რომ გლობალისტებსა და ლიბერალებს „ქართველობის წართმევა“ არაფერში აინტერესებთ, რადგან ისინი გაცილებით „რთული“ თემებით არიან დაკავებულნი. 

რაც შეეხება 5G-ს, ამაზე სამხედრო ანალიტიკოსი ამირან სალუქვაძე, თავის ვრცელ პოსტში, რომელიც „ფეისბუქზე“ გამოაქვეყნა და რომლიდანაც ამონარიდები ზემოთ უკვე შემოგთავაზეთ, წერს: 

„5G-ს მილიმეტრული მაღალი სიხშირის გამოსხივება აღწევს ორგანიზმში, ზემოქმედებს ატომებზე, რის გამოც ისინი ვეღარ უკავშირდებიან ჰემოგლობინს და სისხლში ჟანგბადს ვეღარ აწვდიან“, _ ასეთი „თეორიებითაა“ „გამყარებული“ 5G ტექნოლოგიების ირგვლივ ატეხილი ისტერია, რომ „სახლში გამოგვკეტეს, რათა ანტენების დამონტაჟებას ხელი არ შევუშალოთ“. 

ამას ემატება ჯანმო-ს ირგვლივ ატეხილი ფსიქოზი, მისი კავშირები ბილ გეიტსთან და ა.შ. ასეთ „თეორიას“ როცა წაიკითხავს ადამიანი, განსაკუთრებით ის, ვისთვისაც სკოლის ფიზიკა უღრანი ტყეა, როგორ უნდა აუხსნა, რომ მთავარი სიხშირე კი არა, სიმძლავრეა. ან აუხსნი, რა არის იონიზირებადი და არაიონიზირებადი გამოსხივება? 

ისეთი აქტიური კონსპოროლოგ-პროპაგანდისტიც ვნახე, რომელსაც სიხშირე და სიმძლავრე ერთმანეთში ერევა. შეხვდებოდით, ალბათ, სინქროფაზატრონით დარეტიანებული ნიუტონის შთამომავლის ამაღელვებელ „მიმართვას“, „მე ვარ ყოფილი სამხედრო მეკავშირე და ვიცი, რა ზიანს აყენებს ადამიანს 5G 60 GGH სიმძლავრის გამოსხივება. თქვენი შვილები მაინც შეიცოდეთ (აქ საქართველოს დროშა აქვს ჩაწებებული, მეტი დამაჯერებლობისთვის). 

როცა კითხულობთ „სამხედრო მეკავშირე“-ს, ინფორმაციის სანდოობა მატულობს. თქვენ ხომ არ აქცევთ ყურადღებას, რომ გიგაჰერცებში (GGH) სიმძლავრეს არ ზომავენ? ასეთ „მეკავშირეს“ დიპლომი უნდა გაუუქმო, დიპლომის გამცემს კი _ ლიცენზია. 

შემდეგ წერს, რომ 5G, წინამორბედებთან შედარებით, 20-ჯერ მძლავრია, „რაც ადამიანების შეცდომაში შეყვანას ისახავს მიზნად“-ო. ჯერ ერთი, 20-ჯერ მეტი სიხშირეა და არა _ სიმძლავრე, სიმძლავრე კი, პირიქით, 4G-ს გაცილებით მეტი აქვს. 

რაც შეეხება „ხალხის შეცდომაში შეყვანას“, ამის დამწერს, უბრალოდ, ლოგიკასთან და ელემენტარულ უნარებთან აქვს პრობლემა. „მოსახლეობის შეცდომაში შეყვანა“, ამ კონტექსტში, არაკორექტულადაა გამოყენებული. ის უფრო მიკვირს, ასეთ აბრაკადაბრას უამრავი ადამიანი რომ იჯერებს და აზიარებს. 

და ბოლოს, ვრცელდება ასეთი თეორიებიც, რომ თითქოს პანდემია სპეციალურად მოაწყვეს და მიზნად ისახავს, როგორც გეოპოლიტიკური მიზნების მიღწევას, ასევე, მსხვილი კორპორაციების გამდიდრებას. არგუმენტებად მოჰყავთ ვარაუდები, რომ ბევრი კომპანია გაკოტრდება და მათ იაფად შეისყიდიან. მსგავსი პროცესები, ვიღაცის გაკოტრება, სხვისი გამდიდრება, ყოველთვის ახლავს კრიზისებს. რატომ არ ვუშვებთ ვერსიას, რომ, როგორც სახელმწიფოები, ასევე, კომპანიები, ვითარების შესაბამისად მოქმედებენ და ცდილობენ, ნაკლები დანაკარგებით გამოვიდნენ სიტუაციიდან და, შეძლებისდაგვარად, მეტი სარგებელი ნახონ?! 

ქვეყნის მთავარი ასტროლოგი იზიარებს საერთაშორისო ფსიქოზს და ტელეეთერით ქადაგებს, რომ მსოფლიოს მმართველები (მასონები და ა.შ. მასონების ხსენება ყველაზე დამაჯერებელია) გეგმავენ 7.5 მილიარდი ადამიანიდან 6.5 მილიარდის დახოცვას და მილიარდის დატოვებას. 

ჯერ ერთი, თუ ამდენი ადამიანის დახოცვას აპირებენ, ასეთი ნელი ტემპებით რატომ „მუშაობენ“? _ 4 თვეში, 250 000 ადამიანი დაიღუპა. მეორე, დანარჩენებს რატომ მკურნალობენ ასეთი თავგამოდებით? _ 1 მილიონზე მეტია გამოჯანმრთელებული?! 

მესამე, წელიწადში მილიონიც რომ დაიღუპოს „კოვიდ-19“-ით, 6.5 მილიარდის კი არა, მილიარდის დახოცვას, ამ ტემპებით, 1000 წელი მოუნდებიან. სანამ ასეთ „ვერსიებს“ გაიმეორებთ, იქნებ, ლოგიკა ჩართოთ?! 

ამ დღეებში, კიდევ ერთი მავნე ვიდეო ვრცელდება გერმანიიდან. პირი მანქანაში ზის, „ლაივში“ გვიყვება, აი, ახლა, ამ წამს გადმოსცა რადიომ, რომ უნობელესლაურეატეს მეცნიერებმა დაადგინეს „COVID-19“ კლავს მხოლოდ 0.37% (ორჯერ გაიმეორა 0.37%) შემთხვევაშიო. სხვა არანაირი ინფორმაცია. კითხვა: ეს 0.37% გერმანული მიდგომების შემთხვევაშია, როცა დროულად გამოავლენ, სწორად უმკურნალებ და გადაარჩენ, თუ შვედურ ვარიანტში, როცა სიცოცხლეზე წინ ეკონომიკას აყენებ და მიუშვებ თვითდინებით? 

ამ ვიდეოს შემდეგ, ქართული მედია ავრცელებს ჰამბურგელი მეცნიერების კვლევის მონაცემებს და სათაურში გამოაქვს, რომ მათი კვლევების თანახმად, გარდაცვლილებში „კოვიდ-19“-ის კვალი არის 0%, ხოლო სტატიის გერმანულ წყაროში 0% ვერ ვიპოვე. მსგავსი ინფორმაციების გავრცელება, რომლებიც უპირისპირდებიან მსოფლიოს ქვეყნების, მათ შორის, ჩვენი მთავრობის ოფიციალურ ვერსიებს, რაც დაბალი პროფილაქტიკური საქმიანობისა და ინფორმირების ფონზე, იწვევს მოსახლეობაში წინააღმდეგობის გაღვივებას. 

დასასრულ, ეპიდემიის საწყისი ეტაპის ერთ-ერთ შიშს გაგახსენებთ, შიშს სურსათის შესაძლო დეფიციტთან დაკავშირებით. გაიხსენეთ, რა დღეში იყო მოსახლეობა, როგორ იმარაგებდა სურსათს და როგორი პანიკური ინფორმაციები, გაფრთხილებები ახლდა თან ამ პროცესს. „ახლობელმა მითხრა, სურსათი გაგქრება“, „ერთმა სანდო ადამიანმა გამაფრთხილა სურსათის პრობლემები შეიქმნება“ და ა.შ. ვის ახსოვს ახლა ეს აუდიო თუ ტექსტური შეტყობინებები?! შიში დეზინფორმაციის მთავარი მამოძრავებელი ძალაა“. 

მოკლედ, კორონაჟამიანობას, სხვა ეპიდემიებისა თუ უბედურებების მსგავსად, კონსოპირაციული თეორიების გარეშე არ ჩაუვლია. ამ თეორიებიდან უმეტესობა, რასაკვირველია, აბსურდულია, თუმცა სამართლიანობისთვის, ისიც უნდა ვიკითხოთ, რატომ ვერ ახერხებს 21-ე საუკუნეში, კაცობრიობა კოვიდინფექციის ეფექტური სამკურნალო წამლის ან ვაქცინის შექმნას? ამასთან, ისიც საკითხავია, რას ემსახურება, მაგალითად, საღამოს 9-დან დილის 6 საათამდე კომენდანტის საათი? მართალია, ეპიდემიოლოგებმა განმარტეს, კომენდანტის საათი იმიტომაა საჭირო, რომ ადამიანები ერთმანეთთან სტუმრად არ მივიდნენო, მაგრამ ვისაც სტუმრობა უნდა, ახლობელს თუ მეგობარს საღამოს 9-მდე ესტუმრება და თუ ქეიფი გაუტკბა, დილის ექვს საათამდეც გააგრძელებს. 

ასე რომ, ბევრი რამ გასაგებია და სოციალური დისტანციის დაცვა, თუ ხელების დაბანა აუცილებელია, მაგრამ ზოგიერთი აკრძალვა, როგორც ვთქვით, კითხვებს აჩენს და ალბათ, ესეც უწყობს ხელს კონსპირაციული თეორიების გაჩენას!

ნინო დოლიძე

 

]]>
versiaprinti@yahoo.com (super admin) საზოგადოება Wed, 13 May 2020 11:49:54 +0400
53 წლის ტაისონი რინგზე ბრუნდება _ „მზად ვარ, მოვკვდე!“ http://versia.ge/2013-07-31-11-23-15/item/6757-53-წლის-ტაისონი-რინგზე-ბრუნდება-_-„მზად-ვარ,-მოვკვდე-“.html http://versia.ge/2013-07-31-11-23-15/item/6757-53-წლის-ტაისონი-რინგზე-ბრუნდება-_-„მზად-ვარ,-მოვკვდე-“.html

კორონაკარანტინში გამოკეტილმა მსოფლიო სპორტის ვარსკვლავებმა საიდუმლოებებს ფარდა ახადეს

არსებული შეზღუდვების გამო, სპორტული სამყარო, პრაქტიკულად, გაჩერებულია და სპორტსმენთა უმრავლესობა ინდივიდუალურად ვარჯიშობს. ყველაზე ცნობილი ექსპერტებიც კი ამბობენ, რომ იმ შემთხვევაში, თუ სეზონი განახლდება, პროგნოზის გაკეთება შეუძლებელი იქნება, ვინ როგორ ითამაშებს, მაგალითად, საფეხბურთო ჩემპიონატებს, რადგან ფეხბურთელები მინიმალურ ფორმაში არიან და 90 წუთი სირბილი გაუჭირდებათ. ამიტომაც, ფიფა და უეფა სერიოზულად განიხილავენ კვიპროსის „ანორთოსისის“ ქართველი მწვრთნელის, თემურ ქეცბაიას ინიციატივას, სეზონი თუ განახლდება, მწვრთნელებს ხუთი შეცვლის უფლება უნდა გვქონდეს, ორის პირველ ნახევარში და სამიც _ მეორეში, მოთამაშეებს ამოსუნთქვის საშუალება რომ მივცეთო. ამასთან, განიხილება ტაიმების ხუთი წუთით შემცირება და მთლიანი მატჩის 80 წუთამდე დაყვანა. გარდა იმისა, რომ ფეხბურთელები ფორმაში არ არიან, სეზონი მალე რომ დასრულდეს, ათ დღეში, სამი შეხვედრა უნდა ჩაატარონ, რაც არანაკლებ ენერგიას მოითხოვს. აგერ, გერმანიის კანცლერმა ბუნდესლიგის განახლების უფლებაზე თანხმობა განაცხადა და წესით, ჩემპიონატი 5 მაისს უნდა განახლებულიყო, მაგრამ ის ჯერაც არ დაწყებულა და ძალიან დიდია იმის ალბათობა, რომ ვერც განახლდეს. საუბარი იმაზე არ არის, რომ მაყურებელი არ მივა სტადიონზე _ ამას ყველა შეეგუა და ყველა შეხვედრა ცარიელი ტრიბუნების თანხლებით ჩაივლის. ფეხბურთელებს ერთმანეთთან შეხების ეშინიათ, რაც იმას ნიშნავს, რომ ორთაბრძოლებში ვერ შევლენ, ასე თამაში კი წარმოუდგენელია. რამდენიმე ფეხბურთელი იმასაც აცხადებს, მოედანზე პირბადის გარეშე არ გავალო და პირბადეში სუნთქვა მაშინ, როცა კილომეტრებს დარბიხარ, წარმოუდგენელია. მოკლედ, ბევრი რამაა დასალაგებელ-გასარკვევი, დრო კი მიდის და წესით, ივნისში, ჩემპიონთა ლიგის მომავალი სეზონის საკვალიფიკაციო ეტაპის მატჩები უნდა დაიწყოს, მაგრამ ვინ მიიღებს მასში მონაწილეობას, ჯერ უცნობია.

როგორც იცით, ევროპაში ყველა საფეხბურთო ჩემპიონატი შეჩერდა, გარდა ბელორუსიის ლიგისა. „ბაწკამ“ ბრძანა, კორონავირუსი ბლეფია, ჩვენ არ გვეშინიაო და ბელორუსში საფეხბურთო სეზონი მთელი ძალით მიმდინარეობს, თუმცა... 

„10 მაისს, ბელორუსის ჩემპიონატის მეორე ლიგაში მატჩი იმ მიზეზით გადაიდო, რომ ერთ-ერთ ფეხბურთელს კორონავირუსის დამახასიათებელი ნიშნები გამოუვლინდა. შესაბამისად, კვლევა მიმდინარეობს და იმ შემთხვევაში, თუ ფეხბურთელს ვირუსი დაუდგინდება, საფეხბურთო ლიგა ჩემპიონატის შეჩერებაზე იმსჯელებს“, _ ასეთია ბელორუსული ფეხბურთის ოფიციოზის განცხადება და თუ ფეხბურთელს ვირუსი მართლა დაუდგინდება, ბელორუსელებს ფიფა და უეფა აღარ მისცემენ პირველობის განახლების უფლებას, ხოლო თუ მაინც განაახლებენ, ისინი შესაძლოა, ორივე ორგანიზაციამ მოკვეთოს. 

სიმართლე გითხრათ, მოვლენების ასე განვითარება ჩვენ ყველაზე მეტად გვაწყობს, რადგან ერთა ლიგის ნახევარფინალში, სწორედ ბელორუსს ვხვდებით და თუ მათ მოკვეთენ (დროებით მაინც), მაშინ პირდაპირ ფინალში გადავალთ. იქ ჩრდილოეთ მაკედონია-კოსოვოს შორის უძლიერესს შევხვდებით და გამარჯვების შემთხვევაში, იმ ევროპის ჩემპიონატზე ვითამაშებთ, წელს რომ უნდა გამართულიყო და პანდემიის გამო, 2021 წელს ჩატარდება. 

* * * 

ყველაფერ ამის ფონზე, ცოტა უცნაური კი იყო, მაგრამ გასულ კვირას, წესების გარეშე ბრძოლა გაიმართა. დროებითი ჩემპიონის ტიტულისთვის ერთმანეთს ჯასტინ გეიჯი და ტონი ფერგიუსონი დაუპირისპირდნენ. წესითა და რიგით, ეს უკანასკნელი მოქმედ ჩემპიონს, ხაბიბ ნურმაგომედოვს უნდა შეხვედროდა, მაგრამ დაკეტილი საზღვრების გამო, ხაბიბი აშშ-ში ვერ ჩაფრინდა. 

მოკლედ, მთავარი ფავორიტი, სწორედ ფერგიუსონი იყო, მაგრამ გეიჯმა საოცარი შეხვედრა ჩაატარა და დამსახურებულად მოიგო. თუ ხაბიბს ტიტულის შენარჩუნება სურს, ვალდებულია, ექვსი თვის განმავლობაში გეიჯს შეხვდეს, თუ არადა, დროებითი ჩემპიონი ჩვეულებრივ ჩემპიონად იქცევა. 

* * * 

როგორც ჩანს, სახლში ჩაკეტვამ ბევრი გულახდილობის ხასიათზე დააყენა. მაგალითად, საფრანგეთის ნაკრების ვეტერანმა ფეხბურთელმა, ვილი სანიოლმა, რომელიც ზინედინ ზიდანის უახლოეს მეგობრად ითვლება, სახლიდან პირდაპირი ჩართვისას განაცხადა, რომ მსოფლიოს 2006 წლის ჩემპიონატის ფინალი მთელი გუნდისთვის დიდი დარტყმა იყო. შეგახსენებთ, რომ ფინალში ზიდანმა მარკო მატერაცის მკერდში თავი მას შემდეგ დაარტყა, რაც იტალიელმა ფრანგის და უხეშად მოიხსენია. მსაჯმა ზიდანი გააძევა, საფრანგეთმა კი ფინალი წააგო. 

„ფეხბურთი გუნდური თამაშია, ამიტომ პირადი გვერდზე უნდა გადადო. მახსოვს, მაშინ ზიდანს მთელი გუნდი გაუნაწყენდა, ჩვენ მას, უბრალოდ, აღარ ველაპარაკებოდით, არ ვკონტაქტობდით. იმ შოკიდან გამოსასვლელად, მთელი ორი წელი დამჭირდა. 2008 წელს, ცოლი მოვიყვანე, ქორწილი მქონდა და ზიზუც დავპტიჟე. სიმართლე გითხრათ, წარმოდგენა არ მქონდა, მოვიდოდა თუ არა, მაგრამ ის მოვიდა და ძალიან გამახარა. ახლა ისევ ჩვეულებრივი, მეგობრული ურთიერთობა გვაქვს“, _ ამბობს სანიოლი. 

სხვათა შორის, მის დარად, საფრანგეთის იმდროინდელი ნაკრების ბევრმა ფეხბურთელმა აღიარა, რომ ზიდანის საქციელს გამართლება დღემდე ვერ უპოვა და მოფლიოს ჩემპიონის ტიტულის დაკარგვას, სწორედ მას აბრალებს. 

* * * 

შესაძლოა, ვინმეს სასაცილოდ მოეჩვენოს, მაგრამ სამხრეთ კორეაში არ აქცევენ ყურადღებას, ვინ რა პოზიციაზეა და რა დონის ვარსკვლავია, სამხედრო სავალდებულო სამსახური ყველამ უნდა გაიაროს, რათა საჭიროების შემთხვევაში, ქვეყნის ნებისმიერმა მოქალაქემ იარაღის ელემენტარულად ხელში დაჭერა და სროლა იცოდეს. ყველაფერ ამას ვერ ასცდა ლონდონის „ტოტენჰემისა“ და სამხრეთ კორეის ნაკრების მთავარი ვარსკვლავი ჰეუ მინ სონი. 27 წლის ფეხბურთელი, რომლის ღირებულებაც 80 მილიონი ევროა, სამი კვირით ჯარში წავიდა და ძალიან გახარებულია, რომ ეს პანდემიას დაამთხვია ანუ მას კლუბის შეხვედრების გამოტოვება არ მოუხდა. ისე არ გაიგოთ, თითქოს სონი ჯარში მხარ-თეძოზე წამოწოლილი იყო, ის სხვა ჯარისკაცებთან ერთად, უმძიმეს წვრთნებს გადიოდა და რა გასაკვირია, რომ ფიზიკურ მონაცემებში საუკეთესო შედეგი აჩვენა. 

* * * 

მსოფლიოს მოქმედ ჩემპიონ მძიმეწონოსან მოკრივეს, ირლანდიელ ტაისონ ფიურის სახელი მამამისმა, ლეგენდარული მაიკ ტაისონის საპატივსაცემოდ დაარქვა. როგორც გამოჩნდა, შვილმაც და სახელმაც გაამართლა _ მოქმედ ჩემპიონს, გამართული 31 ბრძოლიდან, 30 მოგებული აქვს და ჯერჯერობით ბადალი არ ჰყავს. აი, რაც შეეხება თავად მაიკ ტაისონს, 53 წლის ასაკში, მან რინგზე დაბრუნება განიზრახა და განაცხადა, მზად ვარ, საქველმოქმედო ბრძოლა გავმართოო. მისი მეტოქის შერჩევაზე ბევრს მუშაობენ, რადგან სურთ, რომ ბრძოლა სანახაობრივი გამოვიდეს, ბევრი ფული მოიტანოს და რაც მთავარია, მეტოქემ „რკინის მაიკს“ წინააღმდეგობა გაუწიოს. ჰოდა... 

„მე შვილს მის გამო დავარქვი ტაისონი. ის მე გავზარდე და გავზარდე ჩემპიონად. ახლა კი მზად ვარ, „რკინის მაიკს“ თავად შევხვდე და ვაჩვენო, როგორ შემიძლია ჩხუბი. მართალია, ის ძალიან ძლიერია და 53 წლის ასაკშიც კი საშიშია, მაგრამ ამ ბრძოლისთვის მზად ვარ, რინგზე მოვკვდე“, _ ეს განცხადება ფიურის მამამ, ჯონ ფიურიმ გააკეთა. 

ჯერჯერობით უცნობია, რას გადაწყვეტენ შეხვედრის ორგანიზატორები, მაგრამ სანამ ფიური გამოჩნდებოდა, ისინი ტაისონის მეტოქედ ვეტერან მორაგბეს, სონი ბილ უილიამსს განიხილავდნენ. 

* * * 

გამოსავალი მონახეს მოჭადრაკეებმაც. მათ ონლაინ სივრცეში „ერთა თასი“ გაითამაშეს, რომლის საპრიზო ფონდიც 180 ათასი დოლარი იყო. ევროპის ნაკრების ღირსებას ჩვენი ნანა ძაგნიძე იცავდა და შეიძლება ითქვას, თანაგუნდელთა შორის საუკეთესო შედეგი აჩვენა _ ხუთი შესაძლებლობიდან 3.5 ქულა დააგროვა და მხოლოდ მსოფლიოს მოქმედ ჩემპიონთან, ჩინელ ცზიუ ვენცზიუნთან წააგო. ევროპის ნაკრებს ნაჩვენები შედეგი მესამე ადგილისთვის ეყო, ფინალში კი აშშ და ჩინეთი გავიდნენ. დაძაბულ ბრძოლაში საბოლოო გამარჯვება აზიელებს დარჩათ. ევროპის ნაკრების, ჩინეთისა და აშშ-ის გარდა, ონლაინ ტურნირში მონაწილეობა ინდოეთის, რუსეთის და დანარჩენი მსოფლიოს ნაკრებებმა მიიღეს. აღსანიშნავია, რომ ევროპის ნაკრების კაპიტანი ლეგენდარული გარი კასპაროვი გახლდათ. 

* * * 

დასასრულ, საინტერესო იდეა მოუვიდათ ესპანეთის ფეხბურთის მესვეურებს. პირენეის ნახევარკუნძულზე უკვე გადაწყვეტილია, რომ საფეხბურთო სტადიონებზე გულშემატკივარი, მინიმუმ, 2021 წლის იანვრამდე არ დაიშვება, ცარიელი ტრიბუნების წინაშე თამაში კი ვარსკვლავებისთვის ძალიან მოსაწყენი იქნება. ამიტომ, ესპანეთში სერიოზულად განიხილავენ პროექტს, რომლითაც ტრიბუნებზე სპეციალური მოწყობილობა დამონტაჟდება, რომელიც ხელოვნურად შექმნის ხმაურს და ტრიბუნებიდან ჟრიამული ისევ გაისმება. საინტერესო მხოლოდ ის არის, მასპინძელი გუნდის მხარდასაჭერი ყიჟინა იქნება ცარიელ ტრიბუნებზე, თუ სტუმართა ქომაგებსაც „ამოაღებინებენ ხმას“.

ბათო ჯაფარიძე

 

]]>
versiaprinti@yahoo.com (super admin) საზოგადოება Wed, 13 May 2020 11:49:21 +0400
რა პრობლემები შეუქმნა ონლაინ-სწავლებამ მოსწავლეებს http://versia.ge/2013-07-31-11-23-15/item/6752-რა-პრობლემები-შეუქმნა-ონლაინ-სწავლებამ-მოსწავლეებს.html http://versia.ge/2013-07-31-11-23-15/item/6752-რა-პრობლემები-შეუქმნა-ონლაინ-სწავლებამ-მოსწავლეებს.html

,,ეროვნული გამოცდები პანდემიის გარეშეც უნდა შეიცვალოს“ _ სიმონ ჯანაშიას პროგნოზები და შეფასებები

კორონაპანდემიის გამო, მსოფლიოს ბევრი ქვეყნის მსგავსად, საქართველოშიც სწავლება ონლაინ-რეჟიმზე გადავიდა _ სკოლის მოსწავლეებისა და სტუდენტებისთვის სწავლება „მაიკროსოფტის“ პროდუქტების საშუალებით მიმდინარეობს და ასე გაგრძელდება წლევანდელი სასწავლო წლის დასრულებამდე ანუ აკრძალვების მიუხედავად, სწავლა შენობებში აღარ განახლდება. რამდენად გაამართლა საქართველოში ონლაინ-სწავლებამ და ამ მიმართულებით რა პრობელემები გამოიკვეთა? _ ამ კითხვებით „ვერსიამ“ განათლების საკითხების ექსპერტ სიმონ ჯანაშიას მიმართა.

 

ექსპერტის თქმით, საქართველოში ინტერნეტზე ხელი ბავშვების 1/3-ს არ მიუწვდება: 

„დანარჩენებს შეიძლება, ინტერნეტი ჰქონდეთ, მაგრამ პრობლემები მოწყობილობების, დროის, საცხოვრებელი პირობების თვალსაზრისით აქვთ, წასულნი არიან სოფლებში და ა.შ. ასე რომ, ხელმისაწვდომობა დაბალია, თუმცა ისიც ვიცით, რომ არა მხოლოდ ინტერნეტით ასწავლიან, არამედ, დავალებებს უგზავნიან ტელეფონით და სხვა საშუალებებით. მოკლედ, დისტანცურ სწავლებაში მხოლოდ ინტერნეტ-სწავლება არ უნდა განვიხილოთ. ამასთან, ზოგი ბავშვი შეიძლება, უყურებდეს ტელესკოლის გაკვეთილებსაც, მაგრამ ამჟამად არ არსებობს მონაცემი, რომლითაც ვიტყვით, განათლების ხელმისაწვდომობის თვალსაზრისით ჩავარდნა რა მასშტაბისაა. შეგვიძლია ვივარაუდოთ, რომ ის უთანასწორობა, რაც აქამდე იყო _ შედარებით შეძლებული ოჯახები უფრო მაღალი ხარისხის განათლებას უზრუნველყოფდნენ შვილებისთვის, გაიზარდა და სხვებთან შედარებით, უფრო მეტს ახერხებენ. ეს განსხვავება სკოლებს შორისაც გაიზარდა. აქედან გამომდინარე, არსებობს საფრთხე, რომ ის პრობლემები, რაც აქამდე განათლებაში არსებობდა, უფრო გამძაფრდეს. 

აქედან გამომდინარე, მგონია, რომ შემდეგი სასწავლო წლისთვის უნდა დაიწყოს მზადება ამ პრობლემების აღმოფხვრისთვის და სპეციალური პროგრამები შეიქმნას იმ ბავშვებისთვის, ვინც ამ სასწავლო წელს სწავლა ვერ მოახერხა. მათ დასჭირდებათ დაჩქარებული სასწავლო პროგრამები, რომ სხვებს დაეწიონ და დანაკლისი შეივსონ“. 

რაც შეეხება ონლაინ-სწავლების ისეთ პროგრამებს, როგორიცაა ტეამს, ზოომ და ა.შ., სიმონ ჯანაშია განმარტავს, რომ სკოლების უმეტესობა ტეამს-ს იყენებს, რადგან სახელმწიფომ სწორედ ეს პროგრამა მიაწოდა: 

„ეს არის „მაიკროსოფტის“ პროდუქტი და ამაში სახელმწიფო იხდის ფულს, რაც ჩემი აზრით, გადაყრილია, რადგან უფასოა გოოგლე-ის ალტერნატიული სერვისები და უფრო კარგადაც მუშაობს ანუ ტეამს-თან შედარებით, ბევრი უპირატესობა აქვს. მეც ვასწავლი ტეამს-ით და, მაგალითად, შეუძლებელია, ეკრანზე ერთდროულად 5-ზე მეტი გამოსახულება დაინახო და მიწევს ხალხის ძებნა. ზოომ-ი ხარისხით უკეთესია, თუმცა ფასიანია და რადგან მაღალი ფასი აქვს, სკოლებისა და უნივერსიტეტებისთვის მისი გამოყენება რთულია. აქედან გამომდინარე, ერთადერთი უპირატესობა ამჟამად მაინც ტეამს-ს აქვს“. 

რამდენად აუწყო საქართველომ ფეხი მსოფლიოს ახალ ტენდენციას ანუ ონლაინ-სწავლებას? _ სიმონ ჯანაშიას თქმით, სახელმწიფო ორი მიმართულებით მუშაობს: 

„ამ მიდგომის ნაკლი ისაა, რომ შედარებით ნაკლები კეთდება მეთოდოლოგიის მიწოდებაზე და უკვე არსებულ გამოცდილებას არ ეყრდნობა. მაგალითად, თუ მასწავლებლები აქამდე, ვთქვათ, „ვოთსაპს“ იყენებდნენ მშობლებთან ურთიერთობისთვის, ახლა სახელმწიფო მხოლოდ ერთ და მონოპოლიზებულ ინსტრუმენტს სთავაზობს „მაიკროსოფტის“ პროდუქტების სახით, რაც ცალკე პრობლემას ქმნის, რადგან ამის ადმინისტრირება და სწავლება ხდება საჭირო და უამრავი ტექნიკური პრობლემა ჩნდება“. 

რაც შეეხება მოახლოებულ ერთიან ეროვნულ გამოცდებს, ექსპერტის თქმით, ერთი მხრივ, ეს გამოცდები მაინცდამაინც არ ემყარება ბოლო სასწავლო წლის მასალას, მაგრამ მეორე მხრივ, არსებული ვითარება უთანასწორობას გაზრდის, რადგან ზოგ აბიტურიენტს რეპეტიტორი ონლაინ-რეჟიმში ჰყავს, ზოგს _ არა. ამასთან, ვისაც რეპეტიტორი არ ჰყავდა და იმედს სკოლის მასწავლებლებზე ამყარებდა, ახლა განათლების მიღება უჭირს. 

„აქედან გამომდინარე, ცხადია, უთანასწორობა, რომელიც სკოლებში ხარისხის განაწილების გამო არსებობდა, გაიზრდება. 

ერთიანი ეროვნული გამოცდები პანდემიის გარეშეც უნდა შეიცვალოს _ მოძველებულია ანუ ეს სისტემა 15 წლის წინანდელი პრობლემებისთვისაა შექმნილი და დღეს სულ სხვა პრობლემები არსებობს უმაღლესი გაანთლების სისტემაში. მაგალითად, დღეს ხარისხის პრობლემა უფრო მნიშვნელოვანია, ვიდრე კორუფციის, რომელიც ქვეყანაში ისე აქტუალური აღარაა, როგორც 15 წლის წინ იყო. 

ამასთან, არსებული გარემო არ არის უსაფრთხო, რადგან არ ვიცით, 1-2 თვეში რამდენად უსაფრთხო იქნება ადამიანების დიდი რაოდენობის შეკრება და მათ მიერ ქაღალდზე დაწერილი ნამუშევრების შემოწმება. ერთ ორგანიზაციას აქვს მონოპოლია და, მაგალითად, გამოცდებისა და შეფასების ეროვნული ცენტრის 20 თანამშრომელი ავად რომ გახდეს, შეიძლება, გამოცდები საერთოდ აღარ ჩატარდეს“, _ აცხადებს ექსპერტი. 

 

„ვერსია“ საქართველოს პარლამენტის განათლებისა და მეცნიერების კომიტეტის თავმჯდომარე გენადი მარგველაშვილსაც დაუკავშირდა, რომელიც აცხადებს, რომ გაკვეთილზე სწავლასა და პედაგოგთან ურთიერთობას ვერაფერი შეცვლის, მაგრამ პანდემიიდან გამომდინარე, არსებულ გამოწვევას საქართველოს განათლების სისტემამ თავი ყველაზე კარგად გაართვა. 

მარგველაშვილს ვკითხეთ, რას აკეთებს სახელმწიფო იმ ბავშვებისთვის, რომელთაც ინტერნეტის, მოწყობილობებისა და, ზოგადად, ონლაინ-სწავლებაზე ხელმისაწვდომობის პრობლემა აქვთ? 

„სამინისტროს ვთხოვე და სრულად შევთანხმდით, რომ ყველა სკოლის ადმინისტრაციას დაევალოს, მოიძებნოს თითოეული ბავშვი, რომელსაც ასეთი პრობლემა აქვს და ეროვნული სასწავლო გეგმა გვაძლევს ინდივიდუალური სწავლების შესაძლებლობას. დამრიგებლები უნდა დაუკავშირდნენ მშობლებს და ბავშვებთან დაამყარონ კავშირი არსებული შესაძლებლობების საშუალებით. ამ შემთხვევაში, შეიძლება, დამატებითი რესურსების მოძიება, რათა თითოეული ბავშვი იყოს ჩართული სწავლების პროცესში. 

იმაზე, რომ სახელმწიფომ შეუძინოს ამ ბავშვებს მოწყობილობები ონლაინ-სწავლებაში ჩართვის მიზნით, რა თქმა უნდა, ხელს ავწევდი, თუმცა ვხვდებით, როგორ მდგომარეობაშია ახლა სახელმწიფო, ამიტომ ლაპარაკია ქველმოქმედებაზე, შემოწირულობებსა და თანხის მოზიდვაზე. 

სხვათა შორის, პრემიერმა განაცხადა, რომ განთლების მიმართულებით გეგმის პრეზენტაცია მოხდება. ამიტომ, არ მინდა, მოვლენებს გავასწრო, დავიცადოთ და სამინისტრო ყველაფერს გაგვაცნობს“, _ აცხადებს გენადი მარგველაშვილი.

თათია გოჩაძე

]]>
versiaprinti@yahoo.com (super admin) საზოგადოება Wed, 06 May 2020 09:38:33 +0400
გადაუვადდებათ თუ არა კორონაკრიზისის გამო სტუდენტებს სწავლის გადასახადი http://versia.ge/2013-07-31-11-23-15/item/6750-გადაუვადდებათ-თუ-არა-კორონაკრიზისის-გამო-სტუდენტებს-სწავლის-გადასახადი.html http://versia.ge/2013-07-31-11-23-15/item/6750-გადაუვადდებათ-თუ-არა-კორონაკრიზისის-გამო-სტუდენტებს-სწავლის-გადასახადი.html

„ბევრს სტუდენტის სტატუსი შეუჩერეს!“ _ როგორია განათლების სამინისტროსა და უმაღლესი სასწავლებლების პოზიცია

 

საქართველოს მთავრობამ კორონაპანდემიით გამოწვეული მძიმე სოციალურ-ეკონომიკური ვითარების დასაძლევად, ანტიკრიზისული გეგმა შეიმუშავა და საზოგადოების ის ჯგუფებიც განსაზღვრა, რომლებიც სახელმწიფო ბიუჯეტიდან კომპენსაციას, ფულად დახმარებას ან ეკონომიკურ შეღავათებს მიიღებენ, თუმცა ანტიკრიზისულ გეგმაში ვერ მოხვდნენ სტუდენტები ანუ მთავრობის რამდენიმეპუნქტიანი გეგმა სწავლის გადასახადის გადავადებას ან შემსუბუქებას არ ითვალისწინებს. „ვერსია“ტექნიკური უნივერისტეტის სტუდენტს ესაუბრა, რომელიც ამბობს, რომ სწავლის გადასახადს საკუთარი ხელფასით იხდის, მაგრამ იმის გამო, რომ სამსახურში, შესაძლოა, პრობლემები შეექმნას, სწავლის ფულს ვეღარ გადაიხდის.

გიორგი 20 წლის: „ქვეყანაში მიმდინარე მოვლენებიდან გამომდინარე, სახელმწიფოს დაავიწყდა სტუდენტების არსებობა. მთავრობამ, კეთილი ინებოს და ყურადღება მიაქციოს სტუდენტებს, ვინაიდან მათი, დაახლოებით, 70% მუშაობს და სწავლის საფასურს საკუთარი შრომით იხდის. ამიტომ, განათლების სამინისტრომ ეს საკითხი უყურადღებოდ არ უნდა დატოვოს. სტუდენტები იმას ხომ არ ვითხოვთ, რომ სახელმწიფომ სრულად დაგვიფინანსოს სწავლის გადასახადი?! აქ საუბარი იმაზეა, რომ თანხა გადავადდეს ანუ მიიღონ გადაწყვეტილება და მინიმუმ, სამი თვით მაინც გადაგვივადონ სწავლის საფასური. 

 

რაც შეეხება ჩემს შემთხვევას, დამირეკეს ტექნიკური უნივერსიტეტიდან გადასახადთან დაკავშირებით. ავუხსენი ჩემი მდგომარეობა და ვთხოვე, მინიმუმ, ერთი თვე მოეცათ დრო თანხის გადასახდელად და დამთანხმდნენ. ეს გამონაკლისი შემთხვევაა, მაგრამ ჩემს ბევრ მეგობარს, რომელმაც ვერ შეძლო სწავლის საფასურის გადახდა, სტუდენტის სტატუსი შეუჩერეს. აუცილებელია, რომ ამ ადამიანებს მიექცეთ ყურადღება და არ უნდა გამორჩეს სახელმწიფოს კერძო უნივერსიტეტები, რადგან ეს პრობლემა იქაც ძალიან აქტუალურია“. 

„ვერსიამ“ აღნიშნული პრობლემის გარკვევა განათლების და მეცნიერების სამინისტროში სცადა. როგორც ჩხენკელის უწყებაში გვითხრეს, სამინისტრომ უნივერსიტეტებს რეკომენდაციით უკვე მიმართა, რომ მაქსიმალურად გაითვალისწინონ არსებული ვითარება და სტუდენტებს შეღავათი შესაძლებლობის ფარგლებში გაუკეთონ. 

„სამინისტროს მხოლოდ რეკომენდაციის გაცემა შეუძლია, რადგან უნივერსიტეტები ავტონომიით სარგებლობენ და მათ საქმიანობაში ვერ ჩაერევა, თუმცა ჩვენი ინფორმაციით, უნივერსიტეტებმა სამინისტროს რეკომენდაცია მაქსიმალურად გაითვალისწინეს“ _ განგვიმარტეს განათლების და მეცნიერების სამინისტროში. 

„ვერსიამ“ პრობლემის შეფასება განათლების ექსპერტებსაც სთხოვა. 

„ითქვა, რომ ცალკე იქნებოდა გეგმა, რომელიც განათლებას შეეხებოდა, მაგრამ ეს გეგმა არ გვინახავს. აქედან გამომდინარე, გაუგებარია, რას აპირებენ არა მხოლოდ სტუდენტებთან, არამედ, მასწავლებლებსა და იმ ბავშვებთან მიმართებაშიც, რომლებსაც საშუალება არ აქვთ, რომ განათლება მიიღონ. საერთოდ, ჩვენთან განათლებაზე, როგორც უფლებაზე, სამწუხაროდ, იშვიათად ლაპარაკობენ. არადა, განათლების მიღება კონსტიტუციით გარანტირებული უფლებაა და ასეთ უფლებებს სახელმწიფომ უნდა მიხედოს“, _ აცხადებენ ექსპერტები. 

იმის გასარკვევად, თუ რა შეღავათებით ისარგებლებენ სტუდენტები, „ვერსიამ“ თბილისის სახელმწიფო უნივერსიტეტს მიმართა, სადაც გვიპასუხეს: 

„ივანე ჯავახიშვილის სახელობის თბილისის სახელმწიფო უნივერსიტეტში წლებია, სტუდენტებს აქვთ სწავლის საფასურის ეტაპობრივი გადახდის შესაძლებლობა. თუკი სტუდენტს აქვს გარკვეული სახის სოციალური პრობლემა, მას შეუძლია, წერილობით მიმართოს უნივერსიტეტის ადმინისტრაციას და სასწავლო სემესტრის დასრულებამდე, საფასურის გადახდის გრაფიკი ინდივიდუალურად შეათანხმოს. 

ინდივიდუალური გრაფიკი სტუდენტის შესაძლებლობებზე იქნება მორგებული და შექმნილ ვითარებაში, მას მნიშვნელოვან შეღავათს გაუწევთ. განცხადებების გაგზავნა შესაძლებელია ელექტრონულადაც. 

შექმნილი ვითარებიდან გამომდინარე, განცხადებების მიღება ამ ეტაპზეც ხორციელდება. 

ამასთან, უნივერსიტეტის ბიუჯეტში 600 000 ლარია გამოყოფილი სტუდენტთა სწავლის საფასურის დაფარვის მიზნით. აღნიშნული დაფინანსებით ისარგებლებენ შესაბამისი აკადემიური მოსწრების მქონე სტუდენტები. 

გარდა ამისა, უნივერსიტეტი მნიშვნელოვან შეღავათებს დაუწესებს სტუდენტური საერთო საცხოვრებელით მოსარგებლე სტუდენტებს“.

თათია გოჩაძე

]]>
versiaprinti@yahoo.com (super admin) საზოგადოება Wed, 06 May 2020 09:38:21 +0400
მარადონას სიზმარი http://versia.ge/2013-07-31-11-23-15/item/6747-მარადონას-სიზმარი.html http://versia.ge/2013-07-31-11-23-15/item/6747-მარადონას-სიზმარი.html

რა ხეირს მოუტანს კორონაპანდემია მსოფლიო ფეხბურთის ამომავალ ქართველ ვარსკვლავს და ვინ მოისურვა ზიდანის დასთან სექსი

პანდემიის გამო, პირველი მძიმე ნაბიჯი გადაიდგა და დიდი შანსია, რომ მას მეორე და მესამე მოჰყვეს. კერძოდ, ბევრი მსჯელობის შემდეგ, საფრანგეთის საფეხბურთო ჩემპიონატი დასრულებულად გამოცხადდა და გუნდებმა ის მდგომარეობა შეინარჩუნეს, რომელიც ამ ეტაპისთვის ეკავათ. შედეგად, ჩემპიონი „პარი სენ ჟერმენი“ გახდა, რომელსაც 27 ტურის შემდეგ, 68 ქულა ჰქონდა და უახლოეს მდევარ „მარსელს“, 12 ქულით უსწრებდა. საინტერესოა, რომ პარიზელთა შემადგენლობაში, ესპანელმა ნახევარმცველმა ხესემ, წელს, ამ 27 ტურში, მხოლოდ 1 წუთი ითამაშა, როდესაც მეოთხე ტურის შეხვედრაში, მოედანზე, მწვრთნელმა დროის გაყვანის მიზნით შეიყვანა და... რეგლამენტის მიხედვით, ფეხბურთელი, რომელსაც ერთი წუთი მაინც აქვს ჩემპიონი გუნდის შემადგენლობაში ნათამაშები, ოქროს მედალს მიიღებს. ჰო, ბარემ ისიც ვთქვათ, რომ უშუალოდ კლუბების ზარალის გარდა, დაზარალდა საფრანგეთის ფეხბურთის ფედერაციაც, რომელსაც დარჩენილი შეხვედრების ჩვენების უფლება 240 მილიონად ჰქონდა გაყიდული და ამ თანხას ვეღარ მიიღებს.

მართალია, ჯერჯერობით ხმაურის ფონზე, მაგრამ იგივე გააკეთა ჰოლანდიის ფეხბურთის ფედერაციამაც და ჩემპიონად „აიაქსი“ გამოაცხადა. ერთი ეგაა, ნიდერლანდებში ამ განცხადებაზე ბეჭედი არ დაურტყამთ, რადგან უეფა თავს იგიჟებს, ვინც ჩემპიონატს ნაადრევად დაასრულებს, დავსჯი, განაახლეთ პირველობებიო. უეფა-ს გულისტკივილი გასაგებია, თუ ჩემპიონატები ახლა დასრულდება, ეს ორგანიზაცია 2 მილიარდ ევროს იზარალებს, მაგრამ ევროპული ქვეყნების პოლიტიკური ლიდერები უეფა-ს არ უსმენენ და ამბობენ, რომ მათთვის ამ ეტაპზე, პრიორიტეტი ფეხბურთი კი არა, საკუთარი ქვეყნის მოქალაქეების ჯანმრთელობაა. 

უფრო ცუდი მდგომარეობაა ინგლისის პრემიერლიგაში: მოგეხსენებათ, ბრიტანეთში, გარდაცვლილთა რიცხვმა 30 ათასს მიაღწია, დაავადებულ ადამიანთა რიცხვი კი 200 ათასს უკაკუნებს, რაც იმას ნიშნავს, რომ ამ მხრივ, ქვეყანაში ურთულესი მდგომარეობაა. ამიტომ, ქვეყნის მესვეურები ვარაუდობენ, რომ წლევანდელი სეზონი კი არა, პრემიერლიგაში მომავალი სეზონიც მაყურებლების გარეშე ჩაივლის, თანაც პრემიერლიგის ვარსკვლავები ამბობენ, რომ მოედანზე გასვლის ეშინიათ, რადგან ეჭვი აქვთ, ვინმესგან ვირუსი გადაედებათ და სიკვდილი არავის უნდა. 

ექსპერტების ვარაუდით, შესაძლებელია, პრემიერლიგის მატჩები ისეთ ქვეყნებში ჩატარდეს, სადაც ვირუსი ნაკლებადაა, რადგან სტადიონზე მაყურებელი მივა და ამით კლუბები არ იზარალებენ, მაგრამ ესეც დიდი აბსურდია _ როგორ შეიძლება, მაგალთად, პრემიერლიგა ჩატარდეს საქართველოში მაშინ, როცა ჩვენთვის ესოდენ მნიშვნელოვანი, საქართველო-ბელორუსის შეხვედრის გამართვის შესაძლებლობა არ გვაქვს. არადა, საქართველო, დღეის მონაცემებით, ევროპაში კორონავირუსის მაჩვენებლით, ერთ-ერთ, ყველაზე კარგ პოზიციაზეა. 

იგივეს თქმა შეიძლება იტალიის საფეხბურთო ჩემპიონატზეც. მართალია, გავრცელდა ინფორმაცია, რომ სერია A, სტარტს 18 მაისს აიღებდა, მაგრამ ქვეყნის ხელმძღვანელობამ დააკონკრეტა, 18 მაისს შესაძლოა, ფეხბურთელებმა ვარჯიში განაახლონ, ჩემპიონატის განახლებაზე კი საუბარი და კონსულტაციები არ ყოფილაო ანუ ევროპული წამყვანი საფეხბურთო ლიგების ხელმძღვანელებს ჩემპიონატების განახლების სურვილი კი აქვთ, მაგრამ საქმე საქმეზე როცა მიდგება ხოლმე, ისინი თარიღს, უბრალოდ, ვერ ასახელებენ. არადა, ყველაფერს თავი რომ დავანებოთ, ივნისში მომავალი სეზონის ევროპისა და ჩემპიონთა ლიგის საკვალიფიკაციო ეტაპის მატჩები უნდა გაიმართოს და როგორ გაიმართება, როცა ჯერჯერობით, ჩემპიონატები არ დასრულებულა და არავინ იცის, ვინ უნდა ითამაშოს ამ ეტაპებზე? სავარაუდოდ, ერთადერთი გამოსავალი ყველა ჩემპიონტის ვადაზე ადრე დასრულება იქნება ანუ იმ მდგომარეობით, როგორიც ახლა არის, თუმცა ამას უკვე უეფა ეწინააღმდეგება. 

* * * 

წეღან „აიაქსი“ შემთხვევით არ გვიხსენებია: ჰოლანდიური მედია წერს, რომ ქვეყნის ყველაზე ტიტულოვანი კლუბი, ზაფხულში, გიორგი ჩაკვეტაძის შეძენას შეეცდება. გიოს ყიდვაზე თურქული „ტრაბზონსპორიც“ „იქაჩება“ და მის მყიდველთა შორის „ლაციოს“, „რომასა“ და „ლიონსაც“ ასახელებენ. ქართველის სატრანსფერო ფასი, როგორც ამბობენ, 7 მილიონი ევროა და ამ ფასად, „ქართველ კაკად“ შერაცხული ჩაკვეტაძის ხელში ჩაგდების სურვილი არაერთ კლუბს რომ ექნება, ადვილი მისახვედრია. 

კიდევ ერთი ჩვენებური, ავსტრიული „შტურმის“ შემტევი ოთარ კიტეიშვილი, გრაცულ კლუბში 2018 წელს, თბილისის „დინამოდან“ 760 ათას ევროდ გადავიდა. მაშინ ავსტრიელბმა ჯერ კიდევ არ იცოდნენ, რომ ოთარი კლუბს საუცხოოდ შეეწყობოდა და ერთ-ერთი ლიდერიც გახდებოდა. ჰოდა, ორ წელიწადში, კიტეიშვილის ფასი 2 მილიონ ევრომდე გაიზარდა. როგორც ავსტრიული მედია წერს, გრაცელებს მყიდველთა რიგი უდგათ და დიდი შანსია, ზაფხულში ოთარმა კლუბი შეიცვალოს. ზოგადად, საშუალო დონის გუნდებს ამ ზაფხულს წამყვანი ფეხბურთელების შენარჩუნება გაუჭირდებათ, რადგან პანდემიის გამო, მათ სერიოზული ზარალი ნახეს, ხელფასების გადახდა უჭირთ და ან წამყვან მოთამაშეებს უნდა შეელიონ და ამით ორი კურდღელი დაიჭირონ (ხელფასები აღარ უხადონ და თან შემოსავალი მიიღონ), ან თავი გაკოტრებულად გამოაცხადონ, თუმცა ეს მეორე ვარიანტი, რა თქმა უნდა, არც განიხილება. 

* * * 

უკვე ოფიციალურად დადასტურდა, რომ NBA-ს 2020 წლის დრაფტზე, „სეტონ ჰოლ პაირატსის“ ქართველი კალათბურთელი სანდრო მამუკელაშვილიც იქნება. სანდრო 20 წლისაა და 2017 წლიდან, NჩAA-ის (სტუდენტური ტოპ ლიგა) გუნდის წევრი გახლავთ. მამუკელაშვილი სიმაღლეში 211 სანტიმეტრია და სამქულიანებს ძალიან კარგი პროცენტით (44%) ისვრის. ეს მის დრაფტზე არჩევის შანსებს კიდევ უფრო ზრდის და ამაზე მედია გასულ სეზონშიც წერდა, მარტში კი გავრცელდა ინფორმაცია, რომ მას NBA-ს რამდენიმე კლუბი აკვირდება. ამის მიუხედავად, ექსპერტები ვარაუდობენ, რომ კარგი იქნება, თუ ჩვენებური ერთი წელი მოიცდის და 2021 წელს, უკვე გარანტირებული ექნება არჩევა. შეგახსენებთ, რომ NBA-ს დრაფტზე დადგომის უფლება კალათბურთელს, კარიერის განმვლობაში, მხოლოდ ერთხელ აქვს და თუ რომელიმეს იმ წელს არ აირჩევენ, მისთვის აშშ-ის საკალათბურთო ლიგა მთელი ცხოვრება აუხდენელ ოცნებად დარჩება. 

* * * 

როგორც იქნა, მარკო მატერაციმ აღიარა, რა უთხრა 2006 წელს, მსოფლიოს ჩემპიონატის ფინალში ზინედინ ზიდანს ისეთი, რის შემდეგაც, ფრანგმა ლეგენდამ მუცელში თავი უთავაზა, მინდორზე დააგდო და, პრაქტიკულად, მაშინ გადაწყდა ჩემპიონის ბედიც. მსაჯმა ზიზუ გააძევა და ლიდერის გარეშე დარჩენილი ფრანგები დამარცხდნენ. ეს მატერაციმ კარანტინში, ლაივ-ჩართვისას აღიარა. 

„ზიდანს რამდენჯერმე ვეუხეშე. პირველ ტაიმში, მან გოლი გაგვიტანა და მარჩელო ლიპიმ პერსონალური მეურვეობა დამავალა. მორიგი უხეშობის შემდეგ, ზიზუმ მითხრა, ნუ ნერვიულობ, თამაშის შემდეგ, მაისურს მოგცემო. მე კი ვუპასუხე, მაისურს შენი და მირჩევნია-მეთქი. არ ველოდი, ასეთი რეაქცია თუ ექნებოდა, მზად რომ ვყოფილიყავი, მუშტი-კრივს გავმართავდი და მეც გამაძევებდნენ. საბოლოოდ, მოხდა ის, რაც ყველამ ნახა და ჩვენ ჩემპიონები გავხდით“, _ განაცხადა მატერაციმ და არ უთქვამს, რომ მომხდარს მცირედით მაინც ნანობს. 

* * * 

და კიდევ ერთი აღიარება, რომელიც ასევე, მსოფლიო ჩემპიონატს, ოღონდ 2010 წელს ჩატარებულ პირველობას უკავშირდება: მაშინ არგენტინის ნაკრებს ლეგენდარული დიეგო მარადონა წვრთნიდა, 23-კაციან განაცხადში ვერ მოხვდნენ ესტებან კამბიასო და ხავიუერ ძანეტი. არადა, ისინი მაშინ „ინტერში“ თამაშობდნენ და „ინტერმა“ იმ წელს იტალიის თასი, ჩემპიონატი და ჩემპიონთა ლიგა მოიგო. სამაგიეროდ, მარადონას 23-კაციან სიაში მოხვდა 30 წლის მცველი, არიელ გარსე. ეს ფეხბურთელი არაფრით იყო გამორჩეული, მანამდე არგენტინის ნაკრებში ერთი ოფიციალური შეხვედრაც კი არ ჰქონდა ჩატარებული და ამ დროს, მსოფლიო ჩემპიონატზე გასამგზავრებელ ფეხბურთელთა სიაში აღმოჩნდა. მაშინ გარსემ ისიც თქვა, დიეგომ რომ დამირეკა, შოკში ჩავვარდი, ვერ მივხვდი, ნაკრებში რატომ გამომიძახაო. საბოლოო ჯამში, გარსე არგენტინელ ფეხბურთელთაგან ერთადერთი იყო, რომელმაც 2010 წლის ჩემპიონატზე, მოედანზე ერთი წუთიც არ გაატარა ანუ მას საერთდ არ უთამაშია. მაშინ, რატომ წაიყვანა მარადონამ მუნდიალზე? 

„ყველაფერს მარტივად ავხსნი: სანამ 23-კაციან განაცხადს გავაკეთებდი, სიზმარი ვნახე, ვითომ ჩვენ ჩემპიონები გავხდით და ჩემი გუნდის შემადგენლობიდან ერთადერთი ფეხბურთელი, რომელიც მახსოვდა, სწორედ გარსე იყო. ვინც უნდა დამსიზმრებოდა, მას აუცილებლად წავიყვანდი და, მით უმეტეს მაშინ, როცა სწორედ ის იყო ერთადერთი, რომელიც დამამახსოვრდა. მოკლედ, გარსე, როგორც თილისმა, როგორც იღბლის მომტანი, ისე წავიყვანე“, _ განაცხადა მარადონამ და გარსეს კომენტარმაც არ დააყოვნა: 

„ეს კაცი გიჟია და მე ის ძალიან მიყვარს“.

ბათო ჯაფარიძე

 

]]>
versiaprinti@yahoo.com (super admin) საზოგადოება Wed, 06 May 2020 09:38:09 +0400
სკანდალი: საგანგებო მდგომარეობის დარღვევისთვის მოქალაქეების დაჯარიმება უკანონოა! - რა სასჯელი ემუქრება პრეზიდენტს http://versia.ge/2013-07-31-11-23-15/item/6741-სკანდალი-საგანგებო-მდგომარეობის-დარღვევისთვის-მოქალაქეების-დაჯარიმება-უკანონოა-რა-სასჯელი-ემუქრება-პრეზიდენტს.html http://versia.ge/2013-07-31-11-23-15/item/6741-სკანდალი-საგანგებო-მდგომარეობის-დარღვევისთვის-მოქალაქეების-დაჯარიმება-უკანონოა-რა-სასჯელი-ემუქრება-პრეზიდენტს.html

კონსტიტუციონალისტმა, ლევან ალაფიშვილმა „ვერსიას“ სკანდალური ინფორმაცია მიაწოდა. მისი თქმით, ხელისუფლების სამივე წყარომ - პარლამენტმა, პრეზიდენტმა და მთავრობამ კონსტიტუციის დარღვევით მიიღეს და დაამტკიცეს საგანგებო მდგომარეობისთვის პრეზიდენტის მიერ გამოცემული დეკრეტი. ალაფიშვილის განმარტებით, არაკონსტიტუციური ანუ ძალადაკარგულია საგანგებო მდგომარეობის წესების დარღვევისთვის გამოწერილი ყველა ჯარიმა და მოქალაქეებს შეუძლიათ, დაკისრებული სანქციები სასამართლოში გაასაჩივრონ:

 „საგანგებო მდგომარეობის დროს დადგენილი შეზღუდვებისთვის უნდა იყოს შესაბამისი აკრძალვები ამ კანონით გათვალისწინებული დარღვევებისთვის, ასევე, კანონით გათვალისწინებული პასუხისმგებლობა და ამას ყველა უნდა დავემორჩილოთ. ორჯერ გამოვიყენე სიტყვა „კანონი“ და ესაა მთავარი, რის გამოც ვსაუბრობ არა მარტო მე, არამედ, ყველა კონსტიტუციონალისტი და სტუდენტიც კი, იმდენად ელემენტარულია, მაგრამ სამწუხაროდ, პარლამენტარები ამას უგულებელყოფენ.

კონსტიტუციით, ხელისუფლება დანაწილებულია 3 შტოდ, უმაღლესი ლეგიტიმაციის მქონე არის საკანონმდებლო ორგანო. მხოლოდ ამ ორგანოს უფლებამოსილებაა კანონებით საკითხის რეგულირება. კონსტიტუციის გარდა, არსებობს ნორმატიული აქტების შესახებ ორგანული კანონი, რომელიც ორ მნიშვნელოვან რამეს ამბობს - პირველი, რომ სახელმწიფო მმართველობის ნებისმიერ საკითხს, თუ კონსტიტუციით სხვა რამ არ არის დადგენილი, წყვეტს პარლამენტი და აგრეთვე, ამავე კანონში წერია, რომ პრეზიდენტის აქტი - დეკრეტი გამოიცემა კონსტიტუციით გათვალისწინებულ საკითხებზე. კონსტიტუციაში არის ორი საკითხი, რომელსაც ეყრდნობა დეკრეტი. ესაა 71 -ე მუხლი, რომელშიც კონსტიტუცია აკონკრეტებს, დეკრეტით რა საკითხების მოწესრიგება შეიძლება.  ეს საკითხებია კონსტიტუციით გათვალისწინებული 7 უფლების შეზღუდვა ან ამ უფლებების შეჩერება საგანგებო ან საომარი ვითარების დროს. მეტი არც ერთ საკითხზე დეკრეტის გამოცემის არანაირი უფლებამოსილება არ აქვს პრეზიდენტს. პრეიზდენტის მიერ გამოცემულ პირველ დეკრეტს თუ ჩავხედავთ, ვნახავთ, რომ შეზღუდა კონსტიტუციის 7 უფლება, რაც კონსტიტუციურია, მაგრამ იქვე მიაყოლა და ანტიკონსტიტუციურად დაადგინა ის საკითხები, რომელიც მის კომპეტენციაში არც კონსტიტუციით და არც ნორმატიული აქტების კანონით არ შედიოდა ანუ მიითვისა ხელისუფლება და სამწუხაროა, რომ პარლამენტმა ამაზე თვალი დახუჭა“, - ამბობს ალაფიშვილი.

ალაფიშვილის განმარტებითვე, დეკრეტის მეორე ნაწილი ანტიკონსტიტუციურია:

 „რაც შეეხება ქმედების მართლსაწინააღმდეგოდ გამოცხადებას და ამისთვის სასჯელის დაწესებას, ეს ორივე საკითხი მიითვისა პრეზიდენტმა, რადგან უნდა განისაზღვროს მხოლოდ და მხოლოდ კანონით პარლამენტის მიერ და არა - პრეზიდენტის დეკრეტით.

21 მარტს, პრეზიდენტის მიერ პირველად გამოცემულ დეკრეტში წერია, რომ სისხლის სამართლებრივი ქმედება და პასუხისმგებლობა დასჯადი ამ კოდექსით გათვალისწინებული ქმედება შეიძლება იყოს. სისხლის სამართლის კოდექსში კი ვერ ნახავთ ნორმას, რომელიც გაითვალისწინებდა რაიმე ქმედების, ამ შემთხვევაში, საგანგებო მდგომარეობის, წესების დარღვევას, თუმცა პრეზედენტმა ეს ჩაწერა დეკრეტში ანუ სახეზეა კანონსაწინააღმდეგოობა.

და ბოლოს, ნორმატიული აქტების კანონი ვახსენე და იქ არის კიდევ ერთი მუხლი, რომ იურიდიული პასუხისმგებლობა და ნორმები განისაზღვრება საკანონმდებლო ორგანოს მიერ, თუ ყველაფერ ამას შევაჯამებთ, შავით თეთრზე ამოვიკითხავთ, რომ პრეზიდენტის ნომერ პირველი დეკრეტი, რომლითაც ასეულობით მოქალაქე დაჯარიმდა, იყო კონსტიტუციურ საფუძველს მოკლებული. თუ ეს გადაწყვეტილებები გასაჩივრდება და საქმე საკონსტიტუციო სასამართლომდე მივიდა, აუცილებლად დაადასტურებს, რომ არაუფლებამოსილი ორგანოს, ამ შემთხვევაში, პრეზიდენტის მიერ გამოცემული აქტი არის ანტიკონსტიტუციური“.

ალაფიშვილის თქმითვე, ამ საკითხის მოწესრიგება პარლამენტის მიერ შეიძლებოდა:

„მით უმეტეს, საგანგებო მდგომარეობის გამოცხადებამდე ოხანაშვილმა და მდინარაძემ თქვეს, მოვახდინეთ ინიცირებაო, რატომ არ მიიღეს ეს კანონი? საგანგებო მდგომარეობის ფარგლებში პარლამენტის ვალდებულებაა, ყოველდღიურ რეჟიმში იმუშაონ. არადა, ერთი თვის განმავლობაში სულ 2 სხდომა აქვთ ჩატარებული და პასუხისმგებლობა აქვთ ამათ?! რატომ არ მიიღეს ეს კანონი, არ ვიცი, გუშინ სხდომას ვუსმენდი და ვერ გავძელი, მწვავე დეფიციტია კომპეტენციის, ან იციან, რომ კონსტიტუცია დაარღვიეს, მაგრამ პარტიული ინტერესების გათვალისწინებით არ ამბობენ სიმართლეს. საპარლამენტო რესპუბლიკაში პარლამენტმა დაამტკიცა ეს ისე, რომ კითხვა არავის დაუსვამს.

პოლიტიკურად მიკერძოებულად რომ არ ჩამთვალონ, აქვე ვიტყვი - ჩემი პრეტენზია, რომ პარლამენტმა ანტიკონსტიტუციურად დაუჭირა მხარი, შეეხება საპარლამენტო ოპოზიციასაც. ყველა არის ამაზე პასუხისმგებელი. მდინარაძე და ოხანაშვილი იურისტები არიან, მათ მოახდინეს ინიცირება კანონის პროექტის და იციან, რომ მათი უფლებამოსილებაა ეს და არ იცოდნენ, რომ ეს არ შეიძლებოდა?! ეს არის ცოდნა, დემოკრატია  და სახელმწიფოებრივად აზროვნება?!

დაჯარიმებული მოქალაქეებისგან შესულ ფულს ბიუჯეტში ხომ დახარჯავენ? რომ წავა ეს ხალხი და მოიგებს პროცესს, ეს თანხა ბიუჯეტიდან, ანუ ჩვენი ჯიბიდან ხომ უნდა დაბრუნდეს? ვინ აგებს პასუხს? ეს არაა პასუხისმგებლობა და სახელმწიფო.

ახლა ცდილობენ ამ ყველაფრის ე. წ. გაპრავებას და კანონპროექტში ჩაწერეს, რომ პრეზიდენტის დეკრეტით შეფარდებული ჯარიმები ინარჩუნებს ძალასო. თუ საკამათო არაა, მაშინ რატომ ჩაწერეს ეს?

 ამას გარდა, მაინც ვერ გაექცნენ ანტიკონსტიტუციურობას სასჯელთან მიმართებაში. სისხლის სამართლის კოდექსის და ადმინისტრაციულ სამართალდარღვევათა კოდექსში შესატან ცვლილებასთან დაკავშირებით, რომელიც საგანგებო ან საომარი ვითარების წესების დარღვევას შეეხება, წერენ, რომ ეს არის დარღვევა, მაგრამ სასჯელს განსაზღვრავს პრეზიდენტი დეკრეტით. ეს საერთოდ უბედურებაა, რაც იმას ნიშნავს, რომ მაგალითად, 3 მაისს (რადგან 2 მაისს აპირებენ ამოქმედებას)  შეიძლება თქვან, რომ პარლამენტის წევრების გადაადგილება შეზღუდულია, ანუ პარლამენტი ჩაკეტონ სახლში და თუ ამას დაარღვევენ, სამუდამო პატიმრობა მიესაჯოთო. ან ჩვენ გვითხრან, რომ აივანზე გასვლა არის წესების დარღვევა და ზურაბიშვილმა ამისთვის 5 წლიანი პატიმრობა დააწესოს. ანუ, ჩვენი პარლამენტარები მსჯელობენ იმაზე, რომ პრეზიდენტს და მთავრობას მისცენ სრული ძალა-უფლება, ტოტალურად აკონტროლონ პარლამენტიც და საზოგადოებაც“.

ჩვენს კითხვაზე, რა სანქცია შეიძლება, დაეკისროს ხელისუფლებას კონსტიტუციის დარღვევისთვის იმ შემთხვევაში, თუკი ამას ვინმე საკონსტიტუციო სასამართლოში გაასაჩივრებს, ალაფიშვილი გვპასუხობს:

„როგორც მინიმუმ, პოლიტიკური პასუხისმგებლობა აქვთ მათ. პარლამენტთან მიმართებაში ვერ ვისმჯელებთ სხვა პასუხისმგებლობაზე, რადგან იქ კენჭის ყრით წყდება საკითხები, მაგრამ იმ თანამდებობის პირებთან მიმართებაში, რომელთაც კონსტიტუციით აკისრიათ კანონის დაცვის პასუხისმგებლობა, მათ მიმართ შეიძლება, დადგეს სამართლებრივი პასუხისმგებლობაც  პოლიტიკურთან ერთად. მაგალითად, პრემიერ-მინისტრის იმპიჩმენტი დაიწყოს პარლამენტში ვიღაცამ, ან ამის პარალელურად შეიქმნას საგამოძიებო კომისია ამ ან მომავალ პარლამენტში. ესეც გასათვალისწინებელია და მთალად მშვიდად ნუ იქნებიან მთავრობაში“.

 

თათია გოჩაძე

 

]]>
versiaprinti@yahoo.com (super admin) საზოგადოება Thu, 23 Apr 2020 18:25:50 +0400